Skip to Content
   አማርኛ    እንግሊዘኛ    ያግኙን    ሴትች ሊግ    ወጣት ሊግ

ኢህአዴግ

ኢህአዴግ አገር የመምራት ሃላፊነትን ከተረከበ ጊዜ ጀምሮ ከውስጥም ከውጭም የሚነሱ በርካታ ውጣ ውረዶችን ያስተናገደ ድርጅት መሆኑ ይታወቃል፡፡ ከአገራችን ነባራዊ ሁኔታ ጋር የሚጣጣምና የህዝባችንን ሁለንተናዊ መለወጥ ታሳቢ ያደረገ የፖለቲካና ኢኮኖሚ ስርዓት በማራመድ በውጭ ሃይል ተፅእኖ የሚጠመዘዝ ድርጅት አለመሆኑን ገና በጠዋቱ በተግባር ያሳየ ድርጅት ነው፡፡

ከደርግ ውድቀት ማግስት አገራችን የመበታተን ስጋት ውስጥ የነበረችበት ሁኔታ ቢኖርም መላ የሃገሪቱን ህዝቦች በማስተባበርና በብስለት በመምራት ዴሞክራሲያዊ አንድነቷ በፅኑ መሰረት ላይ እየተገነባ እንዲዘልቅ አስችሏል። ህገ መንግስታችን የአንድነታችንና የመከባበራችን ማሰሪያ ውል እንዲሆን በሚያስችል መልኩ በህዝብ ሙሉ ተሳትፎ ተቀርፆ በመፅደቁ ያንን የመበታተን ስጋት ተሻግረን በጋራ ለዘላቂ ለውጥ መረባረብ ጀምረናል።

እባክዎን ማንኛውም አስተያየት ካልዎት ክልክ በማድረግ ይፃፉ!

ስለአስተያየትዎ እናመሰግናለን!!!

ዜና ዜና

“የምንናገረው ዴሞክራሲ የምንኖርበት መሆን አለበት” ጠቅላይ ሚኒስትር ዶክተር አብይ

በሀገራችን ዴሞክራሲ ባህል በማሳደግና የዴሞክራሲ ግንባታን በማጠናከር ዘላቂ ዴሞክራሲያዊ ስርዓት መገንባት እንደሚገባ የኢፌዴሪ ጠቅላይ ሚኒስትር ዶክተር አብይ አህመድ ገለጹ፡፡ በፖለቲካ ድርጅቶች መካከል በሀገራዊ ጉዳዮች ዙርያ የሚደረጉ ውይይቶች አካሄድ የተመለከተ ውይይት በጠቅላይ ሚኒስትር ጽ/ቤት ተካሂዷል፡፡ ጠቅላይ ሚኒስትር ዶክተር አብይ አህመድ በፖለቲካ ፓርቲዎች መካከል የሚካሄደውን ውይይትና አጠቃላይ የሀገራችን የዴሞክራሲ ሁኔታ የሚመለከት ገለጻ አድርገዋል፡፡

ተጨማሪ ያንብቡ…

ወቅታዊ ሀገራዊ ጉዳይን በተመለከተ ከኢሕአዴግ ምክር ቤት ፅ/ቤት የተሰጠ መግለጫ

ድርጅታችን ኢሕአዴግ መላውን የኢትዮጵያ ሕዝቦች ትግል በማስተባበር ዘርፈ ብዙ ለውጦችን ማስመዝገብ የቻለ ድርጅት ነው። ይህ እንደተጠበቀ ሆኖ የሀገራችንን ሕዝቦችና የተለያዩ የህዝብ አደረጃጀቶችን ለቅሬታና ለምሬት የዳረጉ ጥፋቶች በአመራር ዘመኑ እንደተፈጸሙ አበክሮ ይገነዘባል። ለተከታታይ አመታት የጥልቅ ተሃድሶ መድረኮችን በማካሄድ የችግሮቹን ምንጭና መፍትሄዎች ለመለየት ሲሰራ የቆየውም ከዚሁ በመነሳት ነው።

ተጨማሪ ያንብቡ…

በሰብዓዊ መብት ጥሰት እና በሙስና የተጠረጠሩ 63 ግለሰቦች በቁጥጥር ስር መዋላቸው የፌደራል አቃቢ ህግ ገለጸ

27 በሙስና የተጠረጠሩ የብረታ ብረትና ኢንጂነሪንግ ኮርፖሬሽን ሰራተኞች እና በሰብዓዊ መብት ጥሰት የተጠረጠሩ 36 የብሄራዊ መረጃና ደህንነት አገልግሎት ሰራተኞች በቁጥጥር ስር መዋላቸው የፌደራል አቃቤ ህግ ገለጸ፡፡ የፌደራል አቃቤ ህግ ዳይሬክተር ጀነራል አቶ ብርሃኑ ጸጋዬ ዛሬ በሰጡት መግለጫ ላይ እንተናገሩት ከሰብአዊ መብት አያያዝ ጋር ተያይዚ የተያዙ ተጠርጣሪዎች በ48 ሰዓት ውስጥ ፍርድ ቤት መቅረብ ሲገባቸው በስውር እስር ቤቶች ውስጥ እንዲቆዩ ይደረግ እንደነበር ገልጸዋል፡፡

