Skip to Content
   አማርኛ    እንግሊዘኛ    ያግኙን    ሴትች ሊግ    ወጣት ሊግ

ኢህአዴግ

ኢህአዴግ አገር የመምራት ሃላፊነትን ከተረከበ ጊዜ ጀምሮ ከውስጥም ከውጭም የሚነሱ በርካታ ውጣ ውረዶችን ያስተናገደ ድርጅት መሆኑ ይታወቃል፡፡ ከአገራችን ነባራዊ ሁኔታ ጋር የሚጣጣምና የህዝባችንን ሁለንተናዊ መለወጥ ታሳቢ ያደረገ የፖለቲካና ኢኮኖሚ ስርዓት በማራመድ በውጭ ሃይል ተፅእኖ የሚጠመዘዝ ድርጅት አለመሆኑን ገና በጠዋቱ በተግባር ያሳየ ድርጅት ነው፡፡

ከደርግ ውድቀት ማግስት አገራችን የመበታተን ስጋት ውስጥ የነበረችበት ሁኔታ ቢኖርም መላ የሃገሪቱን ህዝቦች በማስተባበርና በብስለት በመምራት ዴሞክራሲያዊ አንድነቷ በፅኑ መሰረት ላይ እየተገነባ እንዲዘልቅ አስችሏል። ህገ መንግስታችን የአንድነታችንና የመከባበራችን ማሰሪያ ውል እንዲሆን በሚያስችል መልኩ በህዝብ ሙሉ ተሳትፎ ተቀርፆ በመፅደቁ ያንን የመበታተን ስጋት ተሻግረን በጋራ ለዘላቂ ለውጥ መረባረብ ጀምረናል።

እባክዎን ማንኛውም አስተያየት ካልዎት ክልክ በማድረግ ይፃፉ!

ስለአስተያየትዎ እናመሰግናለን!!!

ዜና ዜና

“በግንቦት ሃያ ድል ሰላሟ፣ አንድነቷና ክብሯ የተጠበቀ አገር ፈጥረናል” አቶ አባይ ጸሓዬ

ኢህአዴግ አገር ማስተዳደር ሲጀምር ኢኮኖሚው በከፍተኛ ድቀት ላይ እንደነበር አስታውሰው በመጀመርያ አስር አመታት የ5 ነጥብ 5፣ ባለፉት 12 ዓመታት ደግሞ ከ10 በመቶ በላይ የኢኮኖሚ ዕድገት በማስመዝገብ በአማካይ የ8 በመቶ ኢኮኖሚያዊ ዕድገት ማስመዝገብ መቻሉን ነው የተናገሩት፡፡ እንደ አቶ አባይ ገለጻ ኢትዮጵያ ሰላሟ፣ አንድነቷና ክብሯ የተጠበቀና በብዙ መስኮች ለሌሎች አርአያ መሆን የምትችል አገር ሆናለች፡፡

ተጨማሪ ያንብቡ…

የኢህአዴግ ወጣቶች ሊግ 3ኛውን መደበኛ ጉባኤውን ከነገ ጀምሮ ያካሄዳል

‹‹በወጣቶች የላቀ ተሳትፎና ተጠቃሚነት የህዳሴ ጉዛችንን እናፋጥናለን›› በሚል መሪ ቃል ለሶስት ቀናት የሚካሄደው ይህ ጉባኤ ነገ በጠቅላይ ሚንስትር ጽ/ቤት የመሰብሰብያ አዳራሽ በሚደረግ የመክፈቻ ስነ ስርዓት በይፋ ይጀመራል፡፡

ተጨማሪ ያንብቡ…

የኢህአዴግ ሴቶች ሊግ 3ኛ መደበኛ ጉባኤ የሊጉ አመራርና የኦዲትና ቁጥጥር ኮሚሽን አባላትን በመምረጥ ተጠናቀቀ

በጉባኤው ማጠናቀቂያ ላይ ተገኝተው ለጉበኤያተኛው መልዕክት ያስተላለፉት የጠቅላይ ሚንስትሩ የአደረጃጀት አማካሪ ሚንስትርና የኢህአዴግ ም/ቤት ጽ/ቤት ኃላፊ ጓድ ከበደ ጫኔ በደርግ ላይ በተካሄደው ትግል ኢህአዴግን ለድል ያበቃው ለሴቶች፤ ለአርሶ አደሮች፤ ለወጣቶችና ለሌሎች ማህበራዊ መሰረቶች ያለው ውግንና መሆኑን ጠቅሰው አደረጃጀቶች የማህበራዊ መሰረቶቹን ጥቅም ለማረጋገጥ ግንባር ቀደም ሆነው መንቀሳቀስ ይገባቸዋል ብለዋል፡፡

