Skip to Content
   አማርኛ    እንግሊዘኛ    ያግኙን    ሴትች ሊግ    ወጣት ሊግ

ኢህአዴግ

ኢህአዴግ አገር የመምራት ሃላፊነትን ከተረከበ ጊዜ ጀምሮ ከውስጥም ከውጭም የሚነሱ በርካታ ውጣ ውረዶችን ያስተናገደ ድርጅት መሆኑ ይታወቃል፡፡ ከአገራችን ነባራዊ ሁኔታ ጋር የሚጣጣምና የህዝባችንን ሁለንተናዊ መለወጥ ታሳቢ ያደረገ የፖለቲካና ኢኮኖሚ ስርዓት በማራመድ በውጭ ሃይል ተፅእኖ የሚጠመዘዝ ድርጅት አለመሆኑን ገና በጠዋቱ በተግባር ያሳየ ድርጅት ነው፡፡

ከደርግ ውድቀት ማግስት አገራችን የመበታተን ስጋት ውስጥ የነበረችበት ሁኔታ ቢኖርም መላ የሃገሪቱን ህዝቦች በማስተባበርና በብስለት በመምራት ዴሞክራሲያዊ አንድነቷ በፅኑ መሰረት ላይ እየተገነባ እንዲዘልቅ አስችሏል። ህገ መንግስታችን የአንድነታችንና የመከባበራችን ማሰሪያ ውል እንዲሆን በሚያስችል መልኩ በህዝብ ሙሉ ተሳትፎ ተቀርፆ በመፅደቁ ያንን የመበታተን ስጋት ተሻግረን በጋራ ለዘላቂ ለውጥ መረባረብ ጀምረናል።

እባክዎን ማንኛውም አስተያየት ካልዎት ክልክ በማድረግ ይፃፉ!

ስለአስተያየትዎ እናመሰግናለን!!!

ዜና ዜና

የኢህአዴግ ስራ አስፈጻሚ ኮሚቴ በብሄራዊ ደህንነት ጉዳዮች ላይ በመወያየት ቀጣይ አቅጣጫዎችን አስቀመጠ

የኢህአዴግ ስራ አስፈጻሚ ኮሚቴ ዛሬ ግንቦት 8 ቀን 2011 ዓም ባካሄደው ስብሰባ ባለፈው አንድ ዓመት የለውጥ ጉዞ ውስጥ የተከናወኑ የብሔራዊ ደህነንት ስኬታማ ስራዎችን እንዲሁም እያጋጠሙ ያሉትን ተግዳሮቶች የገመገመ ሲሆን የመፍትሄ አቅጣጫዎችንም አስቀምጧል፡፡ ኮሚቴው የሀገራችንን ብሔራዊ ደህንነት ለማረጋገጥ የተከናወኑ ስራዎችን በጥልቀት የተመለከተ ሲሆን ለአብነትም በውጭ ሀገራት የነበሩ የታጠቁ ሃይሎች ትጥቃቸውን ፈትተው ወደ ሃገር ውስጥ እንዲገቡ መደረጉ እንዲሁም ከኤርትራ ጋር የነበረው ሰላምም ጦርነትም ያልሆነ ግንኙነት መስተካከሉ ከለውጡ በኋላ የተገኙ ስኬቶች መሆናቸውን ግምግሟል፡፡

ተጨማሪ ያንብቡ…

የኢህአዴግ ሥራ አስፈጻሚ ኮሚቴ ስብሰባውን ማካሄድ ጀምሯል

የኢትዮጵያ ህዝቦች አብዮታዊ ዴሞክራሲያዊ ግንባር(ኢህአዴግ) ዛሬ ግንቦት 8ቀን 2011 ዓም ስብሰባውን ማካሄድ የጀመረ ሲሆን በብሄራዊ ደህንነትና ሌሎች ወቅታዊ እየተወያየ መሆን የኢህአዴግ ም/ቤት ጽ/ቤት አስታውቋል፡፡ ስራ አስፈፃሚ ኮሚቴው በቅርቡ ባካሄደው ስብሰባ በአጭር ጊዜዎች ውስጥ በተከታታይ እየተገናኘ ስራዎችን በጋራ እንዲገመግምና አቅጣጫዎችን እንዲያስቀምጥ መግባባት ላይ እንደደረሰ መግለጻችን ይታወሳል፡፡

