ትኩስ ዜና

የብልጽግና ፓርቲ የዕውቅና ምስክር ወረቀት እንዲሰጠው ለብሔራዊ ምርጫ ቦርድ ጥያቄ አቀረበ ፕሬዚዳንት ሳህለወርቅ ዘውዴ የጠቅላይ ሚኒስትር ዶክተር አብይ አህምድ የ2019 የኖቤል የሰላም ሽልማት አሸናፊነት ዓለም አቀፉ ሕብረተሰብ ኢትዮጵያ ላይ ያለውንም ተስፋ ያመላከተ መሆኑን ተናገሩ፡፡ የውህደቱ ዓላማና አስፈላጊነት ኢህአዴግን አጋር ድርጅቶቹን በማካተት ህብረ ብሔራዊ ፓርቲ ለማድረግ የተካሄደው ዝግጅት መጠናቀቁን የኢህአዴግ ምክር ቤት አስታወቀ። የፖለቲካ ፓርቲዎች የጋራ ውይይትና ድርድርን የተመለከተ ውይይት ተካሄደ ኢህአዴግና ሀገር አቀፍ ተቃዋሚ ፖለቲካ ፓርቲዎች ውይይት፣ ክርክርና፣ ድርድር ለማድረግ በሚያስችላቸው ደንብ ረቂቅ ላይ ቀጣይ ውይይታቸውን ዛሬ አደረጉ፡፡ የኢህአዴግ ስራ አስፈፃሚ ኮሚቴ መደበኛ ስብሰባውን ጀመረ “በሀገራችን የተገነባው ዴሞክራሲዊ አንድነት የእግር እሳት የሆነባቸው የጥፋት ኃይሎች ሴራ መታግል ይባል ” ጓድ ሽፈራው ሽጉጤ የኢህአዴግ ምክር ቤት ጽ/ቤት ኃላፊ ኢህአዴግ እና ተቃዋሚ ፓርቲዎች ውይይትና ድርድር ለማካሄድ ተስማሙ የወጣቱን ተጠቃሚነት ለማረጋገጥ የወጣት አደረጃጀቶችን ማጠናከር እንደሚገባ ተገለጸ በኪራይ ሰብሰቢነት ላይ በሚደረገው ትግል ወጣቶች ግንባር ቀደም ሚና መጫወት እንደሚገባቸው ተገለጸ በህዳሴው ጉዞ ላይ የሚያጋጥሙ መደነቃቀፎች ሴቶችን ይበልጥ ተጎጂ የሚያደርጉ በመሆናቸው በንቃት ሊታገልዋቸው እንደሚገባ ተገለጸ በዓሉ የህዝቦችን እኩልነት፣ አብሮ የመኖር እና የመቻቻል እሴቶች ለማጎልበት ከፍተኛ ፋይዳ እንዳለው ተገለጸ የኦሮሞ ህዝብ የገዳ ስርዓት በዩኔስኮ በማይዳሰሱ የሰው ልጅ ወካይ ቅርስነት ተመዝግቧል የቻይና ምክትል ፕሬዚዳንት ሊ ዩዋንቻኦ በኢትዮጵያ ይፋዊ ስራ ጎብኝት እያካሄዱ ነው፡፡ 11ኛውን የብሄሮ ብሄረ ሰቦችና ህዝቦች በዓል ለማክበር ዝግጅት ተጠናቋል አዲስ የሚዋቀረው የፌዴራል መንግስት ካቢኔ በዛሬው እለት ለህዝብ ተወካዮች ምክር ቤት ይቀርባል እድገቱ የወለዳቸውንም ሆነ በአፈፃፀም ችግር ያጋጠሙ ተግዳሮቶች ህገ መንግስታዊ ስርዓቱን በተከተለ አግባብ እንደሚፈቱ ተገለፀ፡፡ ፕሬዚዳንት ዶክተር ሙላቱ ተሾመ የህዝብ ተወካዮችና የፌዴሬሽን ምክር ቤቶች የጋራ ስብሰባ በንግግር ከፍቱ የገዳ ስርዓት የህግ የበላይነትን ለማረጋገጥ የላቀ ፋይዳ እንዳለው ተገለጸ

