ዜና ዜና

ጠቅላይ ሚኒስትር ዐቢይ አሕመድ ከኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ ጋር ተወያዩ፡፡

ጠቅላይ ሚኒስትር ዐቢይ አሕመድና ምክትል ጠቅላይ ሚኒስትር ደመቀ መኮንን ከኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ ጋር ዛሬ ጳጉሜን 1 ቀን 2011 ዓም ጠዋት በቢሯቸው ተወያይተዋል፡፡ የቤተ ክርስቲያኒቱ ቅዱስ ሲኖዶስ ባቀረበው ጥያቄ መሠረት በተደረገው ውይይት ላይ ጠቅላይ ሚኒስትሩ ከለውጡ ወዲህ መንግሥት ቤተ ክርስቲያንን በተመለከተ ያለውን አቋምና ያከናወናቸውን ተግባራት አውስተዋል፡፡ ብጹእ ወቅዱስ አቡነ ማትያስና ሌሎችም ሊቃነ ጳጳሳት ክቡር ጠቅላይ ሚኒስትሩ ወደ ሥልጣን ከመጡ ወዲህ ለሀገርና ለቤተ ክርስቲያን የተከናወኑ በጎ ተግባራትን በመዘርዘር ምስጋና አቅርበዋል፡፡

ተጨማሪ ያንብቡ…

‹‹በብዙ ጨለማና አስከፊ ሁኔታ ውስጥ ያለችውን ኢትዮጵያ ነጻ ማውጣት የሚችለው እውቀት ብቻ ነው›› ጠቅላይ ሚኒስትር ዶክተር አብይ አህመድ

ጠቅላይ ሚኒስትር ዶክተር አብይ አህመድ ለትምህርት ወደ ቻይና ለሚሄዱ ተማሪዎች ‹‹በብዙ ጨለማና አስከፊ ሁኔታ ውስጥ ያለችውን ኢትዮጵያ ነጻ ማውጣትና ጨለማውን ሊያበራው የሚችለው እውቀት ብቻ ነው›› ሲሉ መልዕክት አስተላለፉ። ጠቅላይ ሚኒስትሩ ትናንት ማምሻውን በብሔራዊ ቤተመንግሥት ወደ ቻይና ለሚሄዱ ተማሪዎች በተዘጋጀው የሽኝት መርሐ ግብር ላይ እንደተናገሩት፣ በብዙ ጨለማና አስከፊ ሁኔታ ውስጥ ያለችዋን አፍሪካንና ኢትዮጵያን ነጻ ለማውጣት ጨለማውንም ለማብራት መሠረታዊ ነገር እውቀት ነው ፤ የትምህርት ዕድሉን አግኝተው ወደ ቻይና የሚሄዱ ተማሪዎችም ይህንን በመገንዘብ ራሳቸውን ከውሸካና ከአሉባልታዎች በማራቅ ከትምህርት መልስ ለአገሪቷ ብርሃን ሆነው ማገልገል ይኖርባቸዋል ብለዋል።

ተጨማሪ ያንብቡ…

የኢህአዴግ ስራ አስፈፃሚ ኮሚቴ ሲያካሂድ የነበረውን ስብሰባ አጠናቀቀ

የስራ አስፈፃሚ ኮሚቴው አባልና በኢህአዴግ ፅህፈት ቤት የፖለቲካ ፓርቲዎችና ሲቪክ ጉዳዮች ሀላፊ አቶ ፍቃዱ ተሰማ ለኢቢሲ እንደተናገሩት፥ ኮሚቴው በወቅታዊ የፖለቲካ ጉዳዮች፣ የድርጅት ስራዎች እና የአመራር ቁመና ላይ ሀላፊነት በተሞላው መንገድ ህዝብና መንግስትን በሚያስቀጥል መልኩ ዝርዝርና ጥልቅ ግምገማዎችን አካሂዷል። በዚህ ድክመት ነው ያላቸውን በመለየት በዝርዝር መፍትሄዎችን ያስቀመጠው ኮሚቴው፥ ከሀገራዊ ለውጡ ጋር የመጡ በድክመት ያነሳቸውን ዝንባሌዎችን መመልከቱን ነው ያሱት።

