Back

የኢህአዴግ ወጣቶች ሊግ በቀጣይ ሊጉን የሚመሩ ወጣቶችን መረጠ

በሀዋሳ ከተማ እየተካሄደ ያለው የኢህአዴግ ወጣቶች ሊግ ጉባኤ ወጣት አስፋው ተክሌን የሊጉ ሊቀመንበር ወጣት አክሊሉ ታደሰን ደግሞ ምክትል ሊቀመንበር አድረጎ መረጠ፡፡ አመራሮቹ ሊጉን ለቀጣይ ሁለት ዓመት ተኩል የሚመሩ ይሆናል፡፡

ጉባኤው ባካሄደው ስብሰባ የሊጉን ያለፉትን የሁለት ዓመት ተኩል የሥራ አፈጻጸም ሪፓርት ላይ ውይይት ያካሄደ ሲሆን የደቡብ ኮሪያ የወጣቶች ልምድ ተሞክሮ መቅሰም እንዲቻል በሰነድ መልክ ቀርቦ ውይይት ተደርጎበታል፡፡

በውይይቱ በርካታ ጥያቄዎች ተነስተው ውይይት የተደረገባቸው ሲሆን የወጣቶችን ተሳትፎና ተጠቃሚነት የሚያረጋግጡ ጉዳዮች፣ የማንነትና የወሰን ጉዳዮች፣ ተጀመረውን አገራዊ ለውጥ በሚመለከት እንዲሁም ሊጉ ከእናት ድርጅቱ ጋር ያለውን ግንኙነት የተመለከቱ ጥያቄዎች ተነስተው ውይይት ተደርጎባቸዋል፡፡

የኢኮኖሚ ተጠቃሚነትን የሚያረጋግጡ፣ የወጣቱ የማህበራዊ ሚዲያ አጠቃቀም እንዲሁም አገራዊነት አንድነትን አስተሳሰብ የሚያጎለብቱ ሥራዎች መሰራት እንደሚያስፈልግ የጋራ መግባባት ተደርሶባቸዋል፡፡

ከዚህም በተጨማሪ አገራችንን የተጀመሪውን አገራዊ ለውጥ ወደ ፊት ለማስቀጠል የሊግ አደረጃጀቶች ከመቸውም ጊዜ በላይ አጠናክረው መስራት እንደሚጠበቅባቸው በውይይቱ ተነስቷል፡፡ ወጣቶች በሕዝቦች መካከል ቁርሾን ለመፍጠር የሚንቀሳቀሱ አካላትን በጋራ መታገል እንደሚገባም ተመላክቷል፡፡

የሊጉ ሊቀ መንበሩ ወጣት አስፋው ተክሌ ባስተላለፈው መልዕክት በአገራችን ተጀመረውን ለውጥ ለማስጠል ሚያጋጥሙ እንቅፋቶችን በጋራ መታገል ይገባል ብለዋል፡፡

ሊቀመንበሩ በመልዕክታቸው አለበት አፈጻጸም ለወደ ተሸለ ምዕራፍ ለማሻገር ከመቸውም ጊዜ በላይ አጠናክረን መስራት አለበት ብለዋል፡፡ ከዚህም በተጨማሪ የህግ በላይነትን ለማረጋገጥ ሊጋችን ከፍተኛውን ድርሻ መውሰድ አለበት ብለዋል፡፡ እንዲሁም ከልዩነት ይልቅ አገራዊ አንድነት አስተሳሰብን የሚያጠናክሩ ሥራዎች ላይ ትኩረት ተሰጥቶ እንደሚሰራም ገልጸዋል፡፡ ከዚህም በተጨማሪ ለሁለት ዓመት ተኩል የኦዲትና ቁጥጥር ኮሚሽን አባላትንም ምርጫ አካሂዷል፡፡ በመጨሻም ጉባኤው የአቋም መግለጫ በማውጣት ተጠናቋል፡፡


ጉባኤ ጉባኤ

‹‹በብዙ ጨለማና አስከፊ ሁኔታ ውስጥ ያለችውን ኢትዮጵያ ነጻ ማውጣት የሚችለው እውቀት ብቻ ነው›› ጠቅላይ ሚኒስትር ዶክተር አብይ አህመድ