ኢህአዴግ

ኢህአዴግ አገር የመምራት ሃላፊነትን ከተረከበ ጊዜ ጀምሮ ከውስጥም ከውጭም የሚነሱ በርካታ ውጣ ውረዶችን ያስተናገደ ድርጅት መሆኑ ይታወቃል፡፡ ከአገራችን ነባራዊ ሁኔታ ጋር የሚጣጣምና የህዝባችንን ሁለንተናዊ መለወጥ ታሳቢ ያደረገ የፖለቲካና ኢኮኖሚ ስርዓት በማራመድ በውጭ ሃይል ተፅእኖ የሚጠመዘዝ ድርጅት አለመሆኑን ገና በጠዋቱ በተግባር ያሳየ ድርጅት ነው፡፡

ከደርግ ውድቀት ማግስት አገራችን የመበታተን ስጋት ውስጥ የነበረችበት ሁኔታ ቢኖርም መላ የሃገሪቱን ህዝቦች በማስተባበርና በብስለት በመምራት ዴሞክራሲያዊ አንድነቷ በፅኑ መሰረት ላይ እየተገነባ እንዲዘልቅ አስችሏል። ህገ መንግስታችን የአንድነታችንና የመከባበራችን ማሰሪያ ውል እንዲሆን በሚያስችል መልኩ በህዝብ ሙሉ ተሳትፎ ተቀርፆ በመፅደቁ ያንን የመበታተን ስጋት ተሻግረን በጋራ ለዘላቂ ለውጥ መረባረብ ጀምረናል።

የብልጽግና ፓርቲ የዕውቅና ምስክር ወረቀት እንዲሰጠው ለብሔራዊ ምርጫ ቦርድ ጥያቄ አቀረበ

  በቅርቡ ውህደት የፈጸሙት የኢህአዴግ እህትና አጋር ፓርቲዎች በኢትዮጵያ የፓለቲካ ፓርቲዎች ምዝገባና የምርጫ ስነ ምግባር አዋጅ ቁጥር 1162/2011 መሰረት የኢትዮጵያ ብሔራዊ ...

ተጨማሪ ያንብቡ…

ፕሬዚዳንት ሳህለወርቅ ዘውዴ የጠቅላይ ሚኒስትር ዶክተር አብይ አህምድ የ2019 የኖቤል የሰላም ሽልማት አሸናፊነት ዓለም አቀፉ ሕብረተሰብ ኢትዮጵያ ላይ ያለውንም ተስፋ ያመላከተ መሆኑን ተናገሩ፡፡

ፕሬዚዳንቷ ማምሻቸውን በጠቅላይ ሚኒስተሩ የኖቤል የሰላም ሽልማት የእንኳን ደስ አላችሁ መግለጫ ሰጥተዋል፡፡ በዚህ መግለጫቸው ሀገር ውስጥ ላሉ እና በውጭ ሀገራት ለሚገኙ መላው ኢትዮጵያውያንና ትውልደ ኢትዮጵያዊያን እንኳን ደስ አላችሁ መልክት አስተላፈዋል፡፡ ጠቅላይ ሚኒስትር ዶክተር አብይ አሕመድ የ2019 የኖቤል የሠላም ሽልማትን በማሸነፍ የመጀመሪያው ኢትዮጵያዊ ሆነዋል ነው ያሉት፡፡ ዶክተር አብይ አህመድ ወደ ሥልጣን ከመጡ ጀምሮ ሰላም፣ ይቅርታና ፍቅርን ከማቀንቀን አቋርጠው እንደማያውቁም አንስተዋል፡፡ በሀገር ውስጥ የነበረውን አስፈሪ የፖለቲካ ፍጥጫ በማርገብ፣ በውጭ ሀገር የነበሩ የፖለቲካ ድርጅቶች ወደ ሀገር እንዲገቡ በማድረግ፣ ያለፈውን ታሪክ ዕሴቶች አስጠብቀን እንድንጓዝ ማድረጋቸውንም አንስተዋል፡፡

