Skip to Content
   አማርኛ    እንግሊዘኛ    ያግኙን    ሴትች ሊግ    ወጣት ሊግ

Back

የኢህአዴግ ምክር ቤት ጽ/ቤት በአገራችን እየተካሄደ ያለውን ለውጥ የሚመጥን የአደረጃጀት ስርዓት ለመፍጠር እየሰራ መሆኑ ተገለፀ፡፡

የኢህአዴግ ምክር ቤት ጽ/ቤት በአገራችን እየተካሄደ ያለውን ለውጥ የሚመጥን የአደረጃጀት ስርዓት ለመፍጠር እየሰራ መሆኑ ተገለፀ፡፡

• በአዳማ ከተማ የአባላትና የአመራር መረጃ ስርዓት በኢንፎርሜሽን ቴክኖሎጂ (ዲጅታላይዜሽን) የተደገፈ እንዲሆን የሚያስችል ስልጠና እየተሰጠ ነው፡፡

የኢህአዴግ ም/ቤት ጽ/ቤት በአዳማ ከተማ አጋር ድርጅቶችን ጨምሮ የብሄራዊ ድርጅት ከፍተኛ አመራሮች፣ የሁለቱ ከተማ አስተዳደርና የፌዴራል ተቋማት ከፍተኛ አመራሮች የተሳተፉበት በዘመናዊ የመረጃ አያያዝና አጠቃላይ የድርጅቱ አደረጃጀትን በተመለከት ስልጠና እየሰጠ ይገኛል፡፡

በስልጠናው መክፈቻ ፕሮግራም ላይ ንግግር ያደረጉት በኢህአዴግ ም/ቤት ጽ/ቤት የአደረጃጀት ዘርፍ ኃላፊ አቶ ተፈራ ደርበው የኢህአዴግ ምክር ቤት በአገራችን የተካሄደውን ለውጥ መሰረት በማድረግ ለውጡን የሚመጥን የአደረጃጀት ሪፎርም ያካሄደ መሆኑን ጠቁመዋል፡፡ በአገራችን የተቀጣጠለውን ለውጥ መሰረት በማድረግ ለውጡ ከኢህአዴግ ውስጥ መጀመር አለበት የሚል መነሻ በመያዝ የነበሩ ችግሮችን ማረም በሚችል ሁኔታ በምክር ቤት ጽ/ቤቱ ውስጥ የሪፎርም ስራ መከናወኑ አብራርተዋል፡፡

የተፈጠሩ ችግሮችን ቀድሞ የማረም ችግር እንደነበረ ያወሱት አቶ ተፈራ በጉባኤ በተቀመጠውና ለውጡ መመራት ባለበት መሰረታዊ አቅጣጭ መሰረት ምክር ቤት ጽ/ቤቱ ስራዎችን እየከወነ መሆኑን አስገንዝበዋል፡፡ አያይዘውም አደረጃጀቱን ሳይንሳዊ ለማድረግ ጥረት መደረጉን፣ የስራ ፍሰቱ ሁሉ መነሻ ጥናትና ምርምር እንዲሆን ለማድረግ የሚያስችል የአደረጃጀት ስርዓት መፈጠሩንም ገልፀዋል፡፡

ከዚህ በኋላ የሚኖር የድርጅት ስራ በተቀናጀና ዘመናዊ በሆነ የመረጃ ቋት ስርዓት እየታገዘ መሆን እንደሚገባው ያመላከቱት አቶ ተፈራ የድርጅት አባላቶችንም ሆነ የአመራር አጠቃላይ ሁኔታን ጥርት ባለ መረጃ አውቆ መንቀሰቀስ የሚያስችል ስርዓት መፈጠሩን ተናግረዋል፡፡
የጀመርነውን የፖለቲካ ሪፎርም ማስቀጠል የሚቻለው ለውጡን ማስቀጥል የሚያስችል አደረጃጀት መፍጠር ሲቻል ብቻ ነውም ያሉት ኃላፊው በቀጣይ ወራት እስከ ታች ድረስ የላቀ ድርጅታዊ ብቃት ያለው ጠንካራ የድርጅት መዋቅር መፍጠር ላይ ርብርብ እንደሚደረግ አስታውቀዋል፡፡

