Skip to Content
   አማርኛ    እንግሊዘኛ    ያግኙን    ሴትች ሊግ    ወጣት ሊግ

ኢህአዴግ

ኢህአዴግ አገር የመምራት ሃላፊነትን ከተረከበ ጊዜ ጀምሮ ከውስጥም ከውጭም የሚነሱ በርካታ ውጣ ውረዶችን ያስተናገደ ድርጅት መሆኑ ይታወቃል፡፡ ከአገራችን ነባራዊ ሁኔታ ጋር የሚጣጣምና የህዝባችንን ሁለንተናዊ መለወጥ ታሳቢ ያደረገ የፖለቲካና ኢኮኖሚ ስርዓት በማራመድ በውጭ ሃይል ተፅእኖ የሚጠመዘዝ ድርጅት አለመሆኑን ገና በጠዋቱ በተግባር ያሳየ ድርጅት ነው፡፡

ከደርግ ውድቀት ማግስት አገራችን የመበታተን ስጋት ውስጥ የነበረችበት ሁኔታ ቢኖርም መላ የሃገሪቱን ህዝቦች በማስተባበርና በብስለት በመምራት ዴሞክራሲያዊ አንድነቷ በፅኑ መሰረት ላይ እየተገነባ እንዲዘልቅ አስችሏል። ህገ መንግስታችን የአንድነታችንና የመከባበራችን ማሰሪያ ውል እንዲሆን በሚያስችል መልኩ በህዝብ ሙሉ ተሳትፎ ተቀርፆ በመፅደቁ ያንን የመበታተን ስጋት ተሻግረን በጋራ ለዘላቂ ለውጥ መረባረብ ጀምረናል።

እባክዎን ማንኛውም አስተያየት ካልዎት ክልክ በማድረግ ይፃፉ!

ስለአስተያየትዎ እናመሰግናለን!!!

ዜና ዜና

10ኛው የሰንደቅ ዓላማ በዓል በድምቀት ተከበረ

10ኛው የሰንደቅ አላማ ቀን “ራዕይ ሰንቀናል፤ለላቀ ድል ተነስተናል” በሚል መሪ ቃል በድምቀት ተከብሯል፡፡ በአዲስ አበባ ስታዲዬም በተከበረው በዓል ላይ በክብር እንግድነት ተገኝተው ንግግር ያደረጉት የኢፌድሪ ፕሬዝዳንት ዶ/ር ሙላቱ ተሾመ ሰንደቅ አላማ የኢትዮጵያ ብሄር ብሄረሰቦችና ህዝቦች ዘመን ተሻጋሪ ትግል ያስገኘው ውጤት መሆኑን ተናግረዋል፡፡ ሰንደቅ አላማ በመፈቃቀድ ላይ ለተመሰረተው ዴሞክራሲያዊ አንድነት የቃል ኪዳን አርማ መሆኑን ጠቅሰዋል። ላለፉት 10 ዓመታት ተግባራዊ በተደረጉ የተለጠጡ የልማት ዕቅዶች ለመተግበር ርብርብ ሲደረግ መቆየቱን ገልጸዋል፡፡ በዚህም ኢትዮጵያ በአለማቀፍ መድረኮች ላይም ያ ላትሚና እያደገ መምጣቱን ፕሬዝዳንቱ አመልክተዋል፡፡

ተጨማሪ ያንብቡ…

የኢህአዴግ ሴቶች ሊግ ሥራ አስፈጻሚ የጥልቅ ተሃድሶ አተገባበርን ገመገመ

በመድረኩ ላይ የኢህአዴግ ሴቶች ሊግ ሊቀመንበር ጓዲት ሙፈርህያት ካሚል እንደገለጹት የኪራይ ሰብሳቢነት መገለጫ የሆኑትን የጠባብነት፣ትምክህት፣ሙስና፣የሃይማኖት አክራርነት የመሳሳሉትን ችግሮች ለሴቶች ተጠቃሚነት ተግዳሮች መሆናቸው በማመን ትግል ለማድረግ የሚያስችል እንቅስቃሴ መደረጉንም ተናግረዋል፡፡ እነዚህ ችግሮች በጥቂት አመታት የተፈጠሩ ሳይሆኑ ለዘመናት ሲንከባለሉ የመጡ መሆናቸውን ገልጸዋል፡፡

ተጨማሪ ያንብቡ…

ሀገር አቀፍ የፖለቲካ ፓርቲዎች በምርጫ ህግ ላይ ውይይት ማድረጋቸውን ቀጥለዋል

ሀገር አቀፍ የፖቲካ ፓርቲዎች ባለፈው ሳምምንት የጀመሩት የምርጫ ስርአቱ ምን አይነት መልክ ሊኖረው ይገባል በሚል አጀንዳ እያደረጉት ያለውን ውይይት ዛሬም ቀጥሎ ተካሂደዋል፡፡ ከድርድሩ በኃላ ለመገናኛ ብዙኃን መግለጫ የሰጡት የፖለቲካ ፓርቲዎች ደርድር የሚድያ ኮሚቴ አባላት እንደገለጹት የድርድር ሂደቱ ጥሩ በሚባል መንፈስ በመደማመጥ እየተካሄደ መሆኑን አስገንዝበዋል፡፡