ተጨማሪ ያንብቡ…

የውህደቱ ዓላማና አስፈላጊነት

ስለ አዲሱ ውህድ ፓርቲ በተሻለ ለመገንዝብ ይረዳ ዘንድ አላማውና አስፈላጊነቱ እንደሚከተለው በስፋት ተተንትኖ ቀርቧል፡፡ የሳምንት መወያያ ርዕስ ላይም ስለ ውህደቱ ላነሳችው ስጋትና ጥያቄዎች በተወሰነ መልስ ይሆናችሁል፡፡ በተከታታይነትም ግልጽነት የመፍጠር ስራ ይቀጥላል፡፡

ተጨማሪ ያንብቡ…

Back

ለተሻለ ውጤት የጋራ ጥረት

"በኤፊ ሰውነት"
ኢህአዴግ የሚመራው ልማታዊና ዴሞክራሲያዊ መንግስት የአገራችንን ነባራዊ ሁኔታ ያገናዘበ ፖሊሲና ስትራቴጂ በመንደፍ ፋና ወጊ መሆኑ ግልፅ ነው፡፡ በአገራችን አሁን እየተተገበሩ ያሉት ፖሊሲዎችና ስትራቴጂዎችም አገር በቀልና ውስጣችንን ያገናዘቡ መሆናቸው ከነተግዳሮታችንም ቢሆን በለውጥ ውስጥ እንድንሆን ያስቻሉን ውጤታማ መሳሪያዎቻችን ናቸው፡፡ ኢህአዴግ በአገራችን ግብርና መር የኢንዱስትሪ ልማት ፖሊሲ ተግባራዊ ማድረግ በመቻሉ ባለፉት ዓመታት ፈጣንና ተከታታይነት ያለው ኢኮኖሚያዊ እድገት ማስመዝገብ ተችሏል። ይህ እድገት አገራችን ከግብርና መር ኢኮኖሚ ወደ ኢንዱስትሪ መር ኢኮኖሚ ለምታደርገው መዋቅራዊ ሽግግር አቅምና መደላድል የመሆን ተልዕኮም አለው፡፡ የግብርና ክፍለ ኢኮኖሚያችን መጎልበት የኢንዱስትሪ ልማት እንዲፋጠን በር የሚከፍትና በተደጋጋሚ እንደሚገለፀው የኢንዱስትሪ ልማት አንቀሳቃሽ ሞተር የሆነው የግል ባለሃብቱ ይህን አጋጣሚ በመጠቀም በተለይ በማኑፋክቸሪንግ ኢንዱስትሪ ዘርፍ እንዲሰማራ የሚያበረታታ መሆኑ እሙን ነው፡፡  
መንግስት የግል ባለሃብቱ ወደ ማኑፋክቸሪንግ ዘርፍ እንዲገባ አስፈላጊውን ሁሉ ርብርብ በማድረግ ላይ ይገኛል፡፡ የተለያዩ ማበረታቻዎችን ለግል ባለሃብቱ በማድረግ የማኑፋክቸሪንግ ኢንዱስትሪ ልማት እንዲፋጠን በትጋት እየሰራ ይገኛል፡፡ የኢንዱስትሪ ፓርኮች ልማት መንግስት የዘርፉን ልማት ለማፋጠን እየወሰዳቸው ካሉት እርምጃዎች ተጠቃሽ ነው፡፡   
የኢንዱስትሪ ልማት የመለወጥ፣ የብልጽግናና የስልጣኔ መለያ ነው። ዓለምን አንዱን ያደገ፣ ሌላውን ወደኋላ የቀረ ወይም በማደግ ላይ ያለ በሚል ክፍፍል ውስጥ እንድትገባ ያደረጋትም የኢንዱስትሪ ልማት እድገት የፈጠረው ሰፊ ልዩነት ነው፡፡ በአገራችንም የኢንዱስትሪ ልማትን ማፋጠን ጊዜው የሚጠይቀው ወሳኝ ጉዳይ ሆኗል፡፡ ካለየተጠናከረ የኢንዱስትሪ ልማት በዓለም አቀፍ ደረጃ ተወዳዳሪነትን መገንባትም ሆነ በአገር ውስጥ ራስን ችሎ ማቆም ፈፅሞ አዳጋች ይሆናል፡፡  