በኢህአዴግ ም/ቤት ጽ/ቤት የኢንፎርሜሽን ኮሙኒኬሽን ቴክኖሎጂ ልማት ክፍል ለምቶ ወደ ተግባር የገባው የአመራርና አባላት የመረጃ ቋት ቴክኖሎጂ ድርጅቱ ያለበትን የመረጃ አያያዝ ችግር የሚቀርፍ ከመሆኑ ባሻጋር ለውጡን የሚመጥን አመራርና አባል ለማደራጀት የሚያግዝ መሆኑ ተጠቅሷል፡፡

አመራሮች ለአራት ቀናት በሚኖራቸው ቆይታ ዲጅታላይዝድ የሆነ የአባላትና አመራር መረጃ አያያዝን በተመለከት በዝርዝር ስልጠና የሚሰጣቸው ሲሆን በድርጅቱ ውስጥ ስራዎችን በተቻለ ርቀት ከወረቀት ነፃ በሆነ መንገድ ለማስኬድ የሚደረጉ ስራዎች በቀጣይነት እንደሚሰሩም የኢህአዴግ ም/ቤት ጽ/ቤት የኢንፎርሜሽን ኮሙኒኬሽን ቴክኖሎጂ

 


ኢህአዴግ

ኢህአዴግ አገር የመምራት ሃላፊነትን ከተረከበ ጊዜ ጀምሮ ከውስጥም ከውጭም የሚነሱ በርካታ ውጣ ውረዶችን ያስተናገደ ድርጅት መሆኑ ይታወቃል፡፡ ከአገራችን ነባራዊ ሁኔታ ጋር የሚጣጣምና የህዝባችንን ሁለንተናዊ መለወጥ ታሳቢ ያደረገ የፖለቲካና ኢኮኖሚ ስርዓት በማራመድ በውጭ ሃይል ተፅእኖ የሚጠመዘዝ ድርጅት አለመሆኑን ገና በጠዋቱ በተግባር ያሳየ ድርጅት ነው፡፡

ከደርግ ውድቀት ማግስት አገራችን የመበታተን ስጋት ውስጥ የነበረችበት ሁኔታ ቢኖርም መላ የሃገሪቱን ህዝቦች በማስተባበርና በብስለት በመምራት ዴሞክራሲያዊ አንድነቷ በፅኑ መሰረት ላይ እየተገነባ እንዲዘልቅ አስችሏል። ህገ መንግስታችን የአንድነታችንና የመከባበራችን ማሰሪያ ውል እንዲሆን በሚያስችል መልኩ በህዝብ ሙሉ ተሳትፎ ተቀርፆ በመፅደቁ ያንን የመበታተን ስጋት ተሻግረን በጋራ ለዘላቂ ለውጥ መረባረብ ጀምረናል።

እባክዎን ማንኛውም አስተያየት ካልዎት ክልክ በማድረግ ይፃፉ!

ስለአስተያየትዎ እናመሰግናለን!!!

ዜና ዜና

የኢህአዴግ ምክር ቤት ጽ/ቤት በአገራችን እየተካሄደ ያለውን ለውጥ የሚመጥን የአደረጃጀት ስርዓት ለመፍጠር እየሰራ መሆኑ ተገለፀ፡፡

የኢህአዴግ ምክር ቤት ጽ/ቤት በአገራችን እየተካሄደ ያለውን ለውጥ የሚመጥን የአደረጃጀት ስርዓት ለመፍጠር እየሰራ መሆኑ ተገለፀ፡፡ • በአዳማ ከተማ የአባላትና የአመራር መረጃ ስርዓት በኢንፎርሜሽን ቴክኖሎጂ (ዲጅታላይዜሽን) የተደገፈ እንዲሆን የሚያስችል ስልጠና እየተሰጠ ነው፡፡ የኢህአዴግ ም/ቤት ጽ/ቤት በአዳማ ከተማ አጋር ድርጅቶችን ጨምሮ የብሄራዊ ድርጅት ከፍተኛ አመራሮች፣ የሁለቱ ከተማ አስተዳደርና የፌዴራል ተቋማት ከፍተኛ አመራሮች የተሳተፉበት በዘመናዊ የመረጃ አያያዝና አጠቃላይ የድርጅቱ አደረጃጀትን በተመለከት ስልጠና እየሰጠ ይገኛል፡፡