ተጨማሪ ያንብቡ…

የኢህአዴግ ስራ አስፈፃሚ ኮሚቴ የኢኮኖሚ ማሻሻያ ሪፎርሞችን በጥልቀት በመገምገም ቀጣይ የኢኮኖሚ አቅጣጫዎችን አስቀመጠ።

የኢህአዴግ ስራ አስፈፃሚ ኮሚቴ ሚያዚያ 28/2011 ዓም ባካሄደው ስብሰባ ያለፉት ዓመታትን የኢኮኖሚ ዘርፍ አፈፃፀም በዝርዝር ከገመገመ በኋላ የኢኮኖሚ ማሻሻያ ሪፎርሞችን በማስቀመጥ ስብሰባውን አጠናቋል። ስራ አስፈፃሚ ኮሚቴው ከ2003 እስከ 2010 ዓም በአገሪቱ የተመዘገበውን የኢኮኖሚ አፈፃፀም የገመገመ ሲሆን በእነዚህ ዓመታት ውስጥ አጠቃላይ የአገር ውስጥ ምርት በአማካይ የ9.6 እድገት ማሳየቱን በዚህም የግብርና ዘርፍ የ5.7 በመቶ፣ የኢንዱስትሪ ዘርፍ ደግሞ የ19.1 በመቶ እንዲሁም የአገልግሎት ዘርፍ 10.3 በመቶ እድገት ማስመዝገቡን ተመልክቷል።

ተጨማሪ ያንብቡ…

የኢህአዴግ ስራ አስፈጻሚ ኮሚቴ ስብሰባውን ማካሄድ ጀመረ

የኢትዮጵያ ህዝቦች አብዮታዊ ዴሞክራሲያዊ ግንባር(ኢህአዴግ) ስራ አስፈጻሚ ኮሚቴ ከዛሬ ሚያዝያ 28ቀን 2011 ዓም ጀምሮ ስብሰባውን ማካሄድ ጀምሯል፡፡ ስራ አስፈጻሚ ኮሚቴው በድርጅታዊና ወቅታዊ ሃገራዊ ጉዳዮች ላይ ጥልቅ ውይይት በማካሄድ ውሳኔዎችንና ቀጣይ አቅጣጫዎችን ያስቀምጣል ተብሎ ይጠበቃል፡፡

ተጨማሪ ያንብቡ…

መጣጥፎች መጣጥፎች

Back

ከሁሉም በፊት የሀገር ሰላም ይቅደም!

                                                                                                                                                                                                                                                         በሚራክል እውነቱ

''ሰላም'' የሚለው የአማርኛ ቃል ከጦርነትና አመፅ ነጻ መሆን ከሚለው የአንዳንድ መዝገበ ቃላት ፍቺ የዘለለ ትርጉም አለው። የቃሉ ምንጭ "ሻሎም'' የሚለው የእብራይስጥ ሥርወ ቃል ሲሆን በሰዎች ህይወት ውስጥ ተሟልቶ መገኘት የሚገባውን ደህንነት፣ ምሉዕነት፣ ፍፁምነትና ዋስትናን የሚያመለክት ሰፊ ፅንሰ ሐሳብ የያዘ ነው።

ሰላም ማግኘት የሚቻለው ፍትህና ማህበራዊ መረጋጋት በሰፈነበት የፖለቲካ ስርዓት ውስጥ መኖር ሲቻል ነው። በአጠቃላይ ሠላም ማለት ሰዎች በኢኮኖሚ፣ በፖለቲካ፣ በማህበራዊና መንፈሳዊ ዘርፎች ውስጥ ዋስትና ያለውን ህይወት የሚመሩበት የሰከነ ስርዓት እንደሆነ ሊሰመርበት ይገባል።

ጠዋት ወጥቶ ማታ ለመግባት፤ ለፍቶ ጥሮ ግሮ ለመኖር፣ የሐይማኖት ተቋሞቻችን ዘንድ ሄደን ደጀ ሰላም ለማድረስ፣ ነግዶ ለማትረፍ … በሶስት ፊደላት አንሳ የምትታየን ግን ደግሞ የምድር ስፋቱ፣ የሰማይ ርቀቱ የማይገድባት፣ ሰው የተባለ ፍጡር ዋጋዋን አሳንሶ የሚያያት በተቃራኒው በምንም ያህል ገንዘብ መግዛት የማንችላት ሰላም ለሁላችንም ግድ የምትለን የመኖራችን ዋስትና ናት።

