ትኩስ ዜና

የኢህአዴግ ስራ አስፈፃሚ ኮሚቴ ሲያካሂድ የነበረውን ስብሰባ አጠናቀቀ የኢህአዴግ ስራ አስፈጻሚ ኮሚቴ ከነገ ጀምሮ ስብሰባውን ያካሂዳል፡፡ የኢትዮጵያ ህዝቦች አብዮታዊ ዴሞክራሲያዊ ግንባር (ኢህአዴግ) ሀገራዊ ምርጫው ጊዜውን ጠብቆ እንዲካሄድ አቋም እንዳለው ጠቅላይ ሚኒስትር ዶክተር አብይ አህመድ አስታወቁ። የአማራ ዴሞክራሲያዊ ፓርቲ/አዴፓ/ የማእከላዊ ኮሚቴ አቶ ዩሐንስ ቧያለውን የፓርቲው ም/ሊቀመንበር አድርጎ መርጧል። ጠ/ሚ ዶክተር አብይ በኤርትራ የውጭ ጉዳይ ሚኒስትር ከተመራው ልዑክ ጋር ተወያዩ ከዛሬ አመት በፊት በኢህአዴግ ውስጥ የተጀመረው ለአብዮት የተቃረበ ሪፎርም በአገሪቱ የነበረውን የፖለቲካ መልክ መቀየር መቻሉን ድርጅቱ ገለጸ፡፡ የሶማሌ ዴሞክራሲ ፓርቲ አቶ አህመድ ሽዴን የፓርቲው ሊቀመንበር አቶ ሙስጠፌ መሀመድን ምክትል ሊቀመንበር አድርጎ መረጠ ኦዲፒ ለአዳዲስ ድሎች እየተዘጋጀ መሆኑን የኦዲፒ ሊቀመንበር ጠቅላይ ሚኒስትር ዶ/ር ዓብይ አህመድ ገለጹ የፖለቲካ ፓርቲዎች የጋራ ውይይትና ድርድርን የተመለከተ ውይይት ተካሄደ ኢህአዴግና ሀገር አቀፍ ተቃዋሚ ፖለቲካ ፓርቲዎች ውይይት፣ ክርክርና፣ ድርድር ለማድረግ በሚያስችላቸው ደንብ ረቂቅ ላይ ቀጣይ ውይይታቸውን ዛሬ አደረጉ፡፡ የኢህአዴግ ስራ አስፈፃሚ ኮሚቴ መደበኛ ስብሰባውን ጀመረ “በሀገራችን የተገነባው ዴሞክራሲዊ አንድነት የእግር እሳት የሆነባቸው የጥፋት ኃይሎች ሴራ መታግል ይባል ” ጓድ ሽፈራው ሽጉጤ የኢህአዴግ ምክር ቤት ጽ/ቤት ኃላፊ ኢህአዴግ እና ተቃዋሚ ፓርቲዎች ውይይትና ድርድር ለማካሄድ ተስማሙ የወጣቱን ተጠቃሚነት ለማረጋገጥ የወጣት አደረጃጀቶችን ማጠናከር እንደሚገባ ተገለጸ በኪራይ ሰብሰቢነት ላይ በሚደረገው ትግል ወጣቶች ግንባር ቀደም ሚና መጫወት እንደሚገባቸው ተገለጸ በህዳሴው ጉዞ ላይ የሚያጋጥሙ መደነቃቀፎች ሴቶችን ይበልጥ ተጎጂ የሚያደርጉ በመሆናቸው በንቃት ሊታገልዋቸው እንደሚገባ ተገለጸ በዓሉ የህዝቦችን እኩልነት፣ አብሮ የመኖር እና የመቻቻል እሴቶች ለማጎልበት ከፍተኛ ፋይዳ እንዳለው ተገለጸ የኦሮሞ ህዝብ የገዳ ስርዓት በዩኔስኮ በማይዳሰሱ የሰው ልጅ ወካይ ቅርስነት ተመዝግቧል የቻይና ምክትል ፕሬዚዳንት ሊ ዩዋንቻኦ በኢትዮጵያ ይፋዊ ስራ ጎብኝት እያካሄዱ ነው፡፡ 11ኛውን የብሄሮ ብሄረ ሰቦችና ህዝቦች በዓል ለማክበር ዝግጅት ተጠናቋል

