Skip to Content
   አማርኛ    እንግሊዘኛ    ያግኙን    ሴትች ሊግ    ወጣት ሊግ

ኢህአዴግ

ኢህአዴግ አገር የመምራት ሃላፊነትን ከተረከበ ጊዜ ጀምሮ ከውስጥም ከውጭም የሚነሱ በርካታ ውጣ ውረዶችን ያስተናገደ ድርጅት መሆኑ ይታወቃል፡፡ ከአገራችን ነባራዊ ሁኔታ ጋር የሚጣጣምና የህዝባችንን ሁለንተናዊ መለወጥ ታሳቢ ያደረገ የፖለቲካና ኢኮኖሚ ስርዓት በማራመድ በውጭ ሃይል ተፅእኖ የሚጠመዘዝ ድርጅት አለመሆኑን ገና በጠዋቱ በተግባር ያሳየ ድርጅት ነው፡፡

ከደርግ ውድቀት ማግስት አገራችን የመበታተን ስጋት ውስጥ የነበረችበት ሁኔታ ቢኖርም መላ የሃገሪቱን ህዝቦች በማስተባበርና በብስለት በመምራት ዴሞክራሲያዊ አንድነቷ በፅኑ መሰረት ላይ እየተገነባ እንዲዘልቅ አስችሏል። ህገ መንግስታችን የአንድነታችንና የመከባበራችን ማሰሪያ ውል እንዲሆን በሚያስችል መልኩ በህዝብ ሙሉ ተሳትፎ ተቀርፆ በመፅደቁ ያንን የመበታተን ስጋት ተሻግረን በጋራ ለዘላቂ ለውጥ መረባረብ ጀምረናል።

እባክዎን ማንኛውም አስተያየት ካልዎት ክልክ በማድረግ ይፃፉ!

ስለአስተያየትዎ እናመሰግናለን!!!

ዜና ዜና

የኢህአዴግ ምክር ቤት ጽ/ቤት በአገራችን እየተካሄደ ያለውን ለውጥ የሚመጥን የአደረጃጀት ስርዓት ለመፍጠር እየሰራ መሆኑ ተገለፀ፡፡

የኢህአዴግ ምክር ቤት ጽ/ቤት በአገራችን እየተካሄደ ያለውን ለውጥ የሚመጥን የአደረጃጀት ስርዓት ለመፍጠር እየሰራ መሆኑ ተገለፀ፡፡ • በአዳማ ከተማ የአባላትና የአመራር መረጃ ስርዓት በኢንፎርሜሽን ቴክኖሎጂ (ዲጅታላይዜሽን) የተደገፈ እንዲሆን የሚያስችል ስልጠና እየተሰጠ ነው፡፡ የኢህአዴግ ም/ቤት ጽ/ቤት በአዳማ ከተማ አጋር ድርጅቶችን ጨምሮ የብሄራዊ ድርጅት ከፍተኛ አመራሮች፣ የሁለቱ ከተማ አስተዳደርና የፌዴራል ተቋማት ከፍተኛ አመራሮች የተሳተፉበት በዘመናዊ የመረጃ አያያዝና አጠቃላይ የድርጅቱ አደረጃጀትን በተመለከት ስልጠና እየሰጠ ይገኛል፡፡

ተጨማሪ ያንብቡ…

የኢህአዴግ ምክር ቤት ጽ/ቤት አመራሮችና ሰራተኞች የ28ኛውን የግንቦት ሀያ በዓልን አከበሩ

የበዓሉ መርሃግብር በጽዳት ስራ የተጀመረ ሲሆን በበዓሉ ላይ በክብር እንግድነት ተገኝተው መልዕክት ያስተላለፉት የኢህአዴግ ም/ቤት ጽ/ቤት ም/ሀላፊና የፖለቲካና ርዕዬተ ዓለም ግንባታ ዘርፍ ኃላፊ ጓድ መለሰ ዓለሙ ግንቦት ሀያ በሀገራችን ለተመዘገበው ፖለቲካዊ፣ ኢኮኖሚያዊና ማህበራዊ ለውጦች ፈር ቀዳጅ መሆኑን አስገንዝበዋል፡፡