ኢህአዴግ በአገራችን የሚገነባው የኢንዱስትሪ ልማት በሰፊ መሰረትና አስተማማኝ በሆነ ሁኔታ እንዲሆን ሰፋፊ ተግባራት በማከናወን ላይ ነው፡፡ አስተማማኝ የሚሆነው ደግሞ የአገራችን ባለሃብቶች በሙሉ አቅማቸው በዘርፉ ሲሰማሩ ሲሆን ሰፊ መሰረት ሊይዝ የሚችለውም ከጥቃቅንና አነስተኛ ተቋማት ጀምሮ ከኪራይ ሰብሳቢነት በፀዳ አኳኋን በርካቶችን የያዘ ኢንዱስትሪ መገንባት ሲቻል ነው፡፡ የአነስተኛ ጥቃቅን ተቋማትን ማስፋፋትና በማኑፋክቸሪንግ ዘርፍ እንዲሰማሩ ማድረግ አንዱ ሲሆን ከላይ ለመግለፅ እንደተሞከረው የግል ባለሃብቱን ማሳተፍና ድጋፍ ማድረግ ሌላኛው የፖሊሲው ምሶሶ ነው፡፡
ኢህአዴግ አገር የማስተዳደር ህዝባዊ ኃላፊነት ሲረከበ በአገራችን በተለይ የኢንዱስትሪ ልማትን ከማፋጠን አኳያ አስቻይ ሁኔታ ያልነበረ በመሆኑ ባለሃብቱም ደፍሮ ሃብቱን የሚያፈስበት ሁኔታ አልነበረም፡፡ በአጠቃላይ የኢንዱስትሪ ልማቱ ከዜሮ ነው የተጀመረው ማለት ይቻላል፡፡ ይህን ሁኔታ በመቀየር ከፖሊሲ ጀምሮ የኢንዱስትሪ ልማቱን የሚያፋጥን አቅጣጫ በመቀየስ ኢህአዴግ የሚመራው መንግስት በርካታ ተግባራትን ፈፅሟል፡፡ በዚህም የኢንዱስትሪ ልማት እድገቱ ከጊዜ ወደ ጊዜ እየተሻሻለ የመጣበትን ሁኔታ ማስተዋል ይቻላል፡፡
ሰሞኑን የኢህአዴግ ስራ አስፈፃሚ ኮሚቴ የጥልቅ ተሃድሶ ንቅናቄው የደረሰበትንና በሁለተኛው የዕድገትና ትራንስፎርሜሽን ዘመን የሁለተኛው ዓመት አጋማሽ አፈፃፀም ሪፖርት ግምገማ አድርጓል፡፡ የኢንዱስትሪ ልማት አፈፃፀሙ አንዱ አጀንዳ የነበረ ሲሆን የማምረቻ ኢንዱስትሪው 18.4 በመቶ እድገት ማስመዝገቡን ገልጿል፡፡ በሪፖርቱ እንደተመላከተው በዋናነት የኢንዱስትሪ ልማቱን ለማፋጠንና ባለሃብቱንም ለማበረታታት ጭምር የኢንዱስትሪ ፓርኮች ልማት በመፋጠኑና በ2008 በጀት ዓመት አዳዲስ የኢንዱስትሪ ኢንቨስትመንቶች ወደ ስራ በመግባታቸው የለውጡ መነሻ ተደርጓል፡፡
ከዚህ አኳያ ስራ አስፈፃሚ ኮሚቴው አገራዊ አቅም ለማጎልበት የሚረዳውን የማምረቻ ኢንዱስትሪ ልማት በማፋጠን የኢኮኖሚ መዋቅራዊ ሽግግር ለማምጣት ትኩረት ተሰጥቶት እየተከናወነ መሆኑን ተመላክቷል፡፡ 13 የሚሆኑ የኢንዱስትሪ ፓርኮች ልማት ስራ በተሻለ አፈፃፀም እየተከናወነ መሆኑንም አስታውቋል፡፡ ከእነዚህ የኢንዱስትሪ ፓርኮች መካከል በየቦሌ ለሚ ምዕራፍ አንድ 20 እንዲሁም በሐዋሳ 11 የሚሆኑ የፋብሪካ ሼዶች ወደ ምርት በመግባት የውጭ ምንዛሬ ማስገኘት መጀመራቸውንም ገምግሟል፡፡   
