ትኩስ ዜና

የብልጽግና ፓርቲ የዕውቅና ምስክር ወረቀት እንዲሰጠው ለብሔራዊ ምርጫ ቦርድ ጥያቄ አቀረበ ፕሬዚዳንት ሳህለወርቅ ዘውዴ የጠቅላይ ሚኒስትር ዶክተር አብይ አህምድ የ2019 የኖቤል የሰላም ሽልማት አሸናፊነት ዓለም አቀፉ ሕብረተሰብ ኢትዮጵያ ላይ ያለውንም ተስፋ ያመላከተ መሆኑን ተናገሩ፡፡ የውህደቱ ዓላማና አስፈላጊነት ኢህአዴግን አጋር ድርጅቶቹን በማካተት ህብረ ብሔራዊ ፓርቲ ለማድረግ የተካሄደው ዝግጅት መጠናቀቁን የኢህአዴግ ምክር ቤት አስታወቀ። የፖለቲካ ፓርቲዎች የጋራ ውይይትና ድርድርን የተመለከተ ውይይት ተካሄደ ኢህአዴግና ሀገር አቀፍ ተቃዋሚ ፖለቲካ ፓርቲዎች ውይይት፣ ክርክርና፣ ድርድር ለማድረግ በሚያስችላቸው ደንብ ረቂቅ ላይ ቀጣይ ውይይታቸውን ዛሬ አደረጉ፡፡ የኢህአዴግ ስራ አስፈፃሚ ኮሚቴ መደበኛ ስብሰባውን ጀመረ “በሀገራችን የተገነባው ዴሞክራሲዊ አንድነት የእግር እሳት የሆነባቸው የጥፋት ኃይሎች ሴራ መታግል ይባል ” ጓድ ሽፈራው ሽጉጤ የኢህአዴግ ምክር ቤት ጽ/ቤት ኃላፊ ኢህአዴግ እና ተቃዋሚ ፓርቲዎች ውይይትና ድርድር ለማካሄድ ተስማሙ የወጣቱን ተጠቃሚነት ለማረጋገጥ የወጣት አደረጃጀቶችን ማጠናከር እንደሚገባ ተገለጸ በኪራይ ሰብሰቢነት ላይ በሚደረገው ትግል ወጣቶች ግንባር ቀደም ሚና መጫወት እንደሚገባቸው ተገለጸ በህዳሴው ጉዞ ላይ የሚያጋጥሙ መደነቃቀፎች ሴቶችን ይበልጥ ተጎጂ የሚያደርጉ በመሆናቸው በንቃት ሊታገልዋቸው እንደሚገባ ተገለጸ በዓሉ የህዝቦችን እኩልነት፣ አብሮ የመኖር እና የመቻቻል እሴቶች ለማጎልበት ከፍተኛ ፋይዳ እንዳለው ተገለጸ የኦሮሞ ህዝብ የገዳ ስርዓት በዩኔስኮ በማይዳሰሱ የሰው ልጅ ወካይ ቅርስነት ተመዝግቧል የቻይና ምክትል ፕሬዚዳንት ሊ ዩዋንቻኦ በኢትዮጵያ ይፋዊ ስራ ጎብኝት እያካሄዱ ነው፡፡ 11ኛውን የብሄሮ ብሄረ ሰቦችና ህዝቦች በዓል ለማክበር ዝግጅት ተጠናቋል አዲስ የሚዋቀረው የፌዴራል መንግስት ካቢኔ በዛሬው እለት ለህዝብ ተወካዮች ምክር ቤት ይቀርባል እድገቱ የወለዳቸውንም ሆነ በአፈፃፀም ችግር ያጋጠሙ ተግዳሮቶች ህገ መንግስታዊ ስርዓቱን በተከተለ አግባብ እንደሚፈቱ ተገለፀ፡፡ ፕሬዚዳንት ዶክተር ሙላቱ ተሾመ የህዝብ ተወካዮችና የፌዴሬሽን ምክር ቤቶች የጋራ ስብሰባ በንግግር ከፍቱ የገዳ ስርዓት የህግ የበላይነትን ለማረጋገጥ የላቀ ፋይዳ እንዳለው ተገለጸ

ኢህአዴግ

ኢህአዴግ አገር የመምራት ሃላፊነትን ከተረከበ ጊዜ ጀምሮ ከውስጥም ከውጭም የሚነሱ በርካታ ውጣ ውረዶችን ያስተናገደ ድርጅት መሆኑ ይታወቃል፡፡ ከአገራችን ነባራዊ ሁኔታ ጋር የሚጣጣምና የህዝባችንን ሁለንተናዊ መለወጥ ታሳቢ ያደረገ የፖለቲካና ኢኮኖሚ ስርዓት በማራመድ በውጭ ሃይል ተፅእኖ የሚጠመዘዝ ድርጅት አለመሆኑን ገና በጠዋቱ በተግባር ያሳየ ድርጅት ነው፡፡

