Back

እድገቱ የወለዳቸውንም ሆነ በአፈፃፀም ችግር ያጋጠሙ ተግዳሮቶች ህገ መንግስታዊ ስርዓቱን በተከተለ አግባብ እንደሚፈቱ ተገለፀ፡፡

የሕዝብ ተወካዮችና የፌዴሬሽን ምክር ቤት አምስተኛ ዘመን ሁለተኛ ዓመት የጋራ ጉባዔ የኢፌዴሪ ፕሬዝዳንት ዶክተር ሙላቱ ተሾመ በተገኙበት ተከፍቷል።

በመክፈቻ ስብሰባው ላይ የፌዴራል መንግስትን በአዲስ መልክና ቅኝት ለማዋቀር ተግባራዊ እርምጃ እንደሚወሰድ፣ የመድብለ ፓርቲ የምርጫ ህግ ማሻሻያ ስለማድረግ፣ የወጣቶችን ተጠቃሚነት በማረጋገጥ ወጣቱን የልማት ሃይል የማድረግ ጉዳይ እንዲሁም ለአገሪቱ ሲቪል ሰርቪስ የዋጋ ግሽበትን ታሳቢ ያደረገ የደመወዝ ማስተካከያ እንደሚደረግም ፕሬዝዳንት ሙላቱ ገልፀዋል።

በተመሳሳይ ከወጣቱ ፍላጎት ጋር የሚመጣጠን ስራ አለመኖሩ የተለያዩ ጥያቄዎች በየቦታው እንዲነሱ አድርጓል ያሉት ፕሬዝዳንቱ በዓመቱ ለወጣቶች የሥራ ዕድል ፈጠራ ልዩ ትኩረት በመስጠት እንደሚሰራ በመግለፅ የስራ መነሻ የሚሆን የተንቀሳቃሽ ፈንድ ተቋቁሞ ወደ ተግባር እንደሚገባና የ10 ቢሊዮን ብር በጀት መመደቡን አስገንዝበዋል።

ባሳለፍነው ዓመት አገሪቷን ያጋጠማት የድርቅ አደጋ አንድ ተግዳሮት መሆኑን የገለፁት ፕሬዝዳንቱ ለ25 ዓመታት የተረጋገጠው ሰላም ባለፈው ዓመት መናጋቱ ሌላ ተግዳሮት ነበር ብለዋል፡፡ የድርቅ አደጋውን በህዝብና በመንግስት ትብብር መቋቋም መቻሉን ያስታወሱት ፕሬዝዳንት ዶክተር ሙላቱ ሌሎች የተነሱ ችግሮች ከፍትሃዊ ተጠቃሚነት ጋር የተያያዙ በመሆናቸው ችግሮቹን መፍታት ጊዜ የማይሰጠው ተግባር ተደርጎ የሚወሰድ ይሆናል ብለዋል፡፡ 

ፕሬዝዳንት ዶክተር ሙላቱ በንግግራቸው የፌዴራል መንግስትን በአዲስ መልክና ቅኝት ለማዋቀር ተግባራዊ እርምጃ እንዲወሰድ ያወሱ ሲሆን የመንግስትን ስልጣን ያለአግባብ የመጠቀም ዝንባሌን በመግታት ብቃት ያላቸውን ግለሰቦች ወደ ሃላፊነት በማምጣት የህዝብ ተጠቃሚነት የሚያረጋግጥ አዲስ የመንግስት ምክር ቤት የማደራጀት እንቅስቃሴ እንደሚከናወን አስረድተዋል። የተጠያቂነት ስርዓት በሚገባ እስከታች ድርስ ባለው የምክር ቤቱ መዋቅር እንደሚዘረጋም አስታውቀዋል፡፡ 

የምርጫ ህጉ ከአገሪቷ ተጨባጭ ሁኔታ በመነሳት የሁሉም የህብረተሰብ ክፍል ድምፅ ሊሰማ በሚቻልበት ሁኔታ የህግ ማሻሻያ እንደሚደረግበት የተገለፀ ሲሆን ይኸው ማሻሻያ በህግ ማዕቀፍ በተደገፈ አኳኋን የህዝብ ምክር ቤቶች የተለያዩ ድምፆች የሚሰማባቸውና የሚፎካከሩባቸው መድረኮች እንዲሆኑ ለማድረግ የሚያስችል የማስተካከያ አካል ነው ተብሏል። ማሻሻያው ለሚቀጥለው ምክርቤት የሚደርስ ከመሆኑ ጋር ተያይዞ በዚህኛው ም/ቤት ማሻሻያውን ሊያካክስ በሚችል መልኩ ሁሉንም ባለድርሻ አካላት ያሰተፉ መድረኮች እንደሚዘጋጁ ተገልጿል፡፡