ተጨማሪ ያንብቡ…

የኢህአዴግ ሴቶች ሊግ 3ኛ መደበኛ ጉባኤ የባለፉት ዓመታት አፈጻጸምን በመገምገም ቀጣይ አቅጣጫዎችን አስቀመጠ

የሴቶች ተሳትፎና ተጠቃሚነት በየዘርፉ ለማሳደግ በቀጣይም በሊጉ የተጀመሩ የውስጠ ድርጅትና የፖለቲካ፤ የመልካም አስተዳደርና የዴሞክራሲ ተግባራት ተጠናክረው መቀጠል እንዳለባቸው ጉባኤው አቅጣጫ አስቀምጧል፡፡ በ2ኛው እድገትና ትራንስፎርሜሽን አፈጻጸም፤ በቁጠባ፤ ለታላቁ የኢትዮጵያ ህዳሴ ግድብ የሚደረገው ድጋፍ፤ የልማት ሰራዊት ግንባታና የስራ አጥነት ችግሮችን መፍታት ዋነኛ የትኩረት ጉዳዮች እንደሆኑ ጉባኤው አጽንኦት ሰጥቷል፡፡

ተጨማሪ ያንብቡ…

መጣጥፎች መጣጥፎች

የዕውቀት ተቋማት የግጭት ማዕከል ለማድረግ መንቀሳቀስ ከወንጀል የባሰ ወንጀል

ትምህርት የአንዲት ሀገር ቁልፍ የዕድገት መሳርያ ነው፡፡ ያለ ትምህርት ዕድገት የበለጸገ ሃገር የለም፡፡ አሁን ዓለማችን የደረሰችበት የዕድገትና የስልጣኔ ደረጃ ያለ ትምህርት ከቶም አይታሰብም፡፡ የትምህርት አሻራ በስነ ህንጻ፣ በጤና፣ በምርምር፣ በከተማ ልማት በጠቃላይ በሁለንናዊ የህይወት መስክ በጉልህ ይታይል፡፡ ለዚህም ነው ሃገሮች ለትምህርት ልዩ ትኩረት ሰጥተውና ከፍተኛ በጀት መድበው የሚንቀሳቀሱት፡፡ በሀገራችን ዘመናዊ ትምህርት ከተጀመረ ረጅም ዘመናትን ተሻግሯል፡፡ ዕደገቱ ግን አዝጋሚ ሆኖ ቆይቷል፡፡ ከቅርብ ዓመታት ወዲህ መስኩ ፈጣን ለውጥ አስመዝግቧል፡፡ በአራቱም አቅጣጫዎች ትምህት ቤቶች በብዛት ተገንብተዋል፡፡ የከፍተኛ ተቋማት ተማሪዎች ቁጥር ከፍተኛ ዕድገት በማሳየት ይገኛል፡፡

ሀገራዊ እሴቶቻችንን ለሀገራዊ ለውጥ እንጠቀምባቸው!

አገር በእናት ትመሰላለች፡፡ እናት አገሬ! እምዬ ኢትዮጵያ! እና መሰል ንግግሮችን ብዙዎቻችን ለአገራችን ያለን ዋጋ ከፍ ያለ መሆኑን ለመግለጽ እንጠቀምበታለን፡፡ በእርግጥም አገር እንደ እናት ናት፡፡ አንዱን ትልቅ ሌላውን ትንሽ አድርጋ አታይም፡፡ አገር እንደ እናት ናት በልጆቿ መሃል አድሎ አትፈፅምም፡፡ አገር እንደ እናት ናት ጓዳዋ ለሁሉም እኩል ነው፡፡ አገር እንደ እናት ናት ፍቅሯ በፆታ፣ በእድሜ አይገደብም፡፡ የእናት ሆድ ዥንጉርጉር ነው እንዲሉ በመልክም በባህሪም የሚለያዩ ልጇቿን እንደየባህሪያቸው አቻችላ ለታረዘው ልብስ፣ ለራበው ምግቡን፤ ለጠማው ደግሞ ውሃ በእናትነት በረከቷ ስለምትለግስ በእርግጥም አገር እንደ እናት ናት፡፡

የፍትህ ተቋማት ለሀገራዊ ዕድገት

እንደ ሀገር ባለፈው አንድ ዓመት በተካሄደው ሀገራዊ ለውጥ የመዋቅር ሂደቱን እንደገና በመፈተሸ ለህዝብ በሚመች መልኩ ከተደራጁ የመንግስት ተቋማት መካከል አንዱ የፍትህ ተቋም ነው፡፡ ህዝቡ በፍትህ ተቋማት ላይ አመኔታ በእጅጉ ይጨምር ዘንድ አሰራራቸውን በማዘመን ፈጣን ቀልጣፋና ሀላፊነት በተሞላበት መንገድ ሊሰሩ ይገባል፡፡ የልማት ስራዎችን ማረጋገጥ ለፍትህና መልካም አስተዳደር መረጋገጥ የበኩሉን አዎንታዊ ሚና እንዳለው ሁሉ ፍትህንና መልካም አስተዳደርን እያረጋገጡ መሄድም ለልማቱ መፋጠን ቀላል የማይባል አዎንታዊ ድርሻ ይኖረዋል። የፖለቲካ ምህዳሩ በሰፋበት ፣ ኢኮኖሚያዊ ዕድገት ለማምጣት የተለያዩ እርምጃዎችን በመስወድ የመንግስት ቁርጠኝነት በታየበት፣ የማህበራዊና አካባቢያዊ እንቅስቃሴ ምሰሶ በሆነችው ኢትዮጵያ ከቅርብ ጊዜ ወዲህ እየተመዘገበ ያለው የኢኮኖሚ እድገት የሚያበረታታ ነው።

እንደገና ወደ ኋላ ለማን በጀ?