ከደርግ ውድቀት ማግስት አገራችን የመበታተን ስጋት ውስጥ የነበረችበት ሁኔታ ቢኖርም መላ የሃገሪቱን ህዝቦች በማስተባበርና በብስለት በመምራት ዴሞክራሲያዊ አንድነቷ በፅኑ መሰረት ላይ እየተገነባ እንዲዘልቅ አስችሏል። ህገ መንግስታችን የአንድነታችንና የመከባበራችን ማሰሪያ ውል እንዲሆን በሚያስችል መልኩ በህዝብ ሙሉ ተሳትፎ ተቀርፆ በመፅደቁ ያንን የመበታተን ስጋት ተሻግረን በጋራ ለዘላቂ ለውጥ መረባረብ ጀምረናል።

የብልጽግና ፓርቲ የዕውቅና ምስክር ወረቀት እንዲሰጠው ለብሔራዊ ምርጫ ቦርድ ጥያቄ አቀረበ

  በቅርቡ ውህደት የፈጸሙት የኢህአዴግ እህትና አጋር ፓርቲዎች በኢትዮጵያ የፓለቲካ ፓርቲዎች ምዝገባና የምርጫ ስነ ምግባር አዋጅ ቁጥር 1162/2011 መሰረት የኢትዮጵያ ብሔራዊ ...

ተጨማሪ ያንብቡ…

ፕሬዚዳንት ሳህለወርቅ ዘውዴ የጠቅላይ ሚኒስትር ዶክተር አብይ አህምድ የ2019 የኖቤል የሰላም ሽልማት አሸናፊነት ዓለም አቀፉ ሕብረተሰብ ኢትዮጵያ ላይ ያለውንም ተስፋ ያመላከተ መሆኑን ተናገሩ፡፡

ፕሬዚዳንቷ ማምሻቸውን በጠቅላይ ሚኒስተሩ የኖቤል የሰላም ሽልማት የእንኳን ደስ አላችሁ መግለጫ ሰጥተዋል፡፡ በዚህ መግለጫቸው ሀገር ውስጥ ላሉ እና በውጭ ሀገራት ለሚገኙ መላው ኢትዮጵያውያንና ትውልደ ኢትዮጵያዊያን እንኳን ደስ አላችሁ መልክት አስተላፈዋል፡፡ ጠቅላይ ሚኒስትር ዶክተር አብይ አሕመድ የ2019 የኖቤል የሠላም ሽልማትን በማሸነፍ የመጀመሪያው ኢትዮጵያዊ ሆነዋል ነው ያሉት፡፡ ዶክተር አብይ አህመድ ወደ ሥልጣን ከመጡ ጀምሮ ሰላም፣ ይቅርታና ፍቅርን ከማቀንቀን አቋርጠው እንደማያውቁም አንስተዋል፡፡ በሀገር ውስጥ የነበረውን አስፈሪ የፖለቲካ ፍጥጫ በማርገብ፣ በውጭ ሀገር የነበሩ የፖለቲካ ድርጅቶች ወደ ሀገር እንዲገቡ በማድረግ፣ ያለፈውን ታሪክ ዕሴቶች አስጠብቀን እንድንጓዝ ማድረጋቸውንም አንስተዋል፡፡

ተጨማሪ ያንብቡ…

የውህደቱ ዓላማና አስፈላጊነት

ስለ አዲሱ ውህድ ፓርቲ በተሻለ ለመገንዝብ ይረዳ ዘንድ አላማውና አስፈላጊነቱ እንደሚከተለው በስፋት ተተንትኖ ቀርቧል፡፡ የሳምንት መወያያ ርዕስ ላይም ስለ ውህደቱ ላነሳችው ስጋትና ጥያቄዎች በተወሰነ መልስ ይሆናችሁል፡፡ በተከታታይነትም ግልጽነት የመፍጠር ስራ ይቀጥላል፡፡

ተጨማሪ ያንብቡ…

Back

የዓድዋ ድል ጽናትን የህዳሴ ጉዞአችንን እውን ለማድረግ ልንጠቀምበት ይገባል!