ኢህአዴግ

ኢህአዴግ አገር የመምራት ሃላፊነትን ከተረከበ ጊዜ ጀምሮ ከውስጥም ከውጭም የሚነሱ በርካታ ውጣ ውረዶችን ያስተናገደ ድርጅት መሆኑ ይታወቃል፡፡ ከአገራችን ነባራዊ ሁኔታ ጋር የሚጣጣምና የህዝባችንን ሁለንተናዊ መለወጥ ታሳቢ ያደረገ የፖለቲካና ኢኮኖሚ ስርዓት በማራመድ በውጭ ሃይል ተፅእኖ የሚጠመዘዝ ድርጅት አለመሆኑን ገና በጠዋቱ በተግባር ያሳየ ድርጅት ነው፡፡

ከደርግ ውድቀት ማግስት አገራችን የመበታተን ስጋት ውስጥ የነበረችበት ሁኔታ ቢኖርም መላ የሃገሪቱን ህዝቦች በማስተባበርና በብስለት በመምራት ዴሞክራሲያዊ አንድነቷ በፅኑ መሰረት ላይ እየተገነባ እንዲዘልቅ አስችሏል። ህገ መንግስታችን የአንድነታችንና የመከባበራችን ማሰሪያ ውል እንዲሆን በሚያስችል መልኩ በህዝብ ሙሉ ተሳትፎ ተቀርፆ በመፅደቁ ያንን የመበታተን ስጋት ተሻግረን በጋራ ለዘላቂ ለውጥ መረባረብ ጀምረናል።

የኢህአዴግ ስራ አስፈፃሚ ኮሚቴ ሲያካሂድ የነበረውን ስብሰባ አጠናቀቀ

የስራ አስፈፃሚ ኮሚቴው አባልና በኢህአዴግ ፅህፈት ቤት የፖለቲካ ፓርቲዎችና ሲቪክ ጉዳዮች ሀላፊ አቶ ፍቃዱ ተሰማ ለኢቢሲ እንደተናገሩት፥ ኮሚቴው በወቅታዊ የፖለቲካ ጉዳዮች፣ የድርጅት ስራዎች እና የአመራር ቁመና ላይ ሀላፊነት በተሞላው መንገድ ህዝብና መንግስትን በሚያስቀጥል መልኩ ዝርዝርና ጥልቅ ግምገማዎችን አካሂዷል። በዚህ ድክመት ነው ያላቸውን በመለየት በዝርዝር መፍትሄዎችን ያስቀመጠው ኮሚቴው፥ ከሀገራዊ ለውጡ ጋር የመጡ በድክመት ያነሳቸውን ዝንባሌዎችን መመልከቱን ነው ያሱት።

ተጨማሪ ያንብቡ…

የኢህአዴግ ስራ አስፈጻሚ ኮሚቴ ከነገ ጀምሮ ስብሰባውን ያካሂዳል፡፡

የኢትዮጵያ ህዝቦች አብዮታዊ ዴሞክራሲያዊ ግንባር(ኢህአዴግ) ስራ አስፈጻሚ ኮሚቴ ከነገ ነሓሴ 2 ቀን 2011 ም ጀምሮ ስብሰባውን የሚካሂድ ሲሆን በተለያዩ አጀንዳዎች እንደሚመክር ይጠብቃል፡፡ ኮሚቴ የድርጅት ስራዎች አፈጻጸምና በሌሎች ሀገራዊ ወቅታዊ አጀንዳዎች ላይ ውይይት እንደሚያካሄድ የኢህአዴግ ምክር ቤት ጽህፈት ቤት አስታውቋል፡፡

ተጨማሪ ያንብቡ…

የኢትዮጵያ ህዝቦች አብዮታዊ ዴሞክራሲያዊ ግንባር (ኢህአዴግ) ሀገራዊ ምርጫው ጊዜውን ጠብቆ እንዲካሄድ አቋም እንዳለው ጠቅላይ ሚኒስትር ዶክተር አብይ አህመድ አስታወቁ።