በአማራ ክልል ሰሜን ሸዋ ዞን አንዳንድ ወረዳዎች ላይ የተፈጠረው ግጭትና አለመረጋጋት የክልሉን ልማት ወደ ኋላ ለመመለስ ብቻ ሳይሆን ለዘመናት በመተሳሰብና በመቻቻል አብሮ ከኖረው ከወንድሙ የኦሮሞ ህዝብ ጋር ያለውን ግንኙነት ለማሻከርና እርስ በእርስ የጥርጣሬ መንፈስ እንዲፈጠር በማድረግ የመተባበርና የመደጋገፍ አቅሙን ለማዳከም ታልሞ የተሰራ ሴራ ነው፡፡ በአራቱም የሀገሪቱ ማዕዘናት የተጀማመሩና የኢኮኖሚ ምህዋሩን አንድ ደረጃ ማሳደግ የሚያስችሉ ልማቶችን ከመደገፍና ደጀን ከመሆን ይልቅ ኢ-ምክንያታዊ በሆኑ ነገሮች ሰበቦችን በመፍጠር ብሔርን መሰረት አድርገው ሁከትና አለመረጋጋት እንዲፈጠር በማድረግ አንዳንድ አፍራሽ ኃይሎች መንግስትን የማዳከም ስራ ላይ ተጠመደዋል፡፡ የሰው ህይወት እንዲጠፋ፣ የህዝብና መንግስት ንብረቶችን ማውደም፣ እንዲሁም ይህንኑ ግርግር መነሻ በማድረግ በዝርፊያና ስርቆት ወንጀሎች ላይ በመሰማራት በህገ ወጥ መንገድ የግል ሀብታቸውን ለማፍራት የሚኳትኑ ጥቂት እፉኝቶች የሌት ተቀን ስራቸው አድርገውታል፡፡

ለሚወረወርልን እሳት ጭድ እየመገብነው ነው ወይስ ውሃ እየቸለስንበት?

በዚህ ይህ የኔ አካባቢ ነው፣ አንተ መጤ ነህ፣ ውጣልኝ/ውጭልኝ እስከ መባባል ተደርሶ፤ የሰው ህይወት እየጠፋና በርካቶች ለዘመናት ከኖሩበት የትውልድ ቀዬአቸው እየተፈናቀሉ ነው፡፡ ይህ ግጭት እውነትም በህዝቦች መካከል እየተፈጠረ ያለ ግጭት ነው ወይ? ሲባል ሁሉም አፉን ሞልቶ በጭራሽ፤ እንዴት ተደርጎ፤ በተድላ ጊዜ በደቦ አመርተን ለአገር የምንተርፍ፣ በችግራችን ጊዜ ደግሞ አንድ ቂጣ ተካፍለን በልተን አድረን ክፉ ደጉን አብረን ያሳለፍን፤ አንድ እናት ገቢያ ስትሄድ የአንዷን እናት ጡት ለሁለት ጠብተን ያደግን ሰዎች ምን ቆርጦን ጦር እንማዘዛለን? እንላለን፡፡ ከግጭት መልስ በየአካባቢው የሚደረዱ ህዝባዊ ውይይቶች ላይም አዘውትረን የምንሰማው ይህንኑ ነው፡፡ ደግሞም ሀቅ ነው፡፡ ታዲያ ምንድነው የሚያጋጨን? ሲባል መልሱ ግልጽ ነው፡፡ ያንን አብሮነታችንን አፍርሶ እርስ በእርስ አባልቶ ሊያጣፋን የሚሻ የጋራ ጠላታችን ወይም በግጭት ውስጥ ጥቅም የሚፈልግ ቁንጽል ፖለቲከኛ ወይም ብሄሩን መደበቂያ አድርጎ ከተጠያቂነት ለመሸሽ ላይ ታች የሚል ሌባ/ሙሰኛ ነው፡፡ ሲጠቃለል ግን የኛም ሆነ ከውጭ የመጣ ወገንን ደም በማቃባት ትርፍ የሚፈለግ ወይም የሚደሰት ያው ጠላታችን ነው፡፡

ራዕይ ራዕይ

ተልዕኮ ተልዕኮ

እሴቶች እሴቶች

© 2019 (ኢህአዴግ) የኢትዮጵያ ህዝቦች አብዮታዊ ዴሞክራሲያዊ ግንባር.