ኢህአዴግ የኢንዱስትሪ ፓርኮች ልማት በአንድ ማዕከል ውስጥ የመሰረት ልማት አቅርቦት ችግር ሳይገታ በጥራትና በቅልጥፍና ማምረት እንዲችሉ የሚያደርግ በመሆኑ ባለሃብቱን በማበረታታትና በመሳብ ወደ ማምረቻ ኢንዱስትሪው እንዲያዘነብልና በረጅም ያሰበውን እቅድ የሚያሳካ በመሆኑ የፓርኮች ልማት ተጠናክሮ የሚቀጥል መሆኑንም አስታውቋል፡፡
በአገራችን የኢንዱስትሪ ልማት ታሪክ በ1983 በመንግስት ከተያዙት ውጭ እዚህ ግባ የሚባል መሰረተ ሰፊ የኢንዱስትሪ ልማት ያልነበረ ሲሆን በአሁን ጊዜ ከአነስተኛና ጥቃቅን ኢንተርፕራይዝ ወደ መካከለኛና ከፍተኛ ኢንዱስትሪዎች የተሸጋገሩትን ጨምሮ የአገር ውስጥና የውጭ ኢንቨስትመንት በመስፋፋቱ የኢንዱስትሪ ልማቱ ከጊዜ ወደ ጊዜ እያበበ መምጣት ችሏል፡፡ ከመንግስት አሰራሮችና የፋይናንስ ማበረታቻዎች ባሻገር የኢንዱስትሪ ፓርክ ልማትም ለኢንዱስትሪ መስፋፋት የራሱን ጉልህ ድርሻ እያበረከተ ነው፡፡ በጥቅሉ ከላይ ያነሳናቸው ነጥቦች ልማታዊና ዴሞክራሲያዊ መንግስታችን አገራችንን ወደፊት ሊያራምዱ በሚችሉ ዘርፎች ላይ ትኩረት በማድረግ ከድህነት ጋር የምናደርገውን ትግል በድል ለመወጣት ርብርብ ላይ መሆኑን የሚያረጋግጡ ናቸው፡፡
በሌላ በኩል ስራ አስፈፃሚ ኮሚቴው ካያቸው ዓበይት ጉዳዮች መካከል የማህበራዊ ልማት ዘርፍ ይገኝበታል፡፡ በአገራችን የማህበራዊ ልማት ስራችን ከጊዜ ወደ ጊዜ በበርካታ ስኬቶች እየታጀበ ለመምጣቱ የለውጡ ባለቤት የሆነው ህዝቡ ህያው ምስክር ነው፡፡ የትምህርትና የጤና ልማት ስራችን ከጅማሬው አንፃር ሲታይ በእመርታዊ ለውጥ ውስጥ ይገኛል፡፡ የኢህአዴግ ስራ አስፈፃሚ ኮሚቴም በትምህርትና ጤና ዘርፍ የተገኘውን ስኬት በሚዛኑ በማየት በቀጣይ ጉድለቶቹ ላይ መረባረብ እንደሚገባ አስምሮበታል፡፡
በትምህርት ልማት ዘርፍ የትምህርት ተደራሽነትና ጥራትን ለማረጋገጥ የተከናወኑ ስራዎች ውጤታማ እንደነበሩ ገምግሟል፡፡ ሰፋ ያለ ጉድለት የሚታይባቸውን የመዋዕለ ህፃናትና የከፍተኛ ትምህርት ተሳትፎ ለማሳደግ ትኩረት እንደሚያሻና የአንደኛ ደረጃ መጠነ ማቋረጥ ለማስቀረት መረባረብ እንደሚገባም አመላክቷል፡፡ በተመሳሳይ የጎልማሶች ትምህርትም ለህዳሴ ጉዞው ከሚኖረው ፋይዳ አንፃር በመመዘን በቀሪ ጊዜ ውጤታማ ስራ ለማከናወን መረባረብ እንደሚገባ አቅጣጫ አስቀምጧል፡፡