"በኤፊ ሰውነት"
አድዋ ሲነሳ አስቀድሞ በታሪክ መዛግበት እንደተፃፈው ወደ ሁሉም አዕምሮ የሚመጣው እውነታ አውሮጳውያን ኃያላን በበርሊን ያደረጉት ‹‹አፍሪቃን የመቀራመት›› ሴራ ይመስለኛል፡፡ ኃያሉን ከራሳቸው አልፈው ድንበር ጥሰው፤ የአገር ሉዓላዊነት ተዳፍረው አፍሪካን ሲቀረማመቱ ኢትዮጵያ እና ሶማሊያ ደግሞ የጣሊያን ድርሻ እንዲሆኑ ተወሰነ፡፡ የመጀመሪያው የጣሊያን ጦር በባሕረነጋሽ (የአሁኗ ኤርትራ) በኩል ሲመጣ የወቅቱ የባሕረነጋሽ ገዢ የነበሩት የራስ አሉላ አባ ነጋ ሠራዊት የጣሊያንን ሠራዊት ዶጋሊ ላይ በተደረገ ፍልሚያ ድል ነስቶ አገር ማለት ክብር፣ አገር ማለት የማይደፈር ህዝብ መሆኑን በተግባር አሳይቶና ድባቅ መትቶ መለሳቸው፡፡ ያኔ ሁኔታው አልዋጥ ያለው የጣሊያን ፓርላማ ተሰብስቦ ወደ ኢትዮጵያ ተጨማሪ 5000ሺ ወታደር የያዘ ሠራዊት በመላክ ኢትዮጵያን በኃይል ለማንበርከክ ወሰነ፡፡ ጣልያንን ያህል ግዙፍና በዘመናዊ የጦር ማሳሪያ የተንበሸበሸን ጦር መግጠም አያዋጣም በሚል የሒሳብ ስሌት አጼ ምኒልክ ስምምነት ለማድረግ በመወሰነ ከጣሊያን መንግስት ጋር መከሩ፡፡ የውጫሌ ውልም ከዚህ የሒሳብ ቀመር የሚነሳ እንደሆነ የሚታወቅ ነው፡፡
ውድ አንባብያን የካቲት ወር በአፍሪካውያን የታሪክ ሂደት ውስጥ በጉልህ የሚጠቀስ ለመላው ጥቁር ህዝቦች! ለአፍሪካውያን የድል ወር ተደርጎ ይወሰዳል፡፡ አፍሪካውያን በግፍ የሚረገጡበት፣ እንደ ሸቀጥ የሚሸጡበትና በባርነት የሚገዙበት፤ ለአፍሪካውያን የጨለማና ክፉ ዘመን ነበር ያ ዘመን፡፡ አፍሪካውያን በአገራቸው  በጉልበታቸው አምርተው፤ የአገራቸው ምድር የሰጠቻቸውን ገፀ በረከት በነፃነት መጠቀም ሲገባቸው ባይተዋር ሆነው እየተገረፉና እየተናቁ በነጮች ባርነት ሲገዙ የነበረበት ክፉ ዘመንም ነበር የቅኝ ግዛቱ ዘመን፡፡

በርካታ አፍሪካውያን በነጮች ቅኝ ግዛት ስር ወድቀው መራራውን ጊዜ በሚገፉበት በዚያን ዘመን እምቢ ለባርነት! እምቢኝ! ለግዞት ያሉት ጀግኖች አባቶቻችን የቅኝ ገዢዎችን ቅስም በመስበር አገራችን በጠላት ወረራ የማትደፈር ክብርት ሀገር መሆኗን አስረግጠው መልዕክት ያስተላለፉበት፣ ለአፍሪካውያንም ኩራት የሆኑበትን ድል የተጎናፀፉበት ወር ነው ወርሃ የካቲት፡፡

ታሪክ እንደሚያስረዳን ጣሊያን እንደሌሎች አምባገነን የአውሮፓ አገራት ሁሉ ኢትዮጲያን በቅኝ ግዛት ስር ለማድረግ  ውጫሌ  ላይ ከኢትዮጵያ ጋር በተወካይዋ የውጫሌ ውል የሚባለውን ተዋዋለች፡፡ የውሉ አንቀፅ 17 የአማርኛ እና የጣልያንኛ ትርጓሜው እንዲለያይም ተደረገ፡፡  የጣሊያን መንግስት ለግዞት የሚመቸውን ኢትዮጵያን በጣሊያን ሞግዚት አስተዳደር ስር መሆኗን በሚያትት መልኩ በመቅረፅ የአውሮፓ መንግስታት ጭምር እንዲያውቁት ተደረገ፡፡ 