ተጨማሪ ያንብቡ…

የኢህአዴግ ስራ አስፈጻሚ ኮሚቴ ከነገ ጀምሮ ስብሰባውን ያካሂዳል፡፡

የኢትዮጵያ ህዝቦች አብዮታዊ ዴሞክራሲያዊ ግንባር(ኢህአዴግ) ስራ አስፈጻሚ ኮሚቴ ከነገ ነሓሴ 2 ቀን 2011 ም ጀምሮ ስብሰባውን የሚካሂድ ሲሆን በተለያዩ አጀንዳዎች እንደሚመክር ይጠብቃል፡፡ ኮሚቴ የድርጅት ስራዎች አፈጻጸምና በሌሎች ሀገራዊ ወቅታዊ አጀንዳዎች ላይ ውይይት እንደሚያካሄድ የኢህአዴግ ምክር ቤት ጽህፈት ቤት አስታውቋል፡፡

ተጨማሪ ያንብቡ…

የኢትዮጵያ ህዝቦች አብዮታዊ ዴሞክራሲያዊ ግንባር (ኢህአዴግ) ሀገራዊ ምርጫው ጊዜውን ጠብቆ እንዲካሄድ አቋም እንዳለው ጠቅላይ ሚኒስትር ዶክተር አብይ አህመድ አስታወቁ።

የኢፌዴሪ ጠቅላይ ሚኒስትር ዶክተር አብይ አህመድ በዛሬው እለት በወቅታዊ ጉዳዮች ዙሪያ ጋዜጣዊ መግለጫ ሰጥተዋል። በመግለጫቸውም ለተነሱላቸው ጥያቄዎች ምላሽ የሰጡ ሲሆን፥ ከጥያቄዎቹም ከምርጫ ጋር የተያያዘው አንዱ ነበር። በዚህም በሰጡት ምላሽ በአሁኑ ወቅት ምርጫ ይራዘም የሚሉ እና ወቅቱን ጠብቆ ይካሄድ የሚሉ የራሳቸው ምክንያት ያላቸው አካላት እንዳሉ አንስተዋል። ነገር ግን የኢህአዴግ ስራ አስፈጻሚ ኮሚቴ ባደረገው ስብሰባው ምርጫ ከማካሄድ ጋር በተያያዘ በዝርዝር እንደተወያየበትና ምርጫው አይደረግም የሚል አቋም እንደሌለው አስታውቀዋል።

ተጨማሪ ያንብቡ…

መግለጫ መግለጫ

Back

የኢህአዴግ ሴቶች ሊግ የአቋም መግለጫ

"የተደራጀ የሴቶች ተሳትፎና ተጠቃሚነት ለሁለንተናዊ ሃገራዊ ለውጥ"! በሚል መሪ ቃል በሰሜን ኢትዮጵያ የትግራይ ክልል ዋና ከተማ ውቢቷ መቐለ ላይ የተካሄደው የኢህአዴግ ሴቶች ሊግ 4ኛ መደበኛ ጉባኤ በሴቶች ሁለንተናዊ ተጠቃሚነት ላይ ትኩረት የሚያደርግ ሲሆን የሴቷ ተጠቃሚነት ሊረጋገጥ የሚችለው ሰላሟ ሲረጋገጥ፣ ሰላሟ ለማረጋገጥ ደግሞ ያለ ማንም ጠባቂነት ሴቷ ራሷ ለሰላሟ ጉዳይ ዘብ እንድትቋም ይህንን በህዝባዊ ተሳትፎ ለማረጋገጥ ማለት አጥፊዎችን በማጋለጥና ባጠፉት ጥፋት ልክ ህግ እንዲዳኝ በማድረግ ብሎም የህግ የበላይነትን በማረጋገጥ የሚተገብር ይሆናል፡፡

ሴቶች በልማታዊና ዲሞክራሲያዊ መንግስት በሚወሰዱ እርምጃዎች ከልማቱ ተጠቃሚ ከመሆን ረገድ ከትጥቅ ትግሉ ጊዜ ጀምሮ በተሰማሩበት ዘርፍ እልህ አስጨራሽ ትግል በማድረግ አንድ ያላቸውን ውድ ሂወት ሳይሳስቱ ዋጋ በመክፈል ድል የተጎናፀፉ፤ ከድሉ ማግስት ጀምሮም ለያዙት አላማ ታማኝ በመሆን ውጣ ውረዱን በትግስትና በብልሃት እየተወጡ ያሉና ለወደፊቱም የዜጎች የበለፀገ ሂወት በትግላቸው ብቻ እንደሚረጋገጥ ፅኑ እምነት አላቸው፡፡

