Skip to Content
   አማርኛ    እንግሊዘኛ    ያግኙን    ሴትች ሊግ    ወጣት ሊግ

ኢህአዴግ

ኢህአዴግ አገር የመምራት ሃላፊነትን ከተረከበ ጊዜ ጀምሮ ከውስጥም ከውጭም የሚነሱ በርካታ ውጣ ውረዶችን ያስተናገደ ድርጅት መሆኑ ይታወቃል፡፡ ከአገራችን ነባራዊ ሁኔታ ጋር የሚጣጣምና የህዝባችንን ሁለንተናዊ መለወጥ ታሳቢ ያደረገ የፖለቲካና ኢኮኖሚ ስርዓት በማራመድ በውጭ ሃይል ተፅእኖ የሚጠመዘዝ ድርጅት አለመሆኑን ገና በጠዋቱ በተግባር ያሳየ ድርጅት ነው፡፡

ከደርግ ውድቀት ማግስት አገራችን የመበታተን ስጋት ውስጥ የነበረችበት ሁኔታ ቢኖርም መላ የሃገሪቱን ህዝቦች በማስተባበርና በብስለት በመምራት ዴሞክራሲያዊ አንድነቷ በፅኑ መሰረት ላይ እየተገነባ እንዲዘልቅ አስችሏል። ህገ መንግስታችን የአንድነታችንና የመከባበራችን ማሰሪያ ውል እንዲሆን በሚያስችል መልኩ በህዝብ ሙሉ ተሳትፎ ተቀርፆ በመፅደቁ ያንን የመበታተን ስጋት ተሻግረን በጋራ ለዘላቂ ለውጥ መረባረብ ጀምረናል።

እባክዎን ማንኛውም አስተያየት ካልዎት ክልክ በማድረግ ይፃፉ!

ስለአስተያየትዎ እናመሰግናለን!!!

ዜና ዜና

የህዳሴ ጉዟችንን ለማፋጠን የሊጉ አባላት ሚና ከፍተኛ መሆኑ ተገለጸ

በግንቦት 20 የተበሰረውን ድል ተከትሎ በኢህአዴግ የሚመራው የኢፌዴሪ መንግስት የሴቶችን ተጠቃሚነትና ተሳትፎ ለማረጋገጥ መጠነ ሰፊ የህግና የፖሊሲ ማዕቀፎች ተዘጋጅተው መተግበራቸውን ጓድ ኃይለማርያም ደሳለኝ ጠቅሰው የኢህአዴግ ሴቶች ሊግ መመስረት ሴቶች በተደራጃ አኳኋን እንዲንቀሳቀሱና አቅማቸውን እንዲገነቡ አስችሏቸዋል ብለዋል፡፡ ሴቶች የህዳሴ ጉዟችንን ለማፋጠን ጉልህ ሚና እንዳላቸው የጠቆሙት ጓድ ኃይለማርያም ኪራይሰብሳቢነትና ብልሹ አሰራርን ለመግታት የተጀመረውን ትግል አጠናክረው እንዲቀጥሉ ለሊጉ አባላት ጥሪ አቅርበዋል፡፡

ተጨማሪ ያንብቡ…

ከትናንት ዛሬ ችግሮቻችንን የምንፈታበት አቅም አጎልብተንና በብዙ ድሎችና ስኬቶች ታጅበን ደምቀናል!

ብዙዎች ደርግን ታግሎ መጣል "ተራራን መግፋት ነው "ብለው ተስፋ በቆረጠቡት ወቅት ኢህአዴግ መላው ህዝብን አስተባብሮ በውድ የህዝብ ልጆች መስዋዕትነት የሰው በላው መንግስት ግብዓተ መሬት እንዲፈጸም አደረገ፡፡ ከድል በኋላ ደግሞ ኢህአዴግ አገርን ለማሳደግ በአዲስ የትግል ምዕራፍ አንጸባራቂ ድሎችን እየተጎናጸፈ ይገኛል፡፡ ኢህአዴግ ማለት ህዝባዊነት፣ አይበገሬነት፣ ጽናት፣መስዋዕትነት፣ ድልና ስኬት ነው፡፡