በሀገራችን ኢትዮጵያ ከቅርብ ጊዜ ወዲህ በአንዳንድ አካባቢዎች በውሃ ቀጠነ ሰበብ የህዝብን ሰላምና የተረጋጋ ኑሮ ለማደፍረስ ሌት ተቀን በሚኳትኑ ጥቂት ፀረ ሰላም ሀይሎች እየተካሄደ ያለው ሀገርን የማበጣበጥ ሴራ መልክ ሊይዝ ይገባዋል፡፡ በሰላም ማጣት የተተራመሱ የዓለም አገራት ኢኮኖሚያቸው ምን ያህል ደቆ፣ በጦርነት ተራቁቶ፣ ህዝባቸው ተጎሳቁሎና በየሀገራቱ ተበትኖ ለስቃይና እንግልት እንደተዳረገ አይተናል። አይተንም አዝነናል። በእኛም ሀገር ይህ ሁኔታ እንዳይደገም ከእነዚህ ሀገራት መማር ለምን ተሳነን? ይህ ጥያቄ በሁላችንም አዕምሮ መመላስ የሚገባው፤ ፈጣን ምላሽም የሚያስፈልገው አንገብጋቢ ጉዳይ ነው፡፡  

ሰላምን ማደፍረስ ቀላል መስሎ ቢታይም መመለሱ ግን ክንድን የሚያዝል ነው። መንግስት እመራዋለሁ ብሎ የሚያስበውን ህዝብ እና ሀገር ህልውናው የሚቀጥለው ህዝቡ ተረጋግቶ መኖር ሲችል ብቻ ነው። ሁሉም ነገር ከሰላም በኋላ የሚመጣ ጉዳይ ነው፡፡ የመኖሪያ ቤት ችግር፣ ፍትሐዊ የኢኮኖሚ ተጠቃሚነት፣ የስራ አጥነት ችግር፣ መሰረተ ልማት አለመሟላት፣ የወሰንና የማንነት ጉዳዮች … ወዘተ ማሰብ የሚቻለው ሰላም በሰፈነበት ሁኔታ ውስጥ ብቻ ነው፡፡ እዚህ ጉዳዮች የጋራ የሆነውን ሰላማችንን ካረጋገጥን ማግስት በተረጋጋ አዕምሮ ውስጥ ሆነን መፍትሔ ለመስጠት ቀላል የሆኑ ጥያቄዎች ናቸው፡፡ በመሆኑም ለሰላም መሰዋዕትነት መክፈል የግድ ይላል። አንዴ ከእጅ ከወጣ በኋላ መመለሱ ከባድ ነውና። በሀገር ላይ ሰላምን ለማስፈን፣ መነጋገር፣ መደማመጥ፣ መተሳሰብ፣ መከራከር እና በሀሳብ ልዕልና ብቻ ማሸነፍ እንደሚቻል መገንዘብ ከአስተዋይ ዜጋ የሚጠበቅ ነው፡፡

ፍላጎቶቻችንን በአመጽ፣ በጉልበት፣ በፉከራና በማስፈራራት መግለፅ ከትርፉ ይልቅ ኪሳራው እንደሚያይል መረዳት ይገባናል። በሰላም እጦት የማይጎዳ ዜጋ የለም፡፡ ህፃናት፣ እናቶች፣ አዛውንቶች ሁሉም የህብረተሰብ ክፍል በሰላም እጦት የሚፈጠረው አደጋ ገፋት ቀማሾች ናቸው፡፡ በመሆኑም የሰላም ጉዳይ የሁሉም ጉዳይ ነው፡፡ ወላጆች ልጆቻቸውን መግራት ይጠበቅባቸዋል፡፡ የጥበብ ባለሙያዎች ፖለቲከኞች የሐይማኖት አባቶች በአጠቃላይ ሁሉም የህብረተሰብ ክፍል ሰላም ከሁሉም ነገር በፊት መምጣት ያለበት ቀዳሚ ጉዳይ መሆኑን ከልብ በመቀበል መስራት ይጠበቅባቸዋል፡፡


ራዕይ ራዕይ

ተልዕኮ ተልዕኮ

እሴቶች እሴቶች

© 2019 (ኢህአዴግ) የኢትዮጵያ ህዝቦች አብዮታዊ ዴሞክራሲያዊ ግንባር.