የኢፌዴሪ ጠቅላይ ሚኒስትር ዶክተር አብይ አህመድ በዛሬው እለት በወቅታዊ ጉዳዮች ዙሪያ ጋዜጣዊ መግለጫ ሰጥተዋል። በመግለጫቸውም ለተነሱላቸው ጥያቄዎች ምላሽ የሰጡ ሲሆን፥ ከጥያቄዎቹም ከምርጫ ጋር የተያያዘው አንዱ ነበር። በዚህም በሰጡት ምላሽ በአሁኑ ወቅት ምርጫ ይራዘም የሚሉ እና ወቅቱን ጠብቆ ይካሄድ የሚሉ የራሳቸው ምክንያት ያላቸው አካላት እንዳሉ አንስተዋል። ነገር ግን የኢህአዴግ ስራ አስፈጻሚ ኮሚቴ ባደረገው ስብሰባው ምርጫ ከማካሄድ ጋር በተያያዘ በዝርዝር እንደተወያየበትና ምርጫው አይደረግም የሚል አቋም እንደሌለው አስታውቀዋል።

ተጨማሪ ያንብቡ…

Back

የፌዴራል ስርዓቱ ሁሉንም ፍላጎቶች ማስተናገድ የሚችል ነው!

                                                                                                                                                                                                   በሚራክል እውነቱ

የአዲስ አበባ ዩኒቨርሲቲ የታሪክ መምህር ፕሮፌሰር ተሰማ ታኣ ፌደራሊዝምን አስመልክቶ ማብራሪያ ሲሰጡ እንዲህ ይላሉ፡፡ "እያንዳንዱ ክልል ራሱን በራሱ እያስተዳደረ ለራሱ የሚገባውን አድርጎ ለማዕከላዊው መንግሥት የሚጠበቅበትን በትክክል መስጠት ሲችል ነው ፌዴራሊዝም የሚመጣው፡፡"

በየክልሉ የሚገኙ ብሄሮች፣ ብሄረሰቦችና ህዝቦችም ክልላቸውን እንደራሳቸው መያዝናክልሎቹ የውስጣቸውን ጸጥታ መጠበቅ መቻል እንደሚገባቸው ያብራራሉ፡፡ ክልሎች በውስጣቸው ያሉትን ብሄሮች፣ ብሄረሰቦችና ህዝቦች ባህል፣ ቋንቋ ማጎልበት እንዲችሉ ማድረግ ሲችሉ ነው ፌዴራሊዝም ግቡን የሚመታው፡፡ ፕሮፌሰር ተሰማ የፌዴራሊዝም ስርዓት በሚገባ በስራ ሲተረጎም ነው የኢትዮጵያን ችግር በትክክልመፍታት የሚቻለው በማለት ሀሳባቸው ያብራራሉ፡፡

እንደ ፕሮፌሰር ተሰማ ገለጻ፤ የፌዴራሊዝም ስርዓት ለኢትዮጵያ መፍትሄ ነው፡፡ ስርዓቱ የእያንዳንዱን ባህል፣ ቋንቋ ጠብቆ የሚያስኬድ በመሆኑ መልካም ነው፡፡ ኢትዮጵያ ፌዴራሊዝምን ተቀብላ መተግበር ከጀመረች በርካታ ዓመታትን አስቆጥራለች፡፡ ይህ የስርዓት አይነት በሀገሪቱ እንዳይተገበርና ዕውን እንዳይሆን የሚሟገቱ በርካቶች ነበሩ፡፡ ምክንያታቸው ደግሞ ፌዴራሊዝም ሀገርን የሚበታትንና አንድነትን የሚያጠፋ ነው ብለው ያስቡ ስለነበር ነው፡፡ ፌዴራሊዝም እንደተባለው ሀገርን የሚበታትን ቢሆን ኖሮ ከኢትዮጵያ በፊት ፌዴራሊዝምን ቀድመው የጀመሩት ሀገራት አንድነታቸውን ጠብቀው በልማትም በሰለም ወደፊት ከመሻገር ይልቅ ህልውናቸው እስከ ዛሬ አክትሞ ነበር።