ጉባኤው በ3ኛ የኢህአዴግ ሴቶች ሊግ ጉባኤ ላይ ትኩረት እንዲሰጥባቸው በተቀመጠው አቅጣጫ መሰረት የተከናወኑ ተግባራት አፈፃፀም ሪፖርት በተገቢው በመገምገም በታዩት ክፍተቶች በትኩረት መስራት እንዳለበት አፅንኦት በመስጠት የወቅቱን የትግል ምእራፍ ከግንዛቤ በማስገባት፣ እንዲሁን የቀጣይ የትኩረት አቅጣጫ በማስቀመጥ፣ ለቀጣይ ሁለት አመታት ሊጉን የሚመራ አመራር በመምረጥ የተጠናቀቀ ሲሆን ለቀጣይ አፈፃፀም መነሻ እንዲሆነን በ7 ነጥቦች ላይ የወጣውን የአቋም መግለጫ እንደሚከተለው ቀርቧል፡፡

1. ሰላም የነገሮች ሁሉ መሰረት በመሆኑ ያለ ሰላም ወጥቶ መግባት፣ ሰርቶ መለወጥ፣ ነግዶ ማትረፍ፣ መርቶ ማሳካት የማይታሰብ ከመሆኑም በላይ ሰላም ለሴቶች ልዩ ትርጉም አለው፡፡ ነገር ግን በተለያዩ ምክንያቶች በየአከባቢው ሰላም ሲደፈርስ ይታያል፡፡ ይህንን ከመግታት አኳያ ችግሩን የሚመጥን ትግል ለማድረግ ህገ-መንግስቱ በሰጠዉ ስልጣን መሰረት የህግ የበላይነት በማስከበር ሰላም ሊረጋገጥ ይገባል፡፡ በመሆኑም ሴቶች ሰላምን ከማረጋገጥ አኳያ የበኩላቸውን አስተዋፅኦ እንዲያበረክቱ አበክረን እንሰራለን፡፡

2. አገራችን ኢትዮጵያ ከኋሊት ጉዞ ወደ ህዳሴ ጉዞ እንድትራመድ በተከፈለው መስዋእትነት ድርጅታችን ኢህአዴግ በጠራ አብዮታዊ ዲሞክራሲያዊ መስመራችን እየተመራ ፈጣን እድገት ማስመዝገብ የቻለ ስርዓት የገነባ ሲሆን፤ከስርዓቱም በርካታ ሴቶች ተጠቃሚ ሆነዋል፡፡ ይሁን እንጂ አሁን እያጋጠሙን ያሉ ፈተናዎች የድርጅታችን መስመር አደጋ ላይ የሚጥሉ ኣዝማሚያዎችና ተግባራትን እዚያም እዚህም እየታዩ መሆናቸዉ በጉባኤያችን በዝርዝር ተወያይተንበታል፡፡በመሆኑም የድርጅታችን ኢህአዴግ ልማታዊ ዲሞክራሲያዊ መስመር ስር እንዲሰድና በመስመራችን የመጡ ለውጦች ይበልጥ እንዲጠናከሩ እኛ ሴቶች የስርአቱ ባለቤትና ዋነኛ ተዋናይ በመሆናችን አሁንም በአደረጃጀታችን ትግላችን በማጠናከር ልማታዊ ዲሞክራሲያዊ መስመራችን የማይቀለበስበት ደረጃ ላይ እንዲደርስ ሃገራዊ ሃላፊነታችን በአግባቡ እንወጣለን፡፡

3. ሀገራችን ኢትዮጵያ የብሄር ብሄረሰቦችና ህዝቦች መነኸርያ እንደመሆኗ መጠን የተለያዩ ባህሎች፣ እሴቶችና ሃይማኖቶች ባለቤት ነች፡፡ እነዚህ ባህሎች፣ እሴቶችና ሃይማኖቶች መኖራቸው በብሄሮችና ብሄረሰቦች መካከል መቻቻልና መከባበርን ፈጥረው ለዘመናት ኖረናል፡፡ ዛሬም በብሄርና በሃይማኖት ስም የሚፈጠሩ አለመግባባቶች የብሄር ብሄረሰቦችን ለዘመናት ተከባብሮና ተፈቃቅዶ በሰላም መኖርን የሚያደፍርስ ብሎም ሀገርን ሰላምና አንድነት የሚጎዳ መሆኑ እኛ ሴቶች በእጅጉ ይቆረቁረናል፡፡ ስለዚህ ልዩነታችን አክብረን የተጎናፀፍነውን ባህልና እሴት አስጠብቀን የምንሄድ ከሆነ ሀገራዊ አንድነታችን አደጋ ላይ አይወድቅም ስለሆነም እኛ የ4ኛው ኢህአዴግ ሴቶች ሊግ ጉባኤ ተሳታፊዎች ከምንም በላይ ሀገራዊ አንድነታችን እንዲጠበቅ ከምንጊዜውም በላይ ጠንክረን እንሰራለን፡፡

