''ከመደመር ዕሴት አንደኛዉ ብልጽግና ነው። ብልጽግና የዜጎች ሥጋዊ፣ የስምና የነጻነት ፍላጎቶች በቀጣይነት ማሟላት እንዲችሉ አቅማቸውን ማሳደግ ነው። ብልጽግና የሰው ልጅ ሥጋዊ ፍላጎቶች የሆኑትን (የምግብ፣ የመጠጥ፣ የልብስ፣ መጠለያ፣ የጤና፣ የትምህርትና የንጽሕና አገልግሎቶችን) እና የሰው ልጆችን ቀጣይነትና አስተማማኝነት ያለው ነጻ የምርጫ አድማስ በማስፋት የዜጎችን ደስተኝነት ማረጋገጥ ነው።'' ጠቅላይ ሚኒስትር ዶክተር አብይ አህመድ

ጠቅላይ ሚኒስትር ዐቢይ አሕመድ የኤሌክትሮኒክስ የአንድ መስኮት አገልግሎት ፕሮጀክትን ዛሬ በይፋ አስጀምረዋል።

ሮጀክቱ አሥራ ስድስት የሚሆኑ ባለድርሻ አካላትን ያሳተፈና በሀገራችን የዓለም አቀፍ ንግድ ሂደትንና የሎጂስቲክስ ሥርዓትን በማዘመን፣ ኢኮኖሚያዊ ተወዳዳሪነታችንን በማሳደግ በኩል ሊተካ የማይችል ከፍተኛ ሚና ይጫወታል። ፕሮጅክቱ አስመጪውች እና ላኪወች በየተቋማቱ መሄድ ሳያስፈልጋቸው በሚቀርብላቸው የኤሌክትሮኒክስ አግልግሎት አማካኝነት ለማስመጣት ወይም ለመላክ የሚያስፈልጉ የንግድና ተያያዥ ሂደቶችን በቢሮ፣በቤት ወይም በአመች ቦታ ሆኖ ለመፈጸም ያስችላል፤ በዚህም ይወጣ የነበረውን፣ ወጪ፣ ጊዜና ድካም ማዳን ይቻላል።

ተጨማሪ ያንብቡ…

የ2012 ምርጫ “የሀገራዊ ለውጡ በጎ ተጽዕኖ በተግባር የሚፈተሽበት ይሆናል” ሲል የብልጽግና ፓርቲ ዋና ጽህፈት ቤት ሃላፊ አቶ ብናልፍ አንዷለም አስታወቁ።

የ2012 ምርጫ ከቀደሙት ምርጫዎች የተለየ እንደሚሆንም ጠቁመዋል። የፓርቲው ዋና ጽህፈት ቤት ሃላፊ አቶ ብናልፍ፤ የፓርቲው ስራ አስፈጻሚ ኮሚቴ ትናንት በወቅታዊ ጉዳዮች ላይ ያካሄደውን ስብሰባ አስመልክተው ጋዜጣዊ መግለጫ ዛሬ ሰጥተዋል። የብልጽግና ፓርቲ ስራ አስፈጻሚ ኮሚቴው በሀገሪቷ ወቅታዊ ጉዳዮች ላይ ዝርዝር ውይይት በማድረግ ውሳኔዎችና አቅጣጫዎችን አስቀምጧል። የውይይቱ ዋና ዋና አጀንዳዎችም የሰላምና ጸጥታ ጉዳይ፣ ምርጫ 2012 እንዲሁም የፓርቲውን የአስር ዓመት እቅድ የተመለከቱ ናቸው። አቶ ብናልፍ እንደተናገሩት፤ በሀገሪቷ የተለያዩ የለውጥ ስራዎች እየተከናወኑ የሚካሄደው የ2012 ምርጫ ከቀደሙት ምርጫዎች የተለየ ገጽታ ሊኖረው እንደሚችል ስራ አስፈጻሚ ኮሚቴው ገምግሟል።

ተጨማሪ ያንብቡ…

50ሺ የምርጫ ጣቢያዎችን

50ሺ የምርጫ ጣቢያዎችን፤ • 300ሺ የምርጫ አስፈጻሚዎችን፤ • 50 ሚሊዮን መራጮችን ታሳቢ ያደረገ ዝግጅት እየተደረገ ነው አዲስ አበባ፡- ለስድስተኛ ጊዜ ለሚካሄደው የ2012 ዓ.ም ሀገራዊ ምርጫ 50ሺ የምርጫ ጣቢያዎችን፣ እስከ 300 ሺ የምርጫ አስፈጻሚዎች እና 50 ሚሊዮን መራጮች ሊኖሩ እንደሚችሉ ታሳቢ ያደረገ ዝግጅት በማድረግ ላይ መሆኑን ምርጫ ቦርድ አስታወቀ። በተባበሩት መንግሥታት የልማት ፕሮግራም የገንዘብ ድጋፍ ለመራጮች ምዝገባ የሚውሉ የህትመት ሥራ በዱባይ በመከናወን ላይ እንደሆነም ገልጿል።

ተጨማሪ ያንብቡ…

Back

የፌዴራል ስርዓቱ ሁሉንም ፍላጎቶች ማስተናገድ የሚችል ነው!

                                                                                                                                                                                                   በሚራክል እውነቱ

የአዲስ አበባ ዩኒቨርሲቲ የታሪክ መምህር ፕሮፌሰር ተሰማ ታኣ ፌደራሊዝምን አስመልክቶ ማብራሪያ ሲሰጡ እንዲህ ይላሉ፡፡ "እያንዳንዱ ክልል ራሱን በራሱ እያስተዳደረ ለራሱ የሚገባውን አድርጎ ለማዕከላዊው መንግሥት የሚጠበቅበትን በትክክል መስጠት ሲችል ነው ፌዴራሊዝም የሚመጣው፡፡"

በየክልሉ የሚገኙ ብሄሮች፣ ብሄረሰቦችና ህዝቦችም ክልላቸውን እንደራሳቸው መያዝናክልሎቹ የውስጣቸውን ጸጥታ መጠበቅ መቻል እንደሚገባቸው ያብራራሉ፡፡ ክልሎች በውስጣቸው ያሉትን ብሄሮች፣ ብሄረሰቦችና ህዝቦች ባህል፣ ቋንቋ ማጎልበት እንዲችሉ ማድረግ