ተጨማሪ ያንብቡ…

ኢትዮጵያ ድርቅን በመቋቋም ረገድ ውጤታማ ተግባራትን ማከናወኗን አይ ኤም ኤፍ አስታወቀ

ኢትዮጵያ ድርቅን ለመቋቋም ያደረገችው እንቅስቃሴ ውጤታማ እንደሆነ ዓለም አቀፋ የገንዘብ ተቋም (አይ ኤም ኤፍ) ትናንት ባወጠው መረጃ አመልክቷል፡፡ አይ ኤም ኤፍ የኢትዮጵያን ኢኮኖሚ አፈፃፀም እና ቀጣይ ሁኔታዎች የገመገመበትን ጥናት የመጀመሪያ ደረጃ ሪፖርት ይፋ ባደረገበት ሪፖርቱ መንግስት በአገሪቱ ተከስቶ ለነበረው ድርቅ ከተለያዩ አካላት ጋር በመሆኑ ምላሽ ለመስጠት ያከናወናቸው ተግባራት በአደጋው በሰው ህይወት ላይ ጉዳት እንዳይደርስ ማድረጉንና ውጤታማ መሆኑን አስታውቋል።

ተጨማሪ ያንብቡ…

መጣጥፎች መጣጥፎች

የዕውቀት ተቋማት የግጭት ማዕከል ለማድረግ መንቀሳቀስ ከወንጀል የባሰ ወንጀል

ትምህርት የአንዲት ሀገር ቁልፍ የዕድገት መሳርያ ነው፡፡ ያለ ትምህርት ዕድገት የበለጸገ ሃገር የለም፡፡ አሁን ዓለማችን የደረሰችበት የዕድገትና የስልጣኔ ደረጃ ያለ ትምህርት ከቶም አይታሰብም፡፡ የትምህርት አሻራ በስነ ህንጻ፣ በጤና፣ በምርምር፣ በከተማ ልማት በጠቃላይ በሁለንናዊ የህይወት መስክ በጉልህ ይታይል፡፡ ለዚህም ነው ሃገሮች ለትምህርት ልዩ ትኩረት ሰጥተውና ከፍተኛ በጀት መድበው የሚንቀሳቀሱት፡፡ በሀገራችን ዘመናዊ ትምህርት ከተጀመረ ረጅም ዘመናትን ተሻግሯል፡፡ ዕደገቱ ግን አዝጋሚ ሆኖ ቆይቷል፡፡ ከቅርብ ዓመታት ወዲህ መስኩ ፈጣን ለውጥ አስመዝግቧል፡፡ በአራቱም አቅጣጫዎች ትምህት ቤቶች በብዛት ተገንብተዋል፡፡ የከፍተኛ ተቋማት ተማሪዎች ቁጥር ከፍተኛ ዕድገት በማሳየት ይገኛል፡፡

ሀገራዊ እሴቶቻችንን ለሀገራዊ ለውጥ እንጠቀምባቸው!

አገር በእናት ትመሰላለች፡፡ እናት አገሬ! እምዬ ኢትዮጵያ! እና መሰል ንግግሮችን ብዙዎቻችን ለአገራችን ያለን ዋጋ ከፍ ያለ መሆኑን ለመግለጽ እንጠቀምበታለን፡፡ በእርግጥም አገር እንደ እናት ናት፡፡ አንዱን ትልቅ ሌላውን ትንሽ አድርጋ አታይም፡፡ አገር እንደ እናት ናት በልጆቿ መሃል አድሎ አትፈፅምም፡፡ አገር እንደ እናት ናት ጓዳዋ ለሁሉም እኩል ነው፡፡ አገር እንደ እናት ናት ፍቅሯ በፆታ፣ በእድሜ አይገደብም፡፡ የእናት ሆድ ዥንጉርጉር ነው እንዲሉ በመልክም በባህሪም የሚለያዩ ልጇቿን እንደየባህሪያቸው አቻችላ ለታረዘው ልብስ፣ ለራበው ምግቡን፤ ለጠማው ደግሞ ውሃ በእናትነት በረከቷ ስለምትለግስ በእርግጥም አገር እንደ እናት ናት፡፡

የፍትህ ተቋማት ለሀገራዊ ዕድገት

እንደ ሀገር ባለፈው አንድ ዓመት በተካሄደው ሀገራዊ ለውጥ የመዋቅር ሂደቱን እንደገና በመፈተሸ ለህዝብ በሚመች መልኩ ከተደራጁ የመንግስት ተቋማት መካከል አንዱ የፍትህ ተቋም ነው፡፡ ህዝቡ በፍትህ ተቋማት ላይ አመኔታ በእጅጉ ይጨምር ዘንድ አሰራራቸውን በማዘመን ፈጣን ቀልጣፋና ሀላፊነት በተሞላበት መንገድ ሊሰሩ ይገባል፡፡ የልማት ስራዎችን ማረጋገጥ ለፍትህና መልካም አስተዳደር መረጋገጥ የበኩሉን አዎንታዊ ሚና እንዳለው ሁሉ ፍትህንና መልካም አስተዳደርን እያረጋገጡ መሄድም ለልማቱ መፋጠን ቀላል የማይባል አዎንታዊ ድርሻ ይኖረዋል። የፖለቲካ ምህዳሩ በሰፋበት ፣ ኢኮኖሚያዊ ዕድገት ለማምጣት የተለያዩ እርምጃዎችን በመስወድ የመንግስት ቁርጠኝነት በታየበት፣ የማህበራዊና አካባቢያዊ እንቅስቃሴ ምሰሶ በሆነችው ኢትዮጵያ ከቅርብ ጊዜ ወዲህ እየተመዘገበ ያለው የኢኮኖሚ እድገት የሚያበረታታ ነው።

