ዜና ዜና

ጠቅላይ ሚኒስትር ዐቢይ አሕመድ ከኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ ጋር ተወያዩ፡፡

ጠቅላይ ሚኒስትር ዐቢይ አሕመድና ምክትል ጠቅላይ ሚኒስትር ደመቀ መኮንን ከኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ ጋር ዛሬ ጳጉሜን 1 ቀን 2011 ዓም ጠዋት በቢሯቸው ተወያይተዋል፡፡ የቤተ ክርስቲያኒቱ ቅዱስ ሲኖዶስ ባቀረበው ጥያቄ መሠረት በተደረገው ውይይት ላይ ጠቅላይ ሚኒስትሩ ከለውጡ ወዲህ መንግሥት ቤተ ክርስቲያንን በተመለከተ ያለውን አቋምና ያከናወናቸውን ተግባራት አውስተዋል፡፡ ብጹእ ወቅዱስ አቡነ ማትያስና ሌሎችም ሊቃነ ጳጳሳት ክቡር ጠቅላይ ሚኒስትሩ ወደ ሥልጣን ከመጡ ወዲህ ለሀገርና ለቤተ ክርስቲያን የተከናወኑ በጎ ተግባራትን በመዘርዘር ምስጋና አቅርበዋል፡፡

ተጨማሪ ያንብቡ…

‹‹በብዙ ጨለማና አስከፊ ሁኔታ ውስጥ ያለችውን ኢትዮጵያ ነጻ ማውጣት የሚችለው እውቀት ብቻ ነው›› ጠቅላይ ሚኒስትር ዶክተር አብይ አህመድ

ጠቅላይ ሚኒስትር ዶክተር አብይ አህመድ ለትምህርት ወደ ቻይና ለሚሄዱ ተማሪዎች ‹‹በብዙ ጨለማና አስከፊ ሁኔታ ውስጥ ያለችውን ኢትዮጵያ ነጻ ማውጣትና ጨለማውን ሊያበራው የሚችለው እውቀት ብቻ ነው›› ሲሉ መልዕክት አስተላለፉ። ጠቅላይ ሚኒስትሩ ትናንት ማምሻውን በብሔራዊ ቤተመንግሥት ወደ ቻይና ለሚሄዱ ተማሪዎች በተዘጋጀው የሽኝት መርሐ ግብር ላይ እንደተናገሩት፣ በብዙ ጨለማና አስከፊ ሁኔታ ውስጥ ያለችዋን አፍሪካንና ኢትዮጵያን ነጻ ለማውጣት ጨለማውንም ለማብራት መሠረታዊ ነገር እውቀት ነው ፤ የትምህርት ዕድሉን አግኝተው ወደ ቻይና የሚሄዱ ተማሪዎችም ይህንን በመገንዘብ ራሳቸውን ከውሸካና ከአሉባልታዎች በማራቅ ከትምህርት መልስ ለአገሪቷ ብርሃን ሆነው ማገልገል ይኖርባቸዋል ብለዋል።

ተጨማሪ ያንብቡ…

የኢህአዴግ ስራ አስፈፃሚ ኮሚቴ ሲያካሂድ የነበረውን ስብሰባ አጠናቀቀ

የስራ አስፈፃሚ ኮሚቴው አባልና በኢህአዴግ ፅህፈት ቤት የፖለቲካ ፓርቲዎችና ሲቪክ ጉዳዮች ሀላፊ አቶ ፍቃዱ ተሰማ ለኢቢሲ እንደተናገሩት፥ ኮሚቴው በወቅታዊ የፖለቲካ ጉዳዮች፣ የድርጅት ስራዎች እና የአመራር ቁመና ላይ ሀላፊነት በተሞላው መንገድ ህዝብና መንግስትን በሚያስቀጥል መልኩ ዝርዝርና ጥልቅ ግምገማዎችን አካሂዷል። በዚህ ድክመት ነው ያላቸውን በመለየት በዝርዝር መፍትሄዎችን ያስቀመጠው ኮሚቴው፥ ከሀገራዊ ለውጡ ጋር የመጡ በድክመት ያነሳቸውን ዝንባሌዎችን መመልከቱን ነው ያሱት።

ተጨማሪ ያንብቡ…

የኢህአዴግ ስራ አስፈጻሚ ኮሚቴ ከነገ ጀምሮ ስብሰባውን ያካሂዳል፡፡

የኢትዮጵያ ህዝቦች አብዮታዊ ዴሞክራሲያዊ ግንባር(ኢህአዴግ) ስራ አስፈጻሚ ኮሚቴ ከነገ ነሓሴ 2 ቀን 2011 ም ጀምሮ ስብሰባውን የሚካሂድ ሲሆን በተለያዩ አጀንዳዎች እንደሚመክር ይጠብቃል፡፡ ኮሚቴ የድርጅት ስራዎች አፈጻጸምና በሌሎች ሀገራዊ ወቅታዊ አጀንዳዎች ላይ ውይይት እንደሚያካሄድ የኢህአዴግ ምክር ቤት ጽህፈት ቤት አስታውቋል፡፡

ተጨማሪ ያንብቡ…

የኢትዮጵያ ህዝቦች አብዮታዊ ዴሞክራሲያዊ ግንባር (ኢህአዴግ) ሀገራዊ ምርጫው ጊዜውን ጠብቆ እንዲካሄድ አቋም እንዳለው ጠቅላይ ሚኒስትር ዶክተር አብይ አህመድ አስታወቁ።