እነአሜሪካና ስዊዘርላንድ ፌዴራላዊ ስርዓትን ተቀብለው መተግበር ከጀመሩ ምዕተ አመት አስቆጥረዋል። እንደተባለው ስርዓቱ ሀገርን አደጋ ውስጥ የሚጥልና አንድነትን የሚያጠፋ ቢሆን ኖሮ ዛሬ አሜሪካም ሆነ ስዊዘርላንድ የሚባሉ አገራትን ላናይ እንችል ነበር። አሜሪካ እ.ኤ.አ. በ1789 በህገመንግስት የተረጋገጠ ፌደራላዊ ስርዓትን በሀገሯ ላይ እውን አድርጋለች። ስዊዘርላንድ ደግሞ እ.ኤ.አ በ1848 ስርዓቱን በህገመንግስቷ እውቅና ሰጥታ ዘርግታለች። ጀርመንም እ.ኤ.አ.በ1871 ፌዴራላዊ መንግስትን ይፋ አድርጋለች። በመቀጠልም ካናዳ፣ ቤልጂየም፣ ህንድ፣ ደቡብ አፍሪካ፣ ናይጄሪያ፣ ሱዳን፣ አርጀንቲና፣ ብራዚል፣ ሜክሲኮ፣ የቀድሞዋ ዩጎዝላቪያ የተለያዩ ግዛቶች፣ ቼኮስሎቫኪያ፣ ከኮሚኒዝም መፈራረስ በኋላ የቀድሞዋ ሶቪየት ህብረት ወደ ፌዴራል ስርዓት በሂደት እንደተቀላቀሉ የዘርፉ ምሁራን ከጻፏቸው ሰነዶች መረዳት ይቻላል።

የኢትዮጵያ ፌዴራላዊና ዴሞክራሲያዊ ሥርዓትን ለመመስረት የኢትዮጵያ ብሄሮች ብሄረሰቦችና ህዝቦች ከባድ መስዋዕትነት ከፍለዋል፡፡ በአገራችን የፌዴራሊዝም ስርዓት ከተመሰረት በኋላ በርካታ ውጣ ውረዶች ታልፈዋል፡፡ ፌዴራላዊና ዴሞክራሲያዊው ሥርዓትን ዕውን ለማድረግ ከተከፈለው መስዕዋትነት አንፃር ሲታይ አሁን የተፈጠሩት ተግዳሮቶች የማይፈቱ አይደሉም፡፡ ሥርዓቱ ተግዳሮቶቹን ለመፍታት የሚያስችል ህገመንግስታዊ መሰረት ያለው ነውና፡፡

ታሪካችንን ወደ ኋላ ስንመለከት ያለፉት ሥርዓቶች አምባገነናዊ ገዥዎችን ተጠቃሚ ማድረጋቸው ብቻ ሳይሆን ሀገራችንን የኋልዮሽ የጎተቱ ናቸው፡፡ የሀገሪቱን ኢኮኖሚ ከፍ ከማድረግ ይልቅ ቁልቁል እንዲወርድ አድርገዋል፤ ዜጎች ለልዩ ልዩ ማህበራዊ ችግሮች አጋልጠዋል፡፡ በዚህ የተነሳ የበርካታ ሀገሮች መጠቋቆሚያ ልንሆን ችለናል፡፡ ይህ የታሪካችን አንድ አካል መሆኑ ጨርሶ የሚካድ ጉዳይ አይመስለኝም፡፡ ታዲያ ያ ሁሉ ችግርና ቸነፈርን ያለፈች በህዝቦቿ ሁለንተናዊ ጥረት የተረጋጋች እና ዜጎቿም ተፈቃቅደውና አንድ የጋራ ፖለቲካዊ ኢኮኖሚያዊ ሥርዓት መስርተው የሚኖሩባት አገር ናት፡፡ እርስ በርስ እየተከባበሩ በፈጠሩት ፌዴራላዊ ሥርዓት የፈጣንና ተከታታይ ልማት ተቋዳሽ ሀገር ባለቤት ለመሆን በቅተዋል፡፡

