Back

የኢህአዴግ ወጣቶች ሊግ በአሁን ሰአት በውቢቷ ሀዋሳ ከተማ በደማቅ ሁኔታ እየተካሄደ ይገኛል፡፡

በጉባኤ ላይ የእለቱ የክብር እንግዶች የደቡብ ክልል ርእሰ መስተዳደር የተከበሩ አቶ ሚሊዮን ማቲዮስ እንዲሁም የኢህአዴግ ምክር ቤት ፅ/ቤት ሀላፊ ጓድ ብናልፍ አንዷለምን ጨምሮ በርካታ እንግዶች ተገኝተዋል፡፡

"በተጠናከረ የወጣቶች ትግል የተጀመረውን ሀገራዊ ለውጥ ወደፊት" በሚል መሪ ቃል በአሉ በመከበር ላይ ሲሆን የኢህአዴግ ምክር ቤት ፅ/ቤት ሃላፊ ጓ ብናልፍ አንዷለም የመክፈቻ ንግግር አድርገዋል፡፡

ጓድ ብናልፍ በንግግራቸው ላይ የወጣቶች ሊግም ሆነ ሌሎች የወጣቶች አደረጃጀቶች ሚና በራሱ በአደረጃጀቱ ውስጥ ባሉ አባላት ብቻ ታጥሮ የሚቆም መሆን እንደሌለበት እና ከሊጉ አደረጃጀት ውጪ የሚገኙ ወጣቶችንም ፍላጎት ያጠና እና ተጠቃሚነታቸውን ያረጋገጠ ሊሆን እንደሚገባው አስገንዝበዋል፡፡

በተጨማሪም እንደ ሀገር ለመጣው ለውጥ የወጣቶች ሚና የጎላ እንደነበር እና በቀጣይም እንደ ድርጅት ወጣቶች የተሰዉለትን ለውጥ በመጠበቅ እና ለውጡ የታሰበለትን አላማ እንዲመታ ለማድረግ ሁሉም ሀላፊነቱን በአግባቡ ሊወጣ እንደሚገባ ገልጸዋል፡፡

እንዲሁም የደኢህዴን ምክትል ሊቀመንበር እና የደቡብ ክልል ርእሰ መስተዳደር ጓድ ሚሊዮን ማቲዎስ በመክፈቻ ንግግራቸው ድርጅታችን ኢህአዴግ እንደ ሀገር መሪነት ለሀገራችን ኢትዮጵያ ያስመዘገባቸውን መልካም አስተዋፆዎችን በመጠበቅ፡ሃሳቦችን በምክንያታዊነት በመሞገት ወጣቶች ለውጡ የፈጠረላቸውን አጋጣሚ በአግባቡ ሊጠቀሙበት ይገባል ብለዋል፡፡

 


ጉባኤ ጉባኤ

የኢህአዴግ ስራ አስፈፃሚ ኮሚቴ የኢኮኖሚ ማሻሻያ ሪፎርሞችን በጥልቀት በመገምገም ቀጣይ የኢኮኖሚ አቅጣጫዎችን አስቀመጠ።

የኢህአዴግ ስራ አስፈፃሚ ኮሚቴ ሚያዚያ 28/2011 ዓም ባካሄደው ስብሰባ ያለፉት ዓመታትን የኢኮኖሚ ዘርፍ አፈፃፀም በዝርዝር ከገመገመ በኋላ የኢኮኖሚ ማሻሻያ ሪፎርሞችን በማስቀመጥ ስብሰባውን አጠናቋል። ስራ አስፈፃሚ ኮሚቴው ከ2003 እስከ 2010 ዓም በአገሪቱ የተመዘገበውን የኢኮኖሚ አፈፃፀም የገመገመ ሲሆን በእነዚህ ዓመታት ውስጥ አጠቃላይ የአገር ውስጥ ምርት በአማካይ የ9.6 እድገት ማሳየቱን በዚህም የግብርና ዘርፍ የ5.7 በመቶ፣ የኢንዱስትሪ ዘርፍ ደግሞ የ19.1 በመቶ እንዲሁም የአገልግሎት ዘርፍ 10.3 በመቶ እድገት ማስመዝገቡን ተመልክቷል።