ተጨማሪ ያንብቡ…

የኢህአዴግ ምክር ቤት ጽ/ቤት አመራሮችና ሰራተኞች የ28ኛውን የግንቦት ሀያ በዓልን አከበሩ

የበዓሉ መርሃግብር በጽዳት ስራ የተጀመረ ሲሆን በበዓሉ ላይ በክብር እንግድነት ተገኝተው መልዕክት ያስተላለፉት የኢህአዴግ ም/ቤት ጽ/ቤት ም/ሀላፊና የፖለቲካና ርዕዬተ ዓለም ግንባታ ዘርፍ ኃላፊ ጓድ መለሰ ዓለሙ ግንቦት ሀያ በሀገራችን ለተመዘገበው ፖለቲካዊ፣ ኢኮኖሚያዊና ማህበራዊ ለውጦች ፈር ቀዳጅ መሆኑን አስገንዝበዋል፡፡

ተጨማሪ ያንብቡ…

የኢህአዴግ ስራ አስፈጻሚ ኮሚቴ በብሄራዊ ደህንነት ጉዳዮች ላይ በመወያየት ቀጣይ አቅጣጫዎችን አስቀመጠ

የኢህአዴግ ስራ አስፈጻሚ ኮሚቴ ዛሬ ግንቦት 8 ቀን 2011 ዓም ባካሄደው ስብሰባ ባለፈው አንድ ዓመት የለውጥ ጉዞ ውስጥ የተከናወኑ የብሔራዊ ደህነንት ስኬታማ ስራዎችን እንዲሁም እያጋጠሙ ያሉትን ተግዳሮቶች የገመገመ ሲሆን የመፍትሄ አቅጣጫዎችንም አስቀምጧል፡፡ ኮሚቴው የሀገራችንን ብሔራዊ ደህንነት ለማረጋገጥ የተከናወኑ ስራዎችን በጥልቀት የተመለከተ ሲሆን ለአብነትም በውጭ ሀገራት የነበሩ የታጠቁ ሃይሎች ትጥቃቸውን ፈትተው ወደ ሃገር ውስጥ እንዲገቡ መደረጉ እንዲሁም ከኤርትራ ጋር የነበረው ሰላምም ጦርነትም ያልሆነ ግንኙነት መስተካከሉ ከለውጡ በኋላ የተገኙ ስኬቶች መሆናቸውን ግምግሟል፡፡

ተጨማሪ ያንብቡ…

የኢህአዴግ ሥራ አስፈጻሚ ኮሚቴ ስብሰባውን ማካሄድ ጀምሯል

የኢትዮጵያ ህዝቦች አብዮታዊ ዴሞክራሲያዊ ግንባር(ኢህአዴግ) ዛሬ ግንቦት 8ቀን 2011 ዓም ስብሰባውን ማካሄድ የጀመረ ሲሆን በብሄራዊ ደህንነትና ሌሎች ወቅታዊ እየተወያየ መሆን የኢህአዴግ ም/ቤት ጽ/ቤት አስታውቋል፡፡ ስራ አስፈፃሚ ኮሚቴው በቅርቡ ባካሄደው ስብሰባ በአጭር ጊዜዎች ውስጥ በተከታታይ እየተገናኘ ስራዎችን በጋራ እንዲገመግምና አቅጣጫዎችን እንዲያስቀምጥ መግባባት ላይ እንደደረሰ መግለጻችን ይታወሳል፡፡