ጠቅላይ ሚኒስትር ዶክተር አብይ አህመድ ለትምህርት ወደ ቻይና ለሚሄዱ ተማሪዎች ‹‹በብዙ ጨለማና አስከፊ ሁኔታ ውስጥ ያለችውን ኢትዮጵያ ነጻ ማውጣትና ጨለማውን ሊያበራው የሚችለው እውቀት ብቻ ነው›› ሲሉ መልዕክት አስተላለፉ። ጠቅላይ ሚኒስትሩ ትናንት ማምሻውን በብሔራዊ ቤተመንግሥት ወደ ቻይና ለሚሄዱ ተማሪዎች በተዘጋጀው የሽኝት መርሐ ግብር ላይ እንደተናገሩት፣ በብዙ ጨለማና አስከፊ ሁኔታ ውስጥ ያለችዋን አፍሪካንና ኢትዮጵያን ነጻ ለማውጣት ጨለማውንም ለማብራት መሠረታዊ ነገር እውቀት ነው ፤ የትምህርት ዕድሉን አግኝተው ወደ ቻይና የሚሄዱ ተማሪዎችም ይህንን በመገንዘብ ራሳቸውን ከውሸካና ከአሉባልታዎች በማራቅ ከትምህርት መልስ ለአገሪቷ ብርሃን ሆነው ማገልገል ይኖርባቸዋል ብለዋል።

ተጨማሪ ያንብቡ…

የኢህአዴግ ስራ አስፈጻሚ ኮሚቴ ከነገ ጀምሮ ስብሰባውን ያካሂዳል፡፡

የኢትዮጵያ ህዝቦች አብዮታዊ ዴሞክራሲያዊ ግንባር(ኢህአዴግ) ስራ አስፈጻሚ ኮሚቴ ከነገ ነሓሴ 2 ቀን 2011 ም ጀምሮ ስብሰባውን የሚካሂድ ሲሆን በተለያዩ አጀንዳዎች እንደሚመክር ይጠብቃል፡፡ ኮሚቴ የድርጅት ስራዎች አፈጻጸምና በሌሎች ሀገራዊ ወቅታዊ አጀንዳዎች ላይ ውይይት እንደሚያካሄድ የኢህአዴግ ምክር ቤት ጽህፈት ቤት አስታውቋል፡፡

ተጨማሪ ያንብቡ…

የኢትዮጵያ ህዝቦች አብዮታዊ ዴሞክራሲያዊ ግንባር (ኢህአዴግ) ሀገራዊ ምርጫው ጊዜውን ጠብቆ እንዲካሄድ አቋም እንዳለው ጠቅላይ ሚኒስትር ዶክተር አብይ አህመድ አስታወቁ።

የኢፌዴሪ ጠቅላይ ሚኒስትር ዶክተር አብይ አህመድ በዛሬው እለት በወቅታዊ ጉዳዮች ዙሪያ ጋዜጣዊ መግለጫ ሰጥተዋል። በመግለጫቸውም ለተነሱላቸው ጥያቄዎች ምላሽ የሰጡ ሲሆን፥ ከጥያቄዎቹም ከምርጫ ጋር የተያያዘው አንዱ ነበር። በዚህም በሰጡት ምላሽ በአሁኑ ወቅት ምርጫ ይራዘም የሚሉ እና ወቅቱን ጠብቆ ይካሄድ የሚሉ የራሳቸው ምክንያት ያላቸው አካላት እንዳሉ አንስተዋል። ነገር ግን የኢህአዴግ ስራ አስፈጻሚ ኮሚቴ ባደረገው ስብሰባው ምርጫ ከማካሄድ ጋር በተያያዘ በዝርዝር እንደተወያየበትና ምርጫው አይደረግም የሚል አቋም እንደሌለው አስታውቀዋል።

ተጨማሪ ያንብቡ…

ከዛሬ አመት በፊት በኢህአዴግ ውስጥ የተጀመረው ለአብዮት የተቃረበ ሪፎርም በአገሪቱ የነበረውን የፖለቲካ መልክ መቀየር መቻሉን ድርጅቱ ገለጸ፡፡