ተጨማሪ ያንብቡ…

የግንቦት ሃያ ድል የቁልቁለት ጉዞን በመግታት በሁሉም መስኮች አንጸባራቂ ስኬቶችን እንዲመዘገቡ ያስቻለ መሆኑን ተገለጸ

በግንቦት ሃያ ድል ማግስት በህዝቦች ተሳትፎ ዴሞክራሲያዊ የሆነ ህገ መንግስት ጸድቆ የህዝቦች የስልጣን ሉአላዊነት ያረገጋጠና ዴሞክራሲያዊ ምርጫዎችን ለማካሄድ የሚያስችል ስርዓት መዘርጋቱን ጠቅሰው እስከአሁን አምስት ዴሞክራሲዊ አከባቢያዊና አገራዊ ምርጫዎች መካሄዳቸውን አስታውሰዋል፡፡ እንደ አቶ በረከት ገለጻ ባለፉት 25 ዓመታት የተከናወኑ መልካም ስራዎች በዓለም አቀፍ ደረጃ የኢትዮጵያን ገጽታ በአንታዊ መልኩ እንዲታይ አስችሏል፡፡ ህዝቡ ለልማት በአንድነት እንዲነሳሳ ማድረግም ያስቻለ መሆኑንም ነው የተናገሩት፡፡ በግንቦት ሃያ ድል የተገኙ ድሎች እንዳይኮላሹና የተጀመረው የለውጥ ጉዞ እንዳይደናቀፍ የስርዓቱ አደጋዎች ተብለው የተለዩ ችግሮች በቁርጠኝነት መዋጋት እንደሚገባም አመልክተዋል፡፡

ተጨማሪ ያንብቡ…

የኢህአዴግ ሴቶችና ወጣቶች ሊግ 3ኛ መደበኛ ጉባኤያቸውን ያካሂዳሉ

“በተደራጀ የሴቶች ተሳትፎና ተጠቃሚነት የላቀ እድገትና ትራንስፎርሜሽን” በሚል መሪ ቃል የኢህአዴግ ሴቶች ሊግ 3ኛ ድርጅታዊ ጉባኤ ከግንቦት 11 እስከ 14 ቀን 2008 ዓ.ም በአዲስ አበባ የሚካሄድ ሲሆን በተመሳሳይ የኢህአዴግ ወጣቶች ሊግ መደበኛ ጉባኤውን “በወጣቶች የላቀ ተሳትፎና ተጠቃሚነት የህዳሴ ጉዞአችንን እናፋጥናለን” በሚል መሪ ቃል ከግንቦት 17 እስከ 19 ቀን 2008ዓ.ም ያካሂዳል፡፡

ተጨማሪ ያንብቡ…

መጣጥፎች መጣጥፎች

የዕውቀት ተቋማት የግጭት ማዕከል ለማድረግ መንቀሳቀስ ከወንጀል የባሰ ወንጀል

ትምህርት የአንዲት ሀገር ቁልፍ የዕድገት መሳርያ ነው፡፡ ያለ ትምህርት ዕድገት የበለጸገ ሃገር የለም፡፡ አሁን ዓለማችን የደረሰችበት የዕድገትና የስልጣኔ ደረጃ ያለ ትምህርት ከቶም አይታሰብም፡፡ የትምህርት አሻራ በስነ ህንጻ፣ በጤና፣ በምርምር፣ በከተማ ልማት በጠቃላይ በሁለንናዊ የህይወት መስክ በጉልህ ይታይል፡፡ ለዚህም ነው ሃገሮች ለትምህርት ልዩ ትኩረት ሰጥተውና ከፍተኛ በጀት መድበው የሚንቀሳቀሱት፡፡ በሀገራችን ዘመናዊ ትምህርት ከተጀመረ ረጅም ዘመናትን ተሻግሯል፡፡ ዕደገቱ ግን አዝጋሚ ሆኖ ቆይቷል፡፡ ከቅርብ ዓመታት ወዲህ መስኩ ፈጣን ለውጥ አስመዝግቧል፡፡ በአራቱም አቅጣጫዎች ትምህት ቤቶች በብዛት ተገንብተዋል፡፡ የከፍተኛ ተቋማት ተማሪዎች ቁጥር ከፍተኛ ዕድገት በማሳየት ይገኛል፡፡