ተጨማሪ ያንብቡ…

የኤርትራው ፕሬዘዳንት ኢሳያስ አፈወርቂ እና የሶማሊው ፕሬዘዳንት መሃመድ አብዱላሂ ፋርማጆ ጎንደር ከተማ ገቡ፡፡

ፕሬዘዳንት ኢሳያስ አፈ ወርቂና ፕሬዘዳንት ሙሃመድ አብዲላሂ አጼ ቴዎድሮስ አውሮፕላን ማረፊያ ሲደርሱ ደማቅ አቀባበል ተደርጎላቸዋል፡፡ የኤፌዲሪ ጠቅላይ ሚኒስትር ዶ/ር ዓብይ አሕመድን ጨምሮ የሶማሊ ክልል ፕሬዘዳንት ሙስጠፌ ዑመር እንዲሁም የአማራ ክልል ከፍተኛ አመራሮች በቦታው በመገኘት አቀባበል አድርገውላቸዋል፡፡ ጎንደር ከተማ ላይ የሚገኙት የኢትዮጵያ፣የኤርትራ እና የሶማሊያ መሪዎች ዛሬ ጎንደር ላይ የተለያዩ ቦታዎችን ጎብኝተዋል፡፡

ተጨማሪ ያንብቡ…

መጣጥፎች መጣጥፎች

አንድ ቤት የሚገነቡ….

አንዳንዴ አባቶቻችን በተረትና በምሳሌያዊ አነጋገር ያወረሱን አባባሎች በጣም የልብ አድርስ ናቸው፡፡ አሁን እየሆነ ያለውን ነገር ሳስበው ከነዚህ ተረቶች መካከል ‘’አንድ ቤት የሚገነባ ሳር አይሰራረቅም’’ የሚለው በህሊናዬ አቃጫለ፡፡ ሃቅ ነው፡፡ አንዲት ጎጆ ቤት በጋራ እየገነቡ ያሉ ሰዎች እንዴት ብሎ ለጣሪያ ክዳን የሚሆናቸውን ሳር ይሰራረቃሉ፡፡ ባይሆን ተባብረው ቆንጆና ጠንካራ ሳር ካለበት ፈላልገው ያመጣሉ እንጂ፡፡ ይህን እንዳነሳ ምክንያት የሆነኝ በአገራችን የሚስተዋለው የመጓተትና በተለያየ ጎራ የመፈራረጅ አባዜ የተጠናወተው መብዛቱ ነው፡፡ አንዱ የአንዱን ቡድን ወይም ወገን ስም እየጠራ ያወግዛል፣ አንዱ የሌላኛውን አካባቢ ሰው እየጠራ ጠላትህ ነው እያለ ባገኘው አጋጣሚ ሁሉ በቀልና ጥላቻን ይሰብካል፡፡ ማህበራዊ ሚዲያ ደግሞ ይህንን መርዝ ለመርጨት የሚጠቀሙበት ሰፊ ምህዳር እየሆነ መጥቷል፡፡

ሀገር ወዳድነት ሀገራዊ ጉዳዮች ላይ የጋራ መግባባት በመያዝ ይገለፃል

ሁላችንም እንደምናውቀው በኢፌዴሪ ሕገ መንግሥት መግቢያ ላይ የኢትዮጵያ ብሔሮች፣ ብሔረሰቦችና ሕዝቦች በራሳቸው ፈቃድ ላይ ተመስርተው ጠንካራ የጋራ ኢኮኖሚና አንድ የፖለቲካ ማህበረሰብ ለመገንባት ቃል ኪዳን ስለመግባታቸው ሰፍሯል፡፡ ይህ ደግሞ በአንድ አገር ለሚመዘገበው ሁለንተናዊ ልማትና የዴሞክራሲያዊ ስርዓት ግንባታ የሕዝቡ የላቀ ተሳትፎ የማይተካ ሚና እንዳለው የሚያመላክት ነው፡፡ ሕዝብ ሳያምንበትና ሳይቀበለው የሚጀመሩ ማናቸውም ልማቶች እንዲሁም የሰላምና የዴሞክራሲ ስርዓት ግንባታ ከዳር እንደማይደርሱ ግልፅ ነው፡፡ በኢህአዴግ መሪነት አሁን በሀገራችን እየታየ ያለው ለውጥና ለውጡን ተከትሎ የተፈጠሩ መነቃቃቶችም ኢህአዴግ በ11ኛው ድርጅታዊ ጉባኤ ካስቀመጠው አቅጣጫ የመነጩ ናቸው፡፡ ይህ ድርጅታዊ ውሳኔ ኢህአዴግ ሀገር በመራባቸው ዓመታት ያስመዘገባቸውን ስኬቶችንና የተፈጠሩ ክፍተቶችንም በሚገባ በመገምገም በቀጣይ እንደ ሀገር በጋራ ጉዳዮች ላይ ብሔራዊ መግባባትን በማስፈን ወደ ህዝብ ተጠግቶ ለመስራት የሚያስችለውን ሁኔታ የፈጠረለት ነው፡፡

ከሁሉም በፊት የሀገር ሰላም ይቅደም!