ተጨማሪ ያንብቡ…

የኢህአዴግ ስራ አስፈጻሚ ኮሚቴ ስብሰባውን ማካሄድ ጀመረ

የኢትዮጵያ ህዝቦች አብዮታዊ ዴሞክራሲያዊ ግንባር(ኢህአዴግ) ስራ አስፈጻሚ ኮሚቴ ከዛሬ ሚያዝያ 28ቀን 2011 ዓም ጀምሮ ስብሰባውን ማካሄድ ጀምሯል፡፡ ስራ አስፈጻሚ ኮሚቴው በድርጅታዊና ወቅታዊ ሃገራዊ ጉዳዮች ላይ ጥልቅ ውይይት በማካሄድ ውሳኔዎችንና ቀጣይ አቅጣጫዎችን ያስቀምጣል ተብሎ ይጠበቃል፡፡

ተጨማሪ ያንብቡ…

“በኢሕአዴግ ምክር ቤት ስብሰባዎች የመሳተፍ ዕድላችን መስፋት በክልላዊና ሀገራዊ ጉዳዮች ላይ በጥልቀት እንድንወያይ አስችሎናል ” አጋር ፓርቲዎች

የድርጅቶቹ አመራሮች ላለፉት ሁለት ቀናት ሲካሄድ የነበረው የኢህአዴግ ምክር ቤት ስብሰባን አስመልክቶ ለሚዲያዎች መግለጫ ሰጥተዋል፡፡ የሶማሌ ዴሞክራሲያዊ ፓርቲን ወክለው መግለጫውን የሰጡት ምክትል ርዕሰ መስተዳደሩ አቶ አደም ፋራህ፣ የአፋር ዴሞክራሲያዊ ፓርቲን ወክለው በመወከል ደግሞ የድርጅቱ ምክትል ሊቀ መንበርና የክልሉ ርዕሰ መስተዳደር አቶ አወል አርባ፣ አቶ አሻድሊ ሃሰን የቤንሻንጉል ክልል ፕሬዝዳንትና የቤንሻንጉል ጉምዝ ዴሞክራሲያዊ ፓርቲ ሊቀ መንበር፣ የጋምቤላ ህዝቦች ዴሞክራሲያዊ ንቅናቄን ወክለው የፓርቲው ሊቀ መንበርና የክልሉ ርዕሰ መስተዳደር አቶ ኡመድ ኡጁሉና የሀረሪ ብሄራዊ ሊግን በመወከል ደግሞ የሊጉ ሊቀ መንበርና የሀረሪ ክልል ፕሬዝዳነት አቶ ኦርዲን በድሪ ናቸው፡

ተጨማሪ ያንብቡ…

የኢሕአዴግ ምክር ቤት ወቅታዊ ሀገራዊ ሁኔታዎችን እና ያለፉትን ወራት የእቅድ አፈፃፀም በጥልቀት ገምግሞ አቅጣጫዎችን በማስቀመጥ መደበኛ ስብሰባውን አጠናቀቀ።

የኢሕአዴግ ምክር ቤት ከሚያዚያ 7 - 8 /2011 ዓ.ም ባካሄደው መደበኛ ስብሰባ ሀገራዊ የለውጥ ሂደቱ ያለበትን ደረጃና የተከናወኑ የፖለቲካና የድርጅት ስራዎችን አፈፃፀም ገምግሟል። ባለፈው አንድ አመት በተለይም 11ኛው የኢሕአዴግ ጉባኤ ከተካሄደበት መስከረም ወር ጀምሮ የጉባዔውን ዋናዋና ውሳኔዎችና አቅጣጫዎች መሰረት በማድረግ የፖለቲካ ምህዳሩን ለማስፋት ያስቻሉ ተጨባጭ እርምጃዎች ሲወሰዱ መቆየታቸውን ምክር ቤቱ በዝርዝር ተመልክቷል። የፖለቲካ ምህዳሩን ከማስፋት አኳያ የተሰሩ ዘርፈ ብዙ ስራዎች መኖራቸውን፤ እህት እና አጋር ፓርቲዎች እያደረጓቸው ያሉ እንቅስቃሴዎች በመልካም ጅምርነት የገመገመው ምክር ቤቱ በቅርቡ ከተፎካካሪ የፖለቲካ ፓርቲዎች ጋር የተፈረመው የቃል ኪዳን ሰነድ በሀገራችን የፖለቲካ ታሪክ ውስጥ ጉልህ ቦታ ያለው እንደሆነ ተመልክቷል፡፡ ኢህአዴግ የቃል ኪዳን ሰነዱን አክብሮ በመንቀሳቀስ ሃላፊነቱን በተሟላ መልኩ እንዲወጣ አቅጣጫ የተቀመጠ ሲሆን ተፎካካሪ ፓርቲዎችም ህገ መንግስቱን፤ የሀገሪቱን ህጎች አክብረው በሰላማዊ የሀሳብ ትግል ብቻ በመድብለ ፓርቲ ስርዓቱ ውስጥ ያለባቸውን ሃላፊነት ተረድተው እንዲንቀሳቀሱ ጥሪውን አስተላልፏል።