እንደገና ወደ ኋላ ለማን በጀ?

በአማራ ክልል ሰሜን ሸዋ ዞን አንዳንድ ወረዳዎች ላይ የተፈጠረው ግጭትና አለመረጋጋት የክልሉን ልማት ወደ ኋላ ለመመለስ ብቻ ሳይሆን ለዘመናት በመተሳሰብና በመቻቻል አብሮ ከኖረው ከወንድሙ የኦሮሞ ህዝብ ጋር ያለውን ግንኙነት ለማሻከርና እርስ በእርስ የጥርጣሬ መንፈስ እንዲፈጠር በማድረግ የመተባበርና የመደጋገፍ አቅሙን ለማዳከም ታልሞ የተሰራ ሴራ ነው፡፡ በአራቱም የሀገሪቱ ማዕዘናት የተጀማመሩና የኢኮኖሚ ምህዋሩን አንድ ደረጃ ማሳደግ የሚያስችሉ ልማቶችን ከመደገፍና ደጀን ከመሆን ይልቅ ኢ-ምክንያታዊ በሆኑ ነገሮች ሰበቦችን በመፍጠር ብሔርን መሰረት አድርገው ሁከትና አለመረጋጋት እንዲፈጠር በማድረግ አንዳንድ አፍራሽ ኃይሎች መንግስትን የማዳከም ስራ ላይ ተጠመደዋል፡፡ የሰው ህይወት እንዲጠፋ፣ የህዝብና መንግስት ንብረቶችን ማውደም፣ እንዲሁም ይህንኑ ግርግር መነሻ በማድረግ በዝርፊያና ስርቆት ወንጀሎች ላይ በመሰማራት በህገ ወጥ መንገድ የግል ሀብታቸውን ለማፍራት የሚኳትኑ ጥቂት እፉኝቶች የሌት ተቀን ስራቸው አድርገውታል፡፡

ለሚወረወርልን እሳት ጭድ እየመገብነው ነው ወይስ ውሃ እየቸለስንበት?

በዚህ ይህ የኔ አካባቢ ነው፣ አንተ መጤ ነህ፣ ውጣልኝ/ውጭልኝ እስከ መባባል ተደርሶ፤ የሰው ህይወት እየጠፋና በርካቶች ለዘመናት ከኖሩበት የትውልድ ቀዬአቸው እየተፈናቀሉ ነው፡፡ ይህ ግጭት እውነትም በህዝቦች መካከል እየተፈጠረ ያለ ግጭት ነው ወይ? ሲባል ሁሉም አፉን ሞልቶ በጭራሽ፤ እንዴት ተደርጎ፤ በተድላ ጊዜ በደቦ አመርተን ለአገር የምንተርፍ፣ በችግራችን ጊዜ ደግሞ አንድ ቂጣ ተካፍለን በልተን አድረን ክፉ ደጉን አብረን ያሳለፍን፤ አንድ እናት ገቢያ ስትሄድ የአንዷን እናት ጡት ለሁለት ጠብተን ያደግን ሰዎች ምን ቆርጦን ጦር እንማዘዛለን? እንላለን፡፡ ከግጭት መልስ በየአካባቢው የሚደረዱ ህዝባዊ ውይይቶች ላይም አዘውትረን የምንሰማው ይህንኑ ነው፡፡ ደግሞም ሀቅ ነው፡፡ ታዲያ ምንድነው የሚያጋጨን? ሲባል መልሱ ግልጽ ነው፡፡ ያንን አብሮነታችንን አፍርሶ እርስ በእርስ አባልቶ ሊያጣፋን የሚሻ የጋራ ጠላታችን ወይም በግጭት ውስጥ ጥቅም የሚፈልግ ቁንጽል ፖለቲከኛ ወይም ብሄሩን መደበቂያ አድርጎ ከተጠያቂነት ለመሸሽ ላይ ታች የሚል ሌባ/ሙሰኛ ነው፡፡ ሲጠቃለል ግን የኛም ሆነ ከውጭ የመጣ ወገንን ደም በማቃባት ትርፍ የሚፈለግ ወይም የሚደሰት ያው ጠላታችን ነው፡፡

ራዕይ ራዕይ

ተልዕኮ ተልዕኮ

እሴቶች እሴቶች

© 2019 (ኢህአዴግ) የኢትዮጵያ ህዝቦች አብዮታዊ ዴሞክራሲያዊ ግንባር.