ተጨማሪ ያንብቡ…

መጣጥፎች መጣጥፎች

የዕውቀት ተቋማት የግጭት ማዕከል ለማድረግ መንቀሳቀስ ከወንጀል የባሰ ወንጀል

ትምህርት የአንዲት ሀገር ቁልፍ የዕድገት መሳርያ ነው፡፡ ያለ ትምህርት ዕድገት የበለጸገ ሃገር የለም፡፡ አሁን ዓለማችን የደረሰችበት የዕድገትና የስልጣኔ ደረጃ ያለ ትምህርት ከቶም አይታሰብም፡፡ የትምህርት አሻራ በስነ ህንጻ፣ በጤና፣ በምርምር፣ በከተማ ልማት በጠቃላይ በሁለንናዊ የህይወት መስክ በጉልህ ይታይል፡፡ ለዚህም ነው ሃገሮች ለትምህርት ልዩ ትኩረት ሰጥተውና ከፍተኛ በጀት መድበው የሚንቀሳቀሱት፡፡ በሀገራችን ዘመናዊ ትምህርት ከተጀመረ ረጅም ዘመናትን ተሻግሯል፡፡ ዕደገቱ ግን አዝጋሚ ሆኖ ቆይቷል፡፡ ከቅርብ ዓመታት ወዲህ መስኩ ፈጣን ለውጥ አስመዝግቧል፡፡ በአራቱም አቅጣጫዎች ትምህት ቤቶች በብዛት ተገንብተዋል፡፡ የከፍተኛ ተቋማት ተማሪዎች ቁጥር ከፍተኛ ዕድገት በማሳየት ይገኛል፡፡

ሀገራዊ እሴቶቻችንን ለሀገራዊ ለውጥ እንጠቀምባቸው!

አገር በእናት ትመሰላለች፡፡ እናት አገሬ! እምዬ ኢትዮጵያ! እና መሰል ንግግሮችን ብዙዎቻችን ለአገራችን ያለን ዋጋ ከፍ ያለ መሆኑን ለመግለጽ እንጠቀምበታለን፡፡ በእርግጥም አገር እንደ እናት ናት፡፡ አንዱን ትልቅ ሌላውን ትንሽ አድርጋ አታይም፡፡ አገር እንደ እናት ናት በልጆቿ መሃል አድሎ አትፈፅምም፡፡ አገር እንደ እናት ናት ጓዳዋ ለሁሉም እኩል ነው፡፡ አገር እንደ እናት ናት ፍቅሯ በፆታ፣ በእድሜ አይገደብም፡፡ የእናት ሆድ ዥንጉርጉር ነው እንዲሉ በመልክም በባህሪም የሚለያዩ ልጇቿን እንደየባህሪያቸው አቻችላ ለታረዘው ልብስ፣ ለራበው ምግቡን፤ ለጠማው ደግሞ ውሃ በእናትነት በረከቷ ስለምትለግስ በእርግጥም አገር እንደ እናት ናት፡፡

የፍትህ ተቋማት ለሀገራዊ ዕድገት

እንደ ሀገር ባለፈው አንድ ዓመት በተካሄደው ሀገራዊ ለውጥ የመዋቅር ሂደቱን እንደገና በመፈተሸ ለህዝብ በሚመች መልኩ ከተደራጁ የመንግስት ተቋማት መካከል አንዱ የፍትህ ተቋም ነው፡፡ ህዝቡ በፍትህ ተቋማት ላይ አመኔታ በእጅጉ ይጨምር ዘንድ አሰራራቸውን በማዘመን ፈጣን ቀልጣፋና ሀላፊነት በተሞላበት መንገድ ሊሰሩ ይገባል፡፡ የልማት ስራዎችን ማረጋገጥ ለፍትህና መልካም አስተዳደር መረጋገጥ የበኩሉን አዎንታዊ ሚና እንዳለው ሁሉ ፍትህንና መልካም አስተዳደርን እያረጋገጡ መሄድም ለልማቱ መፋጠን ቀላል የማይባል አዎንታዊ ድርሻ ይኖረዋል። የፖለቲካ ምህዳሩ በሰፋበት ፣ ኢኮኖሚያዊ ዕድገት ለማምጣት የተለያዩ እርምጃዎችን በመስወድ የመንግስት ቁርጠኝነት በታየበት፣ የማህበራዊና አካባቢያዊ እንቅስቃሴ ምሰሶ በሆነችው ኢትዮጵያ ከቅርብ ጊዜ ወዲህ እየተመዘገበ ያለው የኢኮኖሚ እድገት የሚያበረታታ ነው።

እንደገና ወደ ኋላ ለማን በጀ?

