ዜና ዜና

የአፍሪካ የፖለቲካ ፓርቲዎች የህዝቦቻቸውን ተጠቃሚነት ማስቀደም እንደሚገባቸው በቻይና-አፍሪካ የፖለቲካ ፓርቲዎች ሴሚናር ተመላከተ ::

የፖለቲካ ፓርቲዎች እና የመንግስት ሚና ለልማት›› በሚል መሪ ቃል ለሁለት ቀናት ሲካሄድ የነበረው የቻይና-አፍሪካ የፖለቲካ ፓርቲዎች ሴሚናር ዛሬ ተጠናቀቀ፡፡ በሴሚናሩ የውይይት መነሻ ጹሁፎች ቀርበው ውይይት ተደርጎባቸዋል፡፡ በሴሚናሩ የጠቅላይ ሚንስትሩ የፖሊሲ ጥናት አማካሪ ሚኒስትር በሆኑት ጓድ አባይ ጸሃዬ የኢትዮጵያ ልማታዊና ዴሞክራሲያዊ መንግስት የልማት ጉዞ ልምድ ቀርቦ ሰፊ ውይይት ተደርጎበታል፡፡ ጓድ አባይ እንዳሉት ኢህአዴግ ማለፍ ከሚገባው በላይ አልፎ የመጣና ህዝባዊነትን በተግባር ያረጋገጠ ፓርቲ በመሆኑ አምባገነኑን ስርዓት ገርስሶ ሀገርቱን በፈጣን የልማት አቅጣጫ እየመራት ይገኛል፡፡

ተጨማሪ ያንብቡ…

የቻይናና የኢትዮጵያ ግንኙነት ወደተሻለ ምዕራፍ የተሸጋገር መሆኑ ተጠቆመ

በቻይና ኮሚዩኒስት ፓርቲ አለምአቀፍ ዲፓርትመንት ምክትል ምኒስትር ሚስ ዡ ሊቢንግ የሚመራ የልዑካን ቡድን በኢትዮጵያ የስራ ጉብኝት በማድረግ ላይ ይገኛል፡፡ ዛሬ በኢህአዴግ ምክር ቤት ጽ/ቤት በመገኘት የኢፌደሪ ምክትል ጠቅላይ ምኒስተርና የኢህአዴግ ምክትል ሊቀመንበር አቶ ደመቀ መኮንን ጋር ተገናኝቶ ተወያይቷል፡፡ ኢትዮጵያን ለሁለተኛ ጊዜ እየጎበኙ እንደሆነ የገለፁት ሚስ ዡ በጉብኝታቸው ኢትዮጵያ በዘርፈ ብዙ ተግባራት በፍጥነት እየገሰገሰች ያለች አገር መሆኗን ማረጋገጣቸውን ገልፀዋል፡፡ ሚስ ዡ ይህ ኢትዮጵያ እንደ አገር ለልማት ያለት ቁርጠኝነት ከቻይና ጋር እንደሚያመሳስላት በመግለፅ ሁለቱ አገራት በጥምረት የሚሰሩበት እምቅ ሃይል እንዳለቸውና ግንኙነታቸውም ወደተሻለ ምዕራፍ መሸጋገሩን ገልፀዋል፡፡

ተጨማሪ ያንብቡ…

የኢህአዴግ ጽህፈት ቤት ሰራተኞች 34ኛውን የብአዴን የምስረታ በዓል አከበሩ

ኢህአዴግ ምክርቤት፣ የአዲስ አበባ ኢህአዴግ ኮሚቴ፣የህወሓትና የብአዴን ማስተባበርያ ጽህፈት ቤት ሰራተኞች 34ኛውን የብአዴን/ኢህአዴግ የምስረታ በዓል ዛሬ አከበሩ፡፡ በዓሉ በኢህአዴግ ምክር ቤት ጽሕፈት ቤት ዛሬ በተከበረበት ወቅት በአዲስ አበባ ኢህአዴግ ኮሚቴ የሚድያና ሱፐርቪዥን ዘርፍ ኃላፊ ጓድ ቢንያም አደራ ብአዴን ከ34 ዓመታት በፊት ‹‹እልፍ እንሆናለን››የሚል ራዕይ ባነገቡ ጥቂት የህዝብ ልጆች መመስረቱን አስታውሷል፡፡

ተጨማሪ ያንብቡ…

የፌደራል ዞን የብአዴን አባላት ኮንፈረንስ በተሳካ ሁኔታ ተናቀቀ

“አንፀባራቂ ድሎቻችንን የሚፈታተኑ ድክመቶቻችንን በማረም ለመድረኩ ተልዕኳችን እንብቃ” በሚል መሪ ቃል ለሁለት ቀናት ሲካሄድ የቆየው የፌደራል ዞን የብአዴን አባላት ኮንፈረንስ በተሳካ ሁኔታ ተጠናቀቀ፡፡በኮንፈረንሱ ከተሃድሶ በኋላ በክልሉም ሆነ በአገር ደረጃ የተመዘገቡ ኢኮኖሚያዊ፣ ማህበራዊና ፖለቲካዊ ስኬቶች ለአባላት የቀረቡ ሲሆን የኮንፈረንሱ ተሳታፊዎችም ጥያቄዎችንና አስተያየቶችን በማቅረብ በቀጣይ ስለሚኖራቸው ተልዕኮ በስፋት ተወያይተዋል፡፡

ተጨማሪ ያንብቡ…