በደርጅቱ ውስጥ የነበረ ጸረ ዴሞክራሲያዊነት መገንገን፣ የክራይ ሰብሳቢነት ፖሊቲካል ኢኮኖሚ የበላይነት የያዘ ስለነበረ፤ ከሰብዓዊ መብት ጥሰት፣ የዴሞክራሲ ምህዳሩ መጥበብ፤ ፍትሃዊ ተጠቃሚነትና እኩልነት ማጥፋት ጋር ተያይዞ ሲነሱ የነበሩ ጥያቄዎችን መመለስ ተስኖት ነበር፡፡ በዚህም የተነሳ ከውስጥም ከውጭም አገሪቱ የመፍረስ አደጋ እንደተደቀነባት ሲተነበይ አንደነበር አስታውሰዋል፡፡ በዚሁ መነሻነት ከህዝቡ በመጣው ግፊት ሳቢያ አገሪቱን ከገባችበት አደጋ መታደግ የሚችል ትግል በድርጅቱ ውስጥ መካሄድ መጀመሩንና ጠንካራ ውሳኔ መወሰኑን የጠቀሱት አቶ ተፈራ ውሳኔውንም "ከሞላ ጎደል ለአብዮት የተቃረበ የሪፎረም ውሳኔ" ሲሉ ገልፀውታል፡፡

ተጨማሪ ያንብቡ…

ኦዲፒ ለአዳዲስ ድሎች እየተዘጋጀ መሆኑን የኦዲፒ ሊቀመንበር ጠቅላይ ሚኒስትር ዶ/ር ዓብይ አህመድ ገለጹ

የኢፊዲሪ ጠቅላይ ሚኒስትር እና የኦዲፒ ሊቀ መንበር ዶ/ር ዓብይ አህመድ የኦዲፒ 29ኛ ዓመት የምስረታ ባስተላለፉት መልዕክት የኦዲፒን የምስረታ በዓል ስናከብር ለአዳዲስ ድል እና ገድል እየተዘጋጀን መሆን አለበት ብለዋል። ኦዲፒ ሁሉም የኢትዮጵያ ብሄሮች፣ ብሄረሰቦች እና ህዝቦች የሚኮሩባት፣ የሚሰራበት እና የማይሸማቀቁበት ኢትዮጵያን ለመፍጠር በቁርጠኝነት ይሰራልም ብለዋል።

ተጨማሪ ያንብቡ…

ኢህአዴግ የውስጠ ድርጅት ጥንካሬውን በማጎልበት የመልካም አስተዳደር ችግርን ለመቅረፍ የሚያስችለውን አቅጣጫ ተቀመጠ

ኢህአዴግ የውስጠ ድርጅት ጥንካሬውን በማጎልበት የመልካም አስተዳደር ችግርን ለመቅርፍ የሚያስችለውን አቅጣጫ ተቀመጠ «ህዝባዊ አደራን በላቀ እድገትና ትራንስፎርሜሽን» በሚል መሪ ቃል በመ‚ለ ከተማ ለአራት ቀናት በድምቀት ሲካሄድ የቆየው የኢህአዴግ አስረኛ ድርጅታዊ ጉባኤ በበርካታ አገራዊ ጉዳዮች ላይ የመከረ ሲሆን ህዝባችንን እያማረረና እያንገላታ ያለው በአገልግሎት አሰጣጥ

ተጨማሪ ያንብቡ…

መልካም አስተዳደርን ለማስፈን ቁርጠኛ አቋም የተያዘበት ጉባኤ

የኢህአዴግ መተዳደርያ ደንብ ድርጅቱ ከሁለት እስከ ሁለት ዓመት ተኩል ባለው ጊዜ ውስጥ ጉባኤውን እንደሚያካሂድ ይደነግጋል፡፡ በ1983 ዓም በትግራይ በቆላ ተንቤን በተባለ ስፍራ አንደኛ ድርጅታዊ ጉባኤውን አንድ ብሎ ማካሄድ የጀመረው ኢህአዴግ ሰሞኑን የተካሄደውን ጨምሮ አስር ስኬታማ ጉባኤዎችን አካሂዷል፡፡

ተጨማሪ ያንብቡ…

— 10 Items per Page
Showing 1 - 10 of 13 results.