ተጨማሪ ያንብቡ…

የኢህአዴግ ምክር ቤት ከፊታችን ሰኞ ጀምሮ ስብሰባውን ያካሂዳል፡፡

የኢትዮጵያ ህዝቦች አብዮታዊ ዴሞክራሲያዊ ግንባር(ኢህአዴግ) ም/ቤት ከፊታችን ሰኞ ሚያዝያ 7ቀን 2011 ዓም ጀምሮ መደበኛ ስብሰባውን የሚካሂድ ሲሆን በተለያዩ አጀንዳዎች እንደሚመክር ተገለጸ፡፡ ምክር ቤቱ ያለፉት ወራት የድርጅት ስራዎች አፈጻጸም እንዲሁም በሌሎች ሀገራዊና ወቅታዊ አጀንዳዎች ላይ ውይይትና ግምገማ በማድረግ ቀጣይ አቅጣጫዎችን ያስቀምጣል ተብሎ እንደሚጠበቅ የኢህአዴግ ም/ቤት ጽ/ቤት አስታውቋል፡፡

ተጨማሪ ያንብቡ…

ከዛሬ አመት በፊት በኢህአዴግ ውስጥ የተጀመረው ለአብዮት የተቃረበ ሪፎርም በአገሪቱ የነበረውን የፖለቲካ መልክ መቀየር መቻሉን ድርጅቱ ገለጸ፡፡

በደርጅቱ ውስጥ የነበረ ጸረ ዴሞክራሲያዊነት መገንገን፣ የክራይ ሰብሳቢነት ፖሊቲካል ኢኮኖሚ የበላይነት የያዘ ስለነበረ፤ ከሰብዓዊ መብት ጥሰት፣ የዴሞክራሲ ምህዳሩ መጥበብ፤ ፍትሃዊ ተጠቃሚነትና እኩልነት ማጥፋት ጋር ተያይዞ ሲነሱ የነበሩ ጥያቄዎችን መመለስ ተስኖት ነበር፡፡ በዚህም የተነሳ ከውስጥም ከውጭም አገሪቱ የመፍረስ አደጋ እንደተደቀነባት ሲተነበይ አንደነበር አስታውሰዋል፡፡ በዚሁ መነሻነት ከህዝቡ በመጣው ግፊት ሳቢያ አገሪቱን ከገባችበት አደጋ መታደግ የሚችል ትግል በድርጅቱ ውስጥ መካሄድ መጀመሩንና ጠንካራ ውሳኔ መወሰኑን የጠቀሱት አቶ ተፈራ ውሳኔውንም "ከሞላ ጎደል ለአብዮት የተቃረበ የሪፎረም ውሳኔ" ሲሉ ገልፀውታል፡፡

ተጨማሪ ያንብቡ…

ኦዲፒ ለአዳዲስ ድሎች እየተዘጋጀ መሆኑን የኦዲፒ ሊቀመንበር ጠቅላይ ሚኒስትር ዶ/ር ዓብይ አህመድ ገለጹ

የኢፊዲሪ ጠቅላይ ሚኒስትር እና የኦዲፒ ሊቀ መንበር ዶ/ር ዓብይ አህመድ የኦዲፒ 29ኛ ዓመት የምስረታ ባስተላለፉት መልዕክት የኦዲፒን የምስረታ በዓል ስናከብር ለአዳዲስ ድል እና ገድል እየተዘጋጀን መሆን አለበት ብለዋል። ኦዲፒ ሁሉም የኢትዮጵያ ብሄሮች፣ ብሄረሰቦች እና ህዝቦች የሚኮሩባት፣ የሚሰራበት እና የማይሸማቀቁበት ኢትዮጵያን ለመፍጠር በቁርጠኝነት ይሰራልም ብለዋል።

ተጨማሪ ያንብቡ…

ቪዲዮ ቪዲዮ

Visitor counter Visitor counter

Today       

1473

       የዛሬ ጎብኚ

Yesterday       

1381

       የትናንት ጎብኚ

This Month       

55794

       የዚህ ወር ጎብኚ

This Year       

296230

       የዚህ ዓመት ጎብኚ

Total        

407025

       አጠቃላይ ጎብኚ