በአማራ ክልል ሰሜን ሸዋ ዞን አንዳንድ ወረዳዎች ላይ የተፈጠረው ግጭትና አለመረጋጋት የክልሉን ልማት ወደ ኋላ ለመመለስ ብቻ ሳይሆን ለዘመናት በመተሳሰብና በመቻቻል አብሮ ከኖረው ከወንድሙ የኦሮሞ ህዝብ ጋር ያለውን ግንኙነት ለማሻከርና እርስ በእርስ የጥርጣሬ መንፈስ እንዲፈጠር በማድረግ የመተባበርና የመደጋገፍ አቅሙን ለማዳከም ታልሞ የተሰራ ሴራ ነው፡፡ በአራቱም የሀገሪቱ ማዕዘናት የተጀማመሩና የኢኮኖሚ ምህዋሩን አንድ ደረጃ ማሳደግ የሚያስችሉ ልማቶችን ከመደገፍና ደጀን ከመሆን ይልቅ ኢ-ምክንያታዊ በሆኑ ነገሮች ሰበቦችን በመፍጠር ብሔርን መሰረት አድርገው ሁከትና አለመረጋጋት እንዲፈጠር በማድረግ አንዳንድ አፍራሽ ኃይሎች መንግስትን የማዳከም ስራ ላይ ተጠመደዋል፡፡ የሰው ህይወት እንዲጠፋ፣ የህዝብና መንግስት ንብረቶችን ማውደም፣ እንዲሁም ይህንኑ ግርግር መነሻ በማድረግ በዝርፊያና ስርቆት ወንጀሎች ላይ በመሰማራት በህገ ወጥ መንገድ የግል ሀብታቸውን ለማፍራት የሚኳትኑ ጥቂት እፉኝቶች የሌት ተቀን ስራቸው አድርገውታል፡፡

ለሚወረወርልን እሳት ጭድ እየመገብነው ነው ወይስ ውሃ እየቸለስንበት?

በዚህ ይህ የኔ አካባቢ ነው፣ አንተ መጤ ነህ፣ ውጣልኝ/ውጭልኝ እስከ መባባል ተደርሶ፤ የሰው ህይወት እየጠፋና በርካቶች ለዘመናት ከኖሩበት የትውልድ ቀዬአቸው እየተፈናቀሉ ነው፡፡ ይህ ግጭት እውነትም በህዝቦች መካከል እየተፈጠረ ያለ ግጭት ነው ወይ? ሲባል ሁሉም አፉን ሞልቶ በጭራሽ፤ እንዴት ተደርጎ፤ በተድላ ጊዜ በደቦ አመርተን ለአገር የምንተርፍ፣ በችግራችን ጊዜ ደግሞ አንድ ቂጣ ተካፍለን በልተን አድረን ክፉ ደጉን አብረን ያሳለፍን፤ አንድ እናት ገቢያ ስትሄድ የአንዷን እናት ጡት ለሁለት ጠብተን ያደግን ሰዎች ምን ቆርጦን ጦር እንማዘዛለን? እንላለን፡፡ ከግጭት መልስ በየአካባቢው የሚደረዱ ህዝባዊ ውይይቶች ላይም አዘውትረን የምንሰማው ይህንኑ ነው፡፡ ደግሞም ሀቅ ነው፡፡ ታዲያ ምንድነው የሚያጋጨን? ሲባል መልሱ ግልጽ ነው፡፡ ያንን አብሮነታችንን አፍርሶ እርስ በእርስ አባልቶ ሊያጣፋን የሚሻ የጋራ ጠላታችን ወይም በግጭት ውስጥ ጥቅም የሚፈልግ ቁንጽል ፖለቲከኛ ወይም ብሄሩን መደበቂያ አድርጎ ከተጠያቂነት ለመሸሽ ላይ ታች የሚል ሌባ/ሙሰኛ ነው፡፡ ሲጠቃለል ግን የኛም ሆነ ከውጭ የመጣ ወገንን ደም በማቃባት ትርፍ የሚፈለግ ወይም የሚደሰት ያው ጠላታችን ነው፡፡

ራዕይ ራዕይ

ተልዕኮ ተልዕኮ

እሴቶች እሴቶች

© 2019 (ኢህአዴግ) የኢትዮጵያ ህዝቦች አብዮታዊ ዴሞክራሲያዊ ግንባር.