ተጨማሪ ያንብቡ…

የኢህአዴግ ስራ አስፈጻሚ ኮሚቴ በብሄራዊ ደህንነት ጉዳዮች ላይ በመወያየት ቀጣይ አቅጣጫዎችን አስቀመጠ

የኢህአዴግ ስራ አስፈጻሚ ኮሚቴ ዛሬ ግንቦት 8 ቀን 2011 ዓም ባካሄደው ስብሰባ ባለፈው አንድ ዓመት የለውጥ ጉዞ ውስጥ የተከናወኑ የብሔራዊ ደህነንት ስኬታማ ስራዎችን እንዲሁም እያጋጠሙ ያሉትን ተግዳሮቶች የገመገመ ሲሆን የመፍትሄ አቅጣጫዎችንም አስቀምጧል፡፡ ኮሚቴው የሀገራችንን ብሔራዊ ደህንነት ለማረጋገጥ የተከናወኑ ስራዎችን በጥልቀት የተመለከተ ሲሆን ለአብነትም በውጭ ሀገራት የነበሩ የታጠቁ ሃይሎች ትጥቃቸውን ፈትተው ወደ ሃገር ውስጥ እንዲገቡ መደረጉ እንዲሁም ከኤርትራ ጋር የነበረው ሰላምም ጦርነትም ያልሆነ ግንኙነት መስተካከሉ ከለውጡ በኋላ የተገኙ ስኬቶች መሆናቸውን ግምግሟል፡፡

ተጨማሪ ያንብቡ…

የኢህአዴግ ሥራ አስፈጻሚ ኮሚቴ ስብሰባውን ማካሄድ ጀምሯል

የኢትዮጵያ ህዝቦች አብዮታዊ ዴሞክራሲያዊ ግንባር(ኢህአዴግ) ዛሬ ግንቦት 8ቀን 2011 ዓም ስብሰባውን ማካሄድ የጀመረ ሲሆን በብሄራዊ ደህንነትና ሌሎች ወቅታዊ እየተወያየ መሆን የኢህአዴግ ም/ቤት ጽ/ቤት አስታውቋል፡፡ ስራ አስፈፃሚ ኮሚቴው በቅርቡ ባካሄደው ስብሰባ በአጭር ጊዜዎች ውስጥ በተከታታይ እየተገናኘ ስራዎችን በጋራ እንዲገመግምና አቅጣጫዎችን እንዲያስቀምጥ መግባባት ላይ እንደደረሰ መግለጻችን ይታወሳል፡፡

ተጨማሪ ያንብቡ…

መጣጥፎች መጣጥፎች

Back

አብሮነታችንን ማን አየብን?

                                                                                                                                                                                            በሚራክል እውነቱ

የኖሮዌይ ስደተኞች ካውንስል በጁን 2018 ባወጣው ዓለም አቀፍ የስደተኞች መረጃ በሀገር ውስጥ ተፈናቃዮች ቁጥር ኢትዮጵያ በአውዳሚ የእርስ በእርስ ጦርነት ውስጥ ካለችው ሶርያ ትይዩ ላይ ተቀምጣለች፡፡በዚህ መረጃ መሰረት ኢትዮጵያ 1 ነጥብ 4 ሚሊዮን በላይ የሀገር ውስጥ ተፈናቃዮችን በመያዝ የመጀመሪያውን ደረጃ ስትይዝ ሶርያ ደግሞ በ 1 ነጥብ 2 ሚሊዮን የስደተኛ ቁጥር ትከተላለች፡፡

ኢትዮጵያ ሰላም ያለባት ሀገር እየመሰለች፤ ነገር ግን በሀገር ውስጥ ተፈናቃዮች ቁጥር በዓለም አቀፍ ደረጃ የመጀመሪያውን ቁጥር ከመያዝ ባሻገር በዚህ በኩል በእርስ በእርስ ጦርነት እየታመሱ ካሉት ሶርያ፣ ሶማሊያ፣ የመንና ደቡብ ሱዳን ጋር አብሮ ስሟ መጠራቱ ለኢትዮጵያዊ ማንነት የማይመጥን የአብሮነትየመደጋገፍ ባህላችንን የሚያጠለሽና በሁላችንም ዘንድ በእጅጉ ሀዘኔታን የሚፈጥር ነው፡፡

ሁኔታውን አስፈሪ የሚያደርገው ደግሞ አሁን ካለው አፍራሽ አካሄድ አንፃር በቀጣይም ዜጎች በነፃነት መኖር የሚችሉበት ሁኔታ እንደሌላ ፍራቻ ውስጥ መግባታቸውና ሁኔታው ከመሻሻል ይልቅ መፋናቀሉ ተስፋፍቶ መቀጠሉ ነው፡፡ የዜጎች ከመኖሪያ ቀያቸው መፈናቀል ማህበራዊ፣ ፖለቲካዊና ኢኮኖሚያዊ ቀውስ በመክተት የአገርን ህልውና የሚፈትን መሆኑ ግልፅ ነው፡፡