ኢህአዴግ የሚመራው ልማታዊና ዴሞክራሲያዊ መንግስት ለሰው ሃይል ልማት ትኩረት በመስጠት የሰው ሃይል ልማትን ሊያበለፅጉ የሚችሉ አሰራሮችን ጭምር ተግባራዊ በማድረግ ከመጀመሪያ ደረጃ እስከ ምርምር ድረስ ያለውን የሰው ሃይል ልማት እያጠናከርና ከአገሪቱ እድገት ጋር ሊመጣጠን በሚችል ደረጃ ለማድረስ እየተጋ ይገኛል፡፡ በአገራችን አሁን ያለው የሰው ሃይል ልማት ስራችንም በስኬት የታጀበ መሆኑም የተነሳንበት ዳራ ያረጋግጣል፡፡ በአገራችን በቅድመ 1983 ዓም ትምህርት ለአብዛኛው የአገራችን ህዝብ በፍትሃዊነት ይዳረስ ያልነበረ ከመሆኑ ባሻገር በገጠርና በከተማ፣ በብሄረሰቦች መካከልና ከፆታ አኳያም ቢሆን ተደራሸነቱ ችግር የነበረበት እንደነበረ ይታወቃል፡፡ ኢህአዴግ አገር የማስተዳደር ስልጣን ከተረከበበት ጊዜ ጀምሮ የትምህርት ተደራሸነት ከጫፍ እስከ ጫፍ እየጎለበት መምጣት ችሏል፡፡ ትምህርት ቅንጦት ሳይሆን መሰረታዊ መብት መሆኑን አስረግጦ በተግባር ማሳየትም ተችሏል፡፡ የ2008 የትምህርት ልማት ሪፖርት እንደሚያሳየው የትምህርት ተሳትፎን ለማሳደግ ቤት ለቤት በተደረገ ቆጠራና በተደረገው ርብርብ ከቅድመ መደበኛ እስከ 12ኛ ክፍል ብቻ 26 ሚሊዮን 413ሺህ 120 ተማሪዎች የትምህርት ገበታ ተቋዳሽ መሆን ችለዋል፡፡ መንግስት የቴክኒክና ሙያ ተቋማትን ማስፋፋት ላይ ባደረገው ርብርብም በ2008 ዓም 10 ነባር ተቋማትን ከማስፋፋት ባሸገር 42 አዳዲስ ተቋማት እንዲገነቡ በማድረግ የቅበላ አቅማቸውም በዛው ልክ ማደግ ችሏል፡፡ በተጨማሪ በዚሁ በጀት ዓመት በመንግስት ዩኒቨርሲቲዎች 123ሺህ 286 ተማሪዎችን ማስተናገድ ተችሏል፡፡ የምርምር ተቋማትና የመምህራንን አቅም ማሳደግም ተችሏል፡፡ የትምህርት ጥራትን ለማሻሻል የሚያግዙ አሰራሮች ተግባራዊ በመደረጋቸው ከመጀመሪያ ደረጃ ጀምሮ ያለው የመማር ማስተማር ሂደት በለውጥ ላይ ይገኛል፡፡ ትምህርት ቤቶች የምርምር ማዕከላትም ጭምር እየሆኑ መጥተዋል፡፡ የነገ የአገራችንን ፍላጎት መሸከም የሚችል ትውልድ ለመቅረፅም እየተጋ ይገኛል፡፡ እነዚህ ስኬቶች የተመዘገቡትም መንግስት ለትምህርት ልማት በሰጠው ትኩረት መሆኑ የማይታበል ሃቅ ነው፡፡