የኢፌዴሪ ጠቅላይ ሚኒስትር ዶክተር አብይ አህመድ በዛሬው እለት በወቅታዊ ጉዳዮች ዙሪያ ጋዜጣዊ መግለጫ ሰጥተዋል። በመግለጫቸውም ለተነሱላቸው ጥያቄዎች ምላሽ የሰጡ ሲሆን፥ ከጥያቄዎቹም ከምርጫ ጋር የተያያዘው አንዱ ነበር። በዚህም በሰጡት ምላሽ በአሁኑ ወቅት ምርጫ ይራዘም የሚሉ እና ወቅቱን ጠብቆ ይካሄድ የሚሉ የራሳቸው ምክንያት ያላቸው አካላት እንዳሉ አንስተዋል። ነገር ግን የኢህአዴግ ስራ አስፈጻሚ ኮሚቴ ባደረገው ስብሰባው ምርጫ ከማካሄድ ጋር በተያያዘ በዝርዝር እንደተወያየበትና ምርጫው አይደረግም የሚል አቋም እንደሌለው አስታውቀዋል።

ተጨማሪ ያንብቡ…

መግለጫ መግለጫ

Back

የኢትዮጵያ ህዝቦች አብዮታዊ ዴሞክራሲ ግንባር (ኢህአዴግ) ራሱን ISIS ብሎ የሚጠራው የሽብር ቡድን በንጹሃን ኢትዮጵያን ላይ የፈጸመው አሰቃቂ ኢ-ሰብአዊ ድርጊት እንደሚያወግዘውና የጸረ አክራሪነትና የጸረ አሸባሪነት ትግሉን አጠናክሮ እንደሚቀጥል የኢህአዴግ ም/ቤት ጽ/ቤት በላከው መግለጫ አስታወቀ፡፡

ኢህአዴግ ISIS የተባለው አሸባሪ ቡድን በንጹሃን ኢትዮጵያውያን ላይ የፈጸመው አሰቃቂና ዘግናኝ የግፍ ግድያ እንዲሁም በደቡብ አፍሪካ በዜጎቻችን ላይ በተፈጸመው ህገ ወጥ ድርጊት ጥልቅ ሃዘን እንደተሰማው በመግለፅ ለአደጋው ሰለባ የሆኑ ኢትዮጵያውያን ቤተሰቦች መፅናናትን ተመኝቷል።

የሃማኖት ነጻነትና እኩልነት አስተማማኝ ህገ መንግስታዊ  ጥበቃ በተደረገበት ሁኔታ በአገራችን ለዘመናት ጸንቶ የቆየው በሃይማኖቶች መካከል የመቻቻልና የመከባበር እሴት ለማጥፋትና ሃይማኖትን ለእኩይ የፖለቲካ አላማ መጠቀሚያ ለማድረግ በአክራሪዎችና በአሸባሪዎችን ሲካሄዱ የነበሩና በመካሄድ ላይ ያሉ ህገ ወጥና ጸረሰላም እንቅስቃሴዎችን ኢህአዴግ ከመላ የአገራችን ህዝቦች ጋር በመሆን በፅናት ሲታገለው እንደቆየና አሁንም እየታገለው መሆኑን መግለጫው አመላክቷል።

 ISIS የሽብር ቡድኑ የፈፀመው ዘግናኝ ተግባር በአሸባሪነትና አክራሪነት ላይ የተጀመረው ትግል አጠናክረን ካልቀጠልን በአገራችንንና በዜጎቻችን ላይ የተጋረጠው አደጋ ምን ያህል አሳሳቢ እንደሆነ የሚያስገነዝብ ነው ያለው መግለጫው ኢሕአዴግ የፀረ ሽብርተኝነትና የፀረ አክራሪነት ትግሉን ከመላ አገራችን ህዝቦች ጋር በመሆን ይበልጥ አጠናክሮ ይቀጥላል ብሏል።

የጸረ አክራሪነትና የጸረ አሸባሪነት ትግላችን አንድ ጊዜ ከሃይማኖት እኩልነትና ነጻነት ጋር ሌላ ጊዜ ደግሞ ከሰብአዊና ዴሞክራሲያዊ መብቶች ጥሰት ጋር በማያያዝ የማደናገሪያ ሃሳብ የሚያቀርቡ የውጭና የአገር ውስጥ ጽንፈኛ ሃይሎች ውግንናቸው ህዝባዊ ባለመሆኑ መላ የአገራችን ህዝቦች ከፅጥታ ሃይላችን ጎን በመሆን አክራሪነትና የጸረ ሽብርተኝነት ትግላቸውን አጠናክረው መቀጠል ይገባቸዋል ብሏል ኢህአዴግ በመግለጫው፡፡   

ይህ በእንዲህ እንዳለ ዜጎቻችን በተለይ ደግሞ ወጣቶች በአገራቸው ሰርተው ሕይወታቸውን የሚለውጡበት ሰፊ እድል በመጠቀም እራሳቸውን በመጥቀም የሀገራቸውን እድገት ሊያፋጥኑ እንደሚገባና ህይወታቸውን አደጋ ውስጥ ከሚጥል ህገ ወጥ ስደት እራሳቸውን ሊጠብቁ ይገባል ብሏል ኢሕአዴግ በመግለጫው።