ሀገራዊ እሴቶቻችንን ለሀገራዊ ለውጥ እንጠቀምባቸው!

አገር በእናት ትመሰላለች፡፡ እናት አገሬ! እምዬ ኢትዮጵያ! እና መሰል ንግግሮችን ብዙዎቻችን ለአገራችን ያለን ዋጋ ከፍ ያለ መሆኑን ለመግለጽ እንጠቀምበታለን፡፡ በእርግጥም አገር እንደ እናት ናት፡፡ አንዱን ትልቅ ሌላውን ትንሽ አድርጋ አታይም፡፡ አገር እንደ እናት ናት በልጆቿ መሃል አድሎ አትፈፅምም፡፡ አገር እንደ እናት ናት ጓዳዋ ለሁሉም እኩል ነው፡፡ አገር እንደ እናት ናት ፍቅሯ በፆታ፣ በእድሜ አይገደብም፡፡ የእናት ሆድ ዥንጉርጉር ነው እንዲሉ በመልክም በባህሪም የሚለያዩ ልጇቿን እንደየባህሪያቸው አቻችላ ለታረዘው ልብስ፣ ለራበው ምግቡን፤ ለጠማው ደግሞ ውሃ በእናትነት በረከቷ ስለምትለግስ በእርግጥም አገር እንደ እናት ናት፡፡

የፍትህ ተቋማት ለሀገራዊ ዕድገት

እንደ ሀገር ባለፈው አንድ ዓመት በተካሄደው ሀገራዊ ለውጥ የመዋቅር ሂደቱን እንደገና በመፈተሸ ለህዝብ በሚመች መልኩ ከተደራጁ የመንግስት ተቋማት መካከል አንዱ የፍትህ ተቋም ነው፡፡ ህዝቡ በፍትህ ተቋማት ላይ አመኔታ በእጅጉ ይጨምር ዘንድ አሰራራቸውን በማዘመን ፈጣን ቀልጣፋና ሀላፊነት በተሞላበት መንገድ ሊሰሩ ይገባል፡፡ የልማት ስራዎችን ማረጋገጥ ለፍትህና መልካም አስተዳደር መረጋገጥ የበኩሉን አዎንታዊ ሚና እንዳለው ሁሉ ፍትህንና መልካም አስተዳደርን እያረጋገጡ መሄድም ለልማቱ መፋጠን ቀላል የማይባል አዎንታዊ ድርሻ ይኖረዋል። የፖለቲካ ምህዳሩ በሰፋበት ፣ ኢኮኖሚያዊ ዕድገት ለማምጣት የተለያዩ እርምጃዎችን በመስወድ የመንግስት ቁርጠኝነት በታየበት፣ የማህበራዊና አካባቢያዊ እንቅስቃሴ ምሰሶ በሆነችው ኢትዮጵያ ከቅርብ ጊዜ ወዲህ እየተመዘገበ ያለው የኢኮኖሚ እድገት የሚያበረታታ ነው።

እንደገና ወደ ኋላ ለማን በጀ?