የሆነው ሆኖ በኢትዮጵያ በኩል በውሉ አንቀጽ 17 ላይ ጥያቄ ተነሳና የጣሊያን መንግስትም በአንቀፁ ላይ ጥያቄ ማንሳትን እንደውርደት በመቁጠሩ በኢትዮጵያ ላይ ጦርነት አወጀ፡፡ መቼም ቢሆን ለውጭ ወራሪ ሃይል የማይንበረከከው የኢትዮጵያ ህዝብም የታወጀበትን ጦርነት ከቁብ ሳይቆጥር ከዳር አስከ ዳር ነቅሎ ተነሳ፡፡ የአድዋ ጦርነት የካቲት 23 ቀን 1888 ዓ.ም በይፋ ተጀመረ፡፡ የኢትዮጵያ ጀግኖች በመሳሪያ የተደራጀውን የጣሊያንን ጦር መፋለም ጀመሩ፡፡ የጣሊያን ጦር እየተረታ፤ የጣሊያን ወታደሮችም የኢትዮጵያ ጦር የሚፈፅመው ወኔ የተሞላበት ድርጊት እያስበረገጋቸው በመሸሽ የኢትዮጵያ የበላይነት በግልፅ እይታ መጣ፡፡
 
የካቲት 23 ቀን 1888 ዓ.ም ከጣሊያን ጋር በተካሄደው ጦርነት የአገራችን ጀግኖች አባቶቻችን እንደዛሬው ዘመናዊ ትጥቅ ሳይኖር፣ ዘመናዊ የጦር መሳሪያም ሳይሸከሙ በባዶ እግራቸው አድዋ ዘምተው አስፈሪውን የጣሊያንን ጦር ድል በማድረግ የማይገፋውን ገፍተው ለአፍሪካውያን ኩራት የሆነ ድል ማስመዝገብ ቻሉ፡፡ የአድዋ ድል የቅኝ ገዥዎችን ቅስም የሰበረ፤ ጣሊያንን የሽንፈት ካባ ያከናነበ፤ የኢትዮጵያውያን ጀግንነት በምድር አውሮፓም እንደተአምር እንዲወራ የኢትዮጵያ ስምም ከፍ ብሎ እንዲጠራ ያስቻለ ድል ሆነ፡፡ ይህ ድል ሌሎች የአፍሪካ ሀገራት እስከ 1960ዎቹ በቅኝ ግዛት ሲማቀቁ፤ ሲበዘበዙ፤ ሲጨቆኑ እኛ ግን ከባርነት ቀንበር ነፃ በመውጣት ሰላማዊ አየር እንድንተነፈስ አስችሎናል፡፡ ይህች ታፍራና ተከብራ የኖረችው አገራችንም የአፍሪካ አንድነት ድርጅትን በማቋቋም ሂደት ውስጥ ግንባር ቀደም ተሳታፊ በመሆን ለሌሎች ነጻ መውጣት ጭምር የላቀ አስተዋፅኦም አበርክታለች፡፡

ይህ ጀግኖች አባቶቻችን የፈጸሙት አኩሪ ታሪክ ነው፡፡ የዛሬ ትውልድ ደግሞ በመለወጥ ላይ ያለችውን አገራችንን ወደ ተሻለ የዕድገት ምዕራፍ በማደረስ አዲስ ታሪክ መፃፍ ይገባዋል፡፡ ዛሬ ግዞተኛ ሊያደርግን ጦር የሚሰብቅብን የውጭ ወራሪ ሃይል የለንም፡፡ ዋናው ጠላታችን ድህነት ነው፡፡ ድል ለማድረግ የምንተጋውም በመቻቻልና በመተባበር መንፈስ ውስጥ ሆነን ድህነትንና ኋላ ቀርነትን ነው፡፡

በድህነት ላይ የጀመርነው ዘመቻ አገራችን አድጋና በልፅጋ እስክናያት ድርስ ተጠናክሮ የሚቀጥል ይሆናል፡፡ ለዚህ ደግሞ የአገራችን ወጣቶች ከመቼውም ጊዜ በላይ በትጋት ሊንቀሳቀሱ ይገባል፡፡ አገራችንን የተሻለች አገር አድርጎ ማስቀጠል የዚህ ትውልድ አደራና ታሪካዊ ግዴታ ነው፡፡

በአድዋ አባቶቻችን የጠላት ወራሪን ለመመከት የከፈሉትን ዋጋ ዛሬ ድህነትን በማስወገድና አገራችንን ካደጉት አገራት ተርታ በማሰለፍ የአኩሪ ታሪክ ባለቤት ለመሆን የተጀመረው የፀረ-ድህነት ትግል አጠናክረን በመቀጠል የበለፀገች ዴሞክራሲያዊት ኢትዮጵያ የመገንባት ራዕያችንን እውን ለማድረግ እጅ ለእጅ ተያይዘን መረባረብ ይኖርብናል፡፡


Visitorcounter Visitorcounter

Today       

405

       የዛሬ ጎብኚ

Yesterday       

0

       የትናንት ጎብኚ

This Month       

21819

       የዚህ ወር ጎብኚ

This Year       

229562

       የዚህ ዓመት ጎብኚ

Total        

423905

       አጠቃላይ ጎብኚ