በማህበራዊ ልማት ዘርፍ ከትምህርት ልማታችን ባሻገር በጤና መስክ እንደ አገር የተመዘገበው ስኬት አገራችን ዓለም አቅፍ እውቅና ጭምር ያገኘችበት ነው፡፡ የኢህአዴግ ስራ አስፈፃሚ ኮሚቴም በተለይ የእናቶችና የህፃናትን ሞት በመቀነስ የተመዘገቡ ስኬታማ ስራዎችን ተመልክቷል፡፡ የጤና ኤክስቴንሽን ፕሮግራም ለዚህ ውጤት መመዝገብ የአንበሳውን ድርሻ ይወስዳል፡፡ እናቶች የቅድመና ድህር ወሊድ ግንዛቤ እንዲይዙ በመደረጋቸውና በጤና ጣቢያ  የሚወልዱ እናቶች ቁጥር በመጨመሩ የእናቶች ሞት ለመቀነሱ ምክነያት ሆኗል፡፡ በአገራችን በአሁን ጊዜ ከ38 ሺህ     በላይ የጤና ኤክስንቴንሽን በለሙያዎች በስራ ላይ ሲሆኑ የጤና ልማት ስራችንን የሚያሳልጡ የጤና ተቋማት ተደራሽነትም ጨምሯል፡፡ ከዚህ አኳያ የኢህአዴግ ስራ አስፈፃሚ ኮሚቴ ከጤና ኤክስንቴንሽን አገልግሎት ጋር በተያያዘ ማነቆዎችን በጥናት ላይ የተመሰረተ ምላሽ ለመስጠት መዘጋጀት እንደሚገባ ያመላከት ሲሆን በዘርፉ የሚስተዋለውን የጥራት መጓደል ችግር ለመፍታትም ቀጣይ ትኩረት እንደሚሹ አስምሮበታል፡፡  
የአገራችን የህዳሴ ጉዞ የሚረጋገጠው በሁለንተናዊ መልኩ ያስቀመጥናቸውን ራዕዮችን ማሳካት ሲቻል ብቻ ነው፡፡ አገራችን የምትመራበት ግልፅ ልማታዊና ዴሞክራሲያዊ የሆነ ፖሊሲና ስትራቴጂ ባለቤት ናት፡፡ መመሪያዎችና አሰራሮችም እንዲሁ፡፡ እስካሁን የመጣንባቸው መንገዶች አልጋ ባልጋ አልነበሩም፡፡ ፈተናዎች እያጋጠሙን እና ፈተናዎቹን በብቃት እየተወጣን ብቻ ሳይሆን ለቀጣይ ጉዞም ትምህርት እየወሰድንባቸው ስለመጣን ነው በስኬት ጎዳና እንድንራመድ ያስቻሉን፡፡ በየደረጃው ያለ ባለድርሻ አካልም የህዳሴ ጉዟችንን ለማሳለጥ አስፈላጊውን ርብርብ እያደረገ መጥቷል፡፡ አሁንም ቢሆን በአንድ በኩል በየዘርፉ ያስመዘገብናቸው ስኬቶችን ይበልጥ አጠናክረን በመቀጠል በሌላ በኩል ደግሞ ያላሳካናቸው እቅዶች በእኛው የማስፈፀም አቅም ውስንነት ወይም ድክመት መሆኑን በመገንዘብ ነገን በጊዜ የለኝም መንፈስ እና በከፍተኛ ዲስፕሊን መረባረብ ያስፈልጋል፡፡ ጤናው የተጠበቀ፣ አቅሙ የጎለበትና ምርታማ የሆነ የሰው ሃይል በማፍራት የበለፀገች ዴሞክራሲያዊት ኢትዮጵያን መገንባት የሚቻለው በጋራ ጥረት በመሆኑ ሁሉም በየተሰማራበት መስክ በትጋትና በቁርጠኝነት ለተሻለ ውጤት መረባረብ ይገባዋል፡፡  ሰላም ለናንተ ይሁን፡፡


Visitorcounter Visitorcounter

Today       

288

       የዛሬ ጎብኚ

Yesterday       

0

       የትናንት ጎብኚ

This Month       

21702

       የዚህ ወር ጎብኚ

This Year       

229445

       የዚህ ዓመት ጎብኚ

Total        

423788

       አጠቃላይ ጎብኚ