4. ሴቶች ከትጥቅ ትግሉ ጀምረው በተደራጀ መንገድ ያለው ጨቋኙ የደርግ ስርአት እንዲገረሰስ የበኩላቸው አስተዋፅኦ አበርክቷል፡፡ አሁንም ሴቶች በተለያዩ አደረጃጀት ላይ በመደራጀት በአገራቸው ጉዳይ ላይ በኢኮኖሚ፣ ማህበራዊና ፖለቲካዊ ዙርያ ተሳትፎአቸውና ተጠቃሚነታቸው እንዲጎለብት በመታገል ላይ እንገኛለን፡፡ በመሆኑም የሴቶች አደረጃጀት በአግባቡ እንዲጠናከሩና በአገራችን እየታዩ ያሉትን ተግዳሮቶች ለመፍታት የሚያስችል ትግል የበኩላቸው አስታዋፅኦ ለማበርከት የሴቶች ማህበር፣ የሴቶች ፌዴሬሽን በቅንጅት በመስራት የሴቶች ሁለንተናዊ ተጠቃሚነትና ህልውና ለማረጋገጥ ሊጋችን የግንባር ቀደምትነት ሚናው ለመወጣት በርትተን እንታገላለን፡፡

5. የሴቶች የውሳኔ ሰጭነት ሚና ከማጎልበትና አቅማቸውንም ከመጠቀም አኳያ፡- ሴቶች አይችሉም የሚለውን የተዛባ አመለካከትን በመስበር፣ ድርጅትና መንግስታችን በተለይም በፌዴራል ደረጃ አለምን ባስደመመ ሁኔታ ለወንዶች ብቻ የተፈጠሩ የሚመስሉ ቦታዎችንም ጭምር በመስጠት የሴቶችን የውሳኔ ሰጭነት ቦታ ከ50% በላይ መሆኑ በትክክል እንደምንችልም የምናሳይበትና ሀገራችንን ወደ ከፍታ ማማ ለማድረስ በሚደረገው ጉዞ ጉልህ ሚናችንን የምናበረክትበት መድረክ በመሆኑ በእጅጉ ተደስተናል፡፡ በመሆኑም በፌዴራል የተጀመረው የሴቶች የውሳኔ ሰጭነት ቦታ ወደ ክልል፣ ዞን፣ ወረዳ እና ቀበሌዎች እንዲሰፋ አበክረን እንታገላለን፡፡

6. በሀገራችን ተግባራዊ መደረግ በተጀመሩ ሪፎርሞችና ለውጦች ጋር ተያይዞ ገና ከጅማሬው የሴቶችን እኩልነት ማረጋገጥ የቻለው ለውጥ ፍጥነቱን ጨምሮ በኢኮኖሚውም ዘርፍ የሴቶችን ተሳትፎ እና ተጠቃሚነት ማረጋገጥ እንዲቻል የሴቶች ሊጋችን በተጀመረውን የሀገራችን አዲስ ምእራፍ እንዳይቀለበስ እና ይበልጡንም ለምልሞ ፍሬውን እንድናጣጥም የግንባር ቀደምነት ሚናችንን እንወጣለን፡፡

7. ባሁኑ ጊዜ እኛ ሴቶች አቅጣጫዎች እየተቀያየሩ የጥቃቶች ሰለባ ስንሆን ይታያል፡፡ ከጎጂ ልማዳዊ ድርጊቶች አንስቶ የሴቶችን አዕምሮ አካልና ህይወት የሚያጠቁ ክስተቶች ሲደርሱብን መላው ሴት ትታመማለች ትደማለች፡፡ ስለዚህ በሴቾች ላይ የሚደርሰውን ጥቃት ለመከላከል ከማንም በፊት እኛ ሴቶች በትጋት መስራት ይጠበቅብናል፡፡ ከዚያ አልፎ ጥቃት ሲፈፀም ጥቃት ፈፃሚዎች በህግ እንዲጠየቁ በፅናት መታገል አለብን፡፡ ስለዚህ እኛ የ4ኛው የኢህአዴግ ሴቶች ሊግ ጉባኤተኛች የሴትን ህመም ታመን ችግራቸውን ተካፍለን በማንኛውም መንገድ የሚቃጣባቸውን ጥቃት ለመከላከል ዝግጁ መሆናችንንና ሀላፊነታችን ለመወጣት ቃል እንገባለን፡፡

ታህሳስ 09/2011 ዓ/ም
መቐለ
ክብርና ሞጎስ ለትግሉ ሰማእታት!!