''ሰላም'' የሚለው የአማርኛ ቃል ከጦርነትና አመፅ ነጻ መሆን ከሚለው የአንዳንድ መዝገበ ቃላት ፍቺ የዘለለ ትርጉም አለው። የቃሉ ምንጭ “ሻሎም'' የሚለው የእብራይስጥ ሥርወ ቃል ሲሆን በሰዎች ህይወት ውስጥ ተሟልቶ መገኘት የሚገባውን ደህንነት፣ ምሉዕነት፣ ፍፁምነትና ዋስትናን የሚያመለክት ሰፊ ፅንሰ ሐሳብ የያዘ ነው። ሰላም ማግኘት የሚቻለው ፍትህና ማህበራዊ መረጋጋት በሰፈነበት የፖለቲካ ስርዓት ውስጥ መኖር ሲቻል ነው። በአጠቃላይ ሠላም ማለት ሰዎች በኢኮኖሚ፣ በፖለቲካ፣ በማህበራዊና መንፈሳዊ ዘርፎች ውስጥ ዋስትና ያለውን ህይወት የሚመሩበት የሰከነ ስርዓት እንደሆነ ሊሰመርበት ይገባል።

“ማርች 8” ሴቶቻችን ከፍ ባሉበት አመት

በ19ኛው ክፍለ ዘመን አጋማሽ አካባቢ በአሜሪካ ኒውዮርክ ጎዳናዎች ያልተለመደ ሰልፍ ታየ፤ የጨርቃ ጨርቅ ፋብሪካ ሴት ሰራተኞች የአነስተኛ የደሞዝ ክፍያንና ለጤና ምቹ ያልሆኑ የሥራ ሁኔታዎችን በመቃወም ነበር ሰልፉ የተካሄደው፡፡ ዛሬ በአለም አቀፍ ደረጃ አለም አቀፍ የሴቶች ቀን (March 8) እንዲወለድ ምክንያት የሆነ ታሪካዊ ተቃውሞ። በዚህም የተነሣ የሴት ሠራተኞቹና ተባባሪ ወንድ አጋሮቻቸው በሚያደርጉት አመጽ በኢንዱስትሪው እንቅስቃሴ ላይ ተደጋጋሚ የሆነ ኪሣራ መድረሱ እየተባባሰ ሄደ፡፡ የሠራተኛ ማህበራት እየተጠናከረ መምጣት በሌላ በኩል ለሴቶች እንቅስቃሴ አጋዥነቱን እያጐላው መጣ፡፡ በአውሮፖ፣ በታላቋ ብሪታንያ፣ በአሜሪካና በትንሹም ቢሆን በአውስትራሊያ ሴቶች የመምረጥና መመረጥ መብታቸው እንዲከበር የሚመለከታቸውን ሁሉ ማግባባት የጀመሩት በ19ኛው ክፍለ ዘመን ነበር፡፡ ይህ ትግላቸው በሴቶች ዙሪያ ይታዩ የነበሩ ማንኛውም ጭቆናዎች እንዲወገዱ አመላካች ከመሆኑም በላይ ተጨባጭ ለውጥ እንዲከሰት በር ከፋች ሆነ፡፡

ወደ ታላቅነት የሚወስደው ጉዞ

በአለም ላይ ህብረት፣ አንድነት፣ ትብብርና የሚሳሰሉት መሰባሰብን የሚያወሱ ቃላቶች ይዘወተራሉ። የተባበሩት መንግስታት፣ የአፍሪካ አንድነት፣ የተባበሩት የአሜሪካ ግዛቶች ወይም USA፣ የአውሮፓ ህብረት፣ የተባበሩት አረብ ኤምሬቶች ውይም UAE ለአብነት መጥቀስ ይቻላል። እነዚህ አጠራሮች ቃላቶቹ ስለሚያምሩ ብቻ የመጡ አይደሉም፡፡ ለአመታት ተጸንሶ ምጡ በራሱ ተጨማሪ አመታትን ፈጅቶ የተወለዱ ናቸው። ዛሬ ሃያል የምትባለው አገረ አሜሪካ የመሰባሰብ ውጤት ናት። በተጽዕኖ ፈጣሪነቱ የሚጠቀሰው የአውሮፓ አገራት ህብረት የመሰባሰብ ውጤት ነው። የአለምን አገራት በአንድ የሚያሰባስበው የተባበሩት መንግስታት ድርጅትም እንዲሁ።

ራዕይ ራዕይ

ተልዕኮ ተልዕኮ

እሴቶች እሴቶች

ጎብኝዎች ጎብኝዎች

Today       

937

       የዛሬ ጎብኚ

Yesterday       

914

       የትናንት ጎብኚ

This Month       

44144

       የዚህ ወር ጎብኚ

This Year       

198078

       የዚህ ዓመት ጎብኚ

Total        

302744

       አጠቃላይ ጎብኚ

© 2019 (ኢህአዴግ) የኢትዮጵያ ህዝቦች አብዮታዊ ዴሞክራሲያዊ ግንባር.