በአማራ ክልል ሰሜን ሸዋ ዞን አንዳንድ ወረዳዎች ላይ የተፈጠረው ግጭትና አለመረጋጋት የክልሉን ልማት ወደ ኋላ ለመመለስ ብቻ ሳይሆን ለዘመናት በመተሳሰብና በመቻቻል አብሮ ከኖረው ከወንድሙ የኦሮሞ ህዝብ ጋር ያለውን ግንኙነት ለማሻከርና እርስ በእርስ የጥርጣሬ መንፈስ እንዲፈጠር በማድረግ የመተባበርና የመደጋገፍ አቅሙን ለማዳከም ታልሞ የተሰራ ሴራ ነው፡፡ በአራቱም የሀገሪቱ ማዕዘናት የተጀማመሩና የኢኮኖሚ ምህዋሩን አንድ ደረጃ ማሳደግ የሚያስችሉ ልማቶችን ከመደገፍና ደጀን ከመሆን ይልቅ ኢ-ምክንያታዊ በሆኑ ነገሮች ሰበቦችን በመፍጠር ብሔርን መሰረት አድርገው ሁከትና አለመረጋጋት እንዲፈጠር በማድረግ አንዳንድ አፍራሽ ኃይሎች መንግስትን የማዳከም ስራ ላይ ተጠመደዋል፡፡ የሰው ህይወት እንዲጠፋ፣ የህዝብና መንግስት ንብረቶችን ማውደም፣ እንዲሁም ይህንኑ ግርግር መነሻ በማድረግ በዝርፊያና ስርቆት ወንጀሎች ላይ በመሰማራት በህገ ወጥ መንገድ የግል ሀብታቸውን ለማፍራት የሚኳትኑ ጥቂት እፉኝቶች የሌት ተቀን ስራቸው አድርገውታል፡፡

ለሚወረወርልን እሳት ጭድ እየመገብነው ነው ወይስ ውሃ እየቸለስንበት?

በዚህ ይህ የኔ አካባቢ ነው፣ አንተ መጤ ነህ፣ ውጣልኝ/ውጭልኝ እስከ መባባል ተደርሶ፤ የሰው ህይወት እየጠፋና በርካቶች ለዘመናት ከኖሩበት የትውልድ ቀዬአቸው እየተፈናቀሉ ነው፡፡ ይህ ግጭት እውነትም በህዝቦች መካከል እየተፈጠረ ያለ ግጭት ነው ወይ? ሲባል ሁሉም አፉን ሞልቶ በጭራሽ፤ እንዴት ተደርጎ፤ በተድላ ጊዜ በደቦ አመርተን ለአገር የምንተርፍ፣ በችግራችን ጊዜ ደግሞ አንድ ቂጣ ተካፍለን በልተን አድረን ክፉ ደጉን አብረን ያሳለፍን፤ አንድ እናት ገቢያ ስትሄድ የአንዷን እናት ጡት ለሁለት ጠብተን ያደግን ሰዎች ምን ቆርጦን ጦር እንማዘዛለን? እንላለን፡፡ ከግጭት መልስ በየአካባቢው የሚደረዱ ህዝባዊ ውይይቶች ላይም አዘውትረን የምንሰማው ይህንኑ ነው፡፡ ደግሞም ሀቅ ነው፡፡ ታዲያ ምንድነው የሚያጋጨን? ሲባል መልሱ ግልጽ ነው፡፡ ያንን አብሮነታችንን አፍርሶ እርስ በእርስ አባልቶ ሊያጣፋን የሚሻ የጋራ ጠላታችን ወይም በግጭት ውስጥ ጥቅም የሚፈልግ ቁንጽል ፖለቲከኛ ወይም ብሄሩን መደበቂያ አድርጎ ከተጠያቂነት ለመሸሽ ላይ ታች የሚል ሌባ/ሙሰኛ ነው፡፡ ሲጠቃለል ግን የኛም ሆነ ከውጭ የመጣ ወገንን ደም በማቃባት ትርፍ የሚፈለግ ወይም የሚደሰት ያው ጠላታችን ነው፡፡

ራዕይ ራዕይ

ተልዕኮ ተልዕኮ

እሴቶች እሴቶች

© 2019 (ኢህአዴግ) የኢትዮጵያ ህዝቦች አብዮታዊ ዴሞክራሲያዊ ግንባር.