በዘንድሮው ዓመት የኦሮሚያ ክልል በአዲስ አበባ ላይ ያለውን ልዩ ጥቅም ለመደንገግ የሚወጣውን አዋጅ ጨምሮ ሌሎች በርካታ አዋጆች እንደሚወጡም ፕሬዝዳንት ዶክተር ሙላቱ በመክፈቻ ንግግራቸው አስታውቀዋል፡፡

ፕሬዝዳንት ዶ/ር ሙላቱ ባለፉት 25 ዓመታት በሁለንተናዊ መልኩ ብዙ ርቀት መምጣት መቻሉን በማስታወስ ይህንን በመጠበቅና ችግሮችን በጋራ በመፍታት ሰላም ለማወክ የሚሹ ሃይሎችን በመመከት ረገድ ሕገ-መንግስታዊ ስርዓቱን በተከተለ ሁኔታ የሚካሄደው ትግል መጠናከር እንደሚገባውም አስረግጠው ተናግረዋል።

 


ኢህአዴግ

ኢህአዴግ አገር የመምራት ሃላፊነትን ከተረከበ ጊዜ ጀምሮ ከውስጥም ከውጭም የሚነሱ በርካታ ውጣ ውረዶችን ያስተናገደ ድርጅት መሆኑ ይታወቃል፡፡ ከአገራችን ነባራዊ ሁኔታ ጋር የሚጣጣምና የህዝባችንን ሁለንተናዊ መለወጥ ታሳቢ ያደረገ የፖለቲካና ኢኮኖሚ ስርዓት በማራመድ በውጭ ሃይል ተፅእኖ የሚጠመዘዝ ድርጅት አለመሆኑን ገና በጠዋቱ በተግባር ያሳየ ድርጅት ነው፡፡

ከደርግ ውድቀት ማግስት አገራችን የመበታተን ስጋት ውስጥ የነበረችበት ሁኔታ ቢኖርም መላ የሃገሪቱን ህዝቦች በማስተባበርና በብስለት በመምራት ዴሞክራሲያዊ አንድነቷ በፅኑ መሰረት ላይ እየተገነባ እንዲዘልቅ አስችሏል። ህገ መንግስታችን የአንድነታችንና የመከባበራችን ማሰሪያ ውል እንዲሆን በሚያስችል መልኩ በህዝብ ሙሉ ተሳትፎ ተቀርፆ በመፅደቁ ያንን የመበታተን ስጋት ተሻግረን በጋራ ለዘላቂ ለውጥ መረባረብ ጀምረናል።

የብልጽግና ፓርቲ የዕውቅና ምስክር ወረቀት እንዲሰጠው ለብሔራዊ ምርጫ ቦርድ ጥያቄ አቀረበ

  በቅርቡ ውህደት የፈጸሙት የኢህአዴግ እህትና አጋር ፓርቲዎች በኢትዮጵያ የፓለቲካ ፓርቲዎች ምዝገባና የምርጫ ስነ ምግባር አዋጅ ቁጥር 1162/2011 መሰረት የኢትዮጵያ ብሔራዊ ...

ተጨማሪ ያንብቡ…

ፕሬዚዳንት ሳህለወርቅ ዘውዴ የጠቅላይ ሚኒስትር ዶክተር አብይ አህምድ የ2019 የኖቤል የሰላም ሽልማት አሸናፊነት ዓለም አቀፉ ሕብረተሰብ ኢትዮጵያ ላይ ያለውንም ተስፋ ያመላከተ መሆኑን ተናገሩ፡፡

ፕሬዚዳንቷ ማምሻቸውን በጠቅላይ ሚኒስተሩ የኖቤል የሰላም ሽልማት የእንኳን ደስ አላችሁ መግለጫ ሰጥተዋል፡፡ በዚህ መግለጫቸው ሀገር ውስጥ ላሉ እና በውጭ ሀገራት ለሚገኙ መላው ኢትዮጵያውያንና ትውልደ ኢትዮጵያዊያን እንኳን ደስ አላችሁ መልክት አስተላፈዋል፡፡ ጠቅላይ ሚኒስትር ዶክተር አብይ አሕመድ የ2019 የኖቤል የሠላም ሽልማትን በማሸነፍ የመጀመሪያው ኢትዮጵያዊ ሆነዋል ነው ያሉት፡፡ ዶክተር አብይ አህመድ ወደ ሥልጣን ከመጡ ጀምሮ ሰላም፣ ይቅርታና ፍቅርን ከማቀንቀን አቋርጠው እንደማያውቁም አንስተዋል፡፡ በሀገር ውስጥ የነበረውን አስፈሪ የፖለቲካ ፍጥጫ በማርገብ፣ በውጭ ሀገር የነበሩ የፖለቲካ ድርጅቶች ወደ ሀገር እንዲገቡ በማድረግ፣ ያለፈውን ታሪክ ዕሴቶች አስጠብቀን እንድንጓዝ ማድረጋቸውንም አንስተዋል፡፡