ኢህአዴግ የሚመራው ልማታዊና ዴሞክራሲያዊ መንግስታችን ህዝቡ በአስተሳሰብ ደረጃ በድህነት ላይ ድል እንዲቀዳጅ የማድረግ ኃላፊነትን በሚገባ ለመወጣት ከመቼውም ጊዜ በላይ በቁርጠኝነት ወደ ትግበራ ገብቷል፡፡ የሀገራችን ብሔሮች፣ ብሔረሰቦችና ህዝቦች በመንግሥት በተነደፉ ፖሊሲዎችና ስትራቴጂዎች እየተመሩ መስካሪ የማያሻው ዕድገት ማስመዝገብ የጀመሩበት ወቅት ላይ እንገኛለን፡፡ ዜጎች ከድህነት አዙሪት ተላቀው ወደ ፈጣን ልማትና ፍትሃዊ ተጠቃሚነት ውስጥ ገብተዋል፡፡ በሀገሪቱ የፌዴራል ሥርዓት እውን ከሆነ ወዲህ የሠላም፣ የልማትና የዴሞክራሲ ጉዳዮች ምላሽ እያገኙ መጥተዋል፤ምንም እንኳ አልፎ አልፎ የሚስተዋሉ የአፈፃፀም ክፍተቶች ቢያጋጥሙትም፡፡ እርግጥ ነው የኢትዮጵያ ብሔር ብሔረሰቦችና ህዝቦች ለዘመናት ተቻችለው፣ተከባብረውና ተዋህደው በኖሩባት ምድር የተለያዩ ሰበቦችን በመደርደር ይህንኑ በአንድነታቸው የገነቡትን የጋራ ቤታቸውን ሊንድ የሚፈልግ አንዳች ሀይል በኢትዮጵያ ሰማይ ስር ማንዣበቡ ከቅርብ ጊዜ ወዲህ ማየት የጀመርነው እውነታ ነው፡፡ የፌደራል ስርዓቱ ደግሞ በሰከነ አዕምሮ ላስተዋለው ሰው ለሁሉም ጥያቄዎች መልስ አለው፡፡

የፌደራል ሥርዓቱ በማህበራዊ መስተጋብሮች ምክንያት የሚፈጠሩ ልዩነቶችን ለማቻቻል አብሮ ለመጓዝና የማንነት ልዩነቶችን መሠረት ያደረጉ ግጭቶችን ለማስተንፈስ የሚያስችል ፍቱን መሣሪያ መሆኑ ሊሰመርበት ይገባል፡፡ አሁን አሁን እያጋጠሙ ያሉ ውጣ ውረዶችን አልፎ ሰላሟ የተረጋገጠና በህዝቦቿ ሁለንተናዊ ርብርብ የበለፀገችና ያደገች ሀገርን የመገንባት ህልማችንን ዕውን ማድረግ የቻለ ስርዓት ነው። በሀገራችን አንዳንድ አካባቢዎች የተከሰቱት ተግዳሮቶችን መፍታት የሚቻለውም ህገመንግስታዊ የሆነውን ስርዓት በመጠበቅና በመተግበር ብቻ ነው። እርግጥ ሀገራችን ውስጥ እየተተገበረ ያለው ፌዴራላዊ ዴሞክራሲያዊ ሥርዓት በርካታ ውጣ ውረዶችን እየፈታና ችግሮችን እያረመ የመጣ በመሆኑ እነዚህን ተግዳሮቶች በብቃት የመፍታት አቅም አለው፡፡ ሥርዓቱን የሚፈታተኑ ተግዳሮቶች ቢኖሩም፤ ይህንኑ ችግር መፍታት የሚቻለው የሀገራችን ብሔሮች፣ ብሔረሰቦችና ህዝቦች የፌዴራል ስርዓቱን አክብረውና ከመንግስት ጋር እጅና ጓንት ሆነው ተግዳሮቶቹን ለመፍታት ሲተጉ ብቻ መሆኑን ኢህአዴግ ከፍ ያለ እምነት አለው፡፡


Visitorcounter Visitorcounter

Today       

524

       የዛሬ ጎብኚ

Yesterday       

1120

       የትናንት ጎብኚ

This Month       

9361

       የዚህ ወር ጎብኚ

This Year       

236967

       የዚህ ዓመት ጎብኚ

Total        

364958

       አጠቃላይ ጎብኚ