እንደኛ ባለች ታዳጊ ሀገር ውስጥ የዜጎች መፈናቀል አብሮ የመኖር ታሪክና ባህል የሚያደበዝዝ፣ የኢትዮጵያን አንድነት የተሰናሰለበትን የአብሮነት ባህልና እሴት የሚሸረሽር  የጥፋት ጉዞ ነው፡፡ አንተ ከዚህ ወገን ነህ አንተ ከዛ ወገን በሚል ዘርን ማዕከል ያደረገ ያረጀ አጥፊ አስተሳሰብ ተሸካሚ መሆን አፈናቃዩንም ተፈናቃዩንም በአንድ ላይ የሚያጠፋ፤ የአገርንም ሆነ የግለሰብን ልማት ወደኋላ የሚጎትት የኋላ ቀርነት መገለጫም ጭምር ነው፡፡

በሌላ በኩል ዜጎች ከአንድ አካባቢ ሲፈናቀሉ ጨርቄን ማቄን ሳይሉ ለዓመታት ያፈሩትን ሀብትና ንብረታቸውን ጥለው ነፍሴ አውጭ በማለት ነው የሚሰደዱት፡፡ ይህ ለዓመታት ያካበቱትን ሀብት በቀላሉ ትተው መሰደዳቸው የዘራፊዎችን ጉልበት በማፈርጠም ለሌላ ዘርፊያ  የሚጋብዝ   አገርንም ወደ ፍፁም ደህነት የሚያወርድ እኩይ ተግባር ነው፡፡

በዚህም ሳያበቃ መንግስት ዜጎች ከተፈናቀሉ በኋላ መልሶ ለማቋቋም የሚያደርገው ጥረት ደግሞ ሌላ የኢኮኖሚ ጫና ነው፡፡ መንግስት እንደ አገር የተደቀነብንን ድህነት ለማስወገድ የሚያደርገውን ጥረት የሚያስፈጓጉል ኢኮኖሚያዊ አቅሙን የሚያዳክም ነው፡፡ በዋናነት ዜጎች የሞላ ቤታቸውን ጥለው በመውጣት በድንገት ወደ ፍፁም ድህነት ሲገቡ የሚኖረውን ማህበረሰባዊ ጫና መገመት አያዳግትም፡፡ የአገርን ምስል የሚያበላሽ ሄዶ ሄዶ የውጭ ኢንቨስትመንት ፍሰትን ጭምር በመግታት አገራዊ ሁኔታችንን አጣብቂኝ ውስጥ የሚከትም ይሆናል፡፡

አገራችን ያላት የተፈጥሮ ሃብት መሬት እንኳንስ ለገዛ ወንድም እህቶቻችን ይቅርና ጦርነትንና የእርስ በእርስ ግጭትን ፈርተው ከተለያዩ ሀገራት ኢትዮጵያን መርጠው ለመጡ ለሌላማ ቢሆን በአግባቡ መጠቀም ከቻልን የሚያንስ ሆኖ አይደለም፡፡

ያ ሁሉ መተሳሰባችን፣ የአለምን ቀልብ የገዛው አብሮነታችንና መቻቻላችን ወዴት ሄደ? የእኔ ይቅርብኝ ብሎ ለተራበ አጉራሽ፣ ለታረዘ አልባሽ የሆነ ምስጉን ህዝባችን እሴት ስለምን በጥቂት ሆደ አደር ሰዎች ይሸርሸር? ዛሬ በሁሉም ጫፍ ያለ ኢትዮጵያዊ ተፈናቃይ ወገኖቻችንን ማቋቋም ላይ ትኩረቱን አድርጓል በእርግጥም ይህች ናት አገሬ……በሃዘን፣ በደስታ አብሮ መኖርን፣ አብሮ መራብን፣ አብሮ መደሰትን ያውቅበታል፡፡ እናም ሁላችንም አብሮነታችንን ማን አየብን ልንል ይገባል…ማን አየብን?

 

 


ራዕይ ራዕይ

ተልዕኮ ተልዕኮ

እሴቶች እሴቶች

© 2019 (ኢህአዴግ) የኢትዮጵያ ህዝቦች አብዮታዊ ዴሞክራሲያዊ ግንባር.