ተጨማሪ ያንብቡ…

የውህደቱ ዓላማና አስፈላጊነት

ስለ አዲሱ ውህድ ፓርቲ በተሻለ ለመገንዝብ ይረዳ ዘንድ አላማውና አስፈላጊነቱ እንደሚከተለው በስፋት ተተንትኖ ቀርቧል፡፡ የሳምንት መወያያ ርዕስ ላይም ስለ ውህደቱ ላነሳችው ስጋትና ጥያቄዎች በተወሰነ መልስ ይሆናችሁል፡፡ በተከታታይነትም ግልጽነት የመፍጠር ስራ ይቀጥላል፡፡

ተጨማሪ ያንብቡ…

ሀገራዊ አንድነታችንን በማጠናከር ለበለጠ ድል እንዘጋጅ

ኢትዮጵያ ከሶስት ሺኅ ዓመታት በላይ ዕድሜ ያላት ጥንታዊ ሀገር ናት፡፡ ሉአላዊነቷን ሳታስደፍር የቆየች የስልጣኔ መሰረት የሆነች ድንቅ ሀገርም ናት፡፡ እየተፈራረቁ የመጡት የውጭ ወራሪዎች የማሳፈር ታሪክዋ በዋናነት ዜጎቿ በብሄር፣ በሃይማኖት ሳይከፋፈሉ በሀገር ፍቅር ለመስዋዕትነት ዝግጁ መሆናቸው ነው፡፡

ውይይትና መደማመጥን በማጠናከር ሰላማችን እንጠብቅ!

የረጅም ዘመን የስልጣኔና ተምሳሌት የሆነችው ሀገራችን ዓለም በሁለት ገጽታዎች ያውቃታል፡፡ አንደኛው በምድራችን ውስጥ ከነበሩ ገናና እና አስደናቂ ስልጣኔዎች መካከል የአንዱ ባለቤት መሆንዋ ነው፡፡ የእነዚህን ስልጣኔዎች ማሳያ የሆኑ ሐውልቶች፣ ቅርሶች… ወዘተ የዚህ ህያው ማስረጃዎች ናቸው፡፡ አሁንም የዓላማችን የታሪክ ተመራማሪዎች ያሉፉት የስልጣኔ አሻራ ላይ የሚያደርጉት ጥናትና ምርምር እንደቀጠለ መሆኑን ስንመለከት ሐገራችን የነበረችበት የስልጣኔ ደረጃ መገንዘብ የሚያስችል ነው፡፡

ለተሻለ ውጤት የጋራ ጥረት

"በኤፊ ሰውነት" ኢህአዴግ የሚመራው ልማታዊና ዴሞክራሲያዊ መንግስት የአገራችንን ነባራዊ ሁኔታ ያገናዘበ ፖሊሲና ስትራቴጂ በመንደፍ ፋና ወጊ መሆኑ ግልፅ ነው፡፡ በአገራችን አሁን እየተተገበሩ ያሉት ፖሊሲዎችና ስትራቴጂዎችም አገር በቀልና ውስጣችንን ያገናዘቡ መሆናቸው ከነተግዳሮታችንም ቢሆን በለውጥ ውስጥ...

አሰራሮቻችንን በማዘመን የወጣቱን ተጠቃሚነት ለማረጋገጥ እንረባረብ

"ከኤፊ ሰውነት" በአገራችን በተለይ ካሳለፍነው ዓመት ጀምሮ በወጣቱ በኩል በተደጋጋሚ ሲነሱ የምንሰማቸው ጥያቄዎች በዋናነት ከተጠቃሚነት ጋር የተያያዙ ሆነው እናገኛቸዋለን፡፡ ከጫፍ እስከ ጫፍ በሚባል ሁኔታ የወጣቱ መሰረታዊ ጥያቄ የስራ እድል ፈጠራ ጉዳይ እንደሆነም እንገነዘባለን፡፡ ውድ አንባብያን...

የዓድዋ ድል ጽናትን የህዳሴ ጉዞአችንን እውን ለማድረግ ልንጠቀምበት ይገባል!

"በኤፊ ሰውነት" አድዋ ሲነሳ አስቀድሞ በታሪክ መዛግበት እንደተፃፈው ወደ ሁሉም አዕምሮ የሚመጣው እውነታ አውሮጳውያን ኃያላን በበርሊን ያደረጉት ‹‹አፍሪቃን የመቀራመት›› ሴራ ይመስለኛል፡፡ ኃያሉን ከራሳቸው አልፈው ድንበር ጥሰው፤ የአገር ሉዓላዊነት ተዳፍረው አፍሪካን ሲቀረማመቱ ኢትዮጵያ እና ሶማሊያ ደግሞ...

Visitorcounter Visitorcounter

Today       

1856

       የዛሬ ጎብኚ

Yesterday       

1604

       የትናንት ጎብኚ

This Month       

25993

       የዚህ ወር ጎብኚ

This Year       

232116

       የዚህ ዓመት ጎብኚ

Total        

428305

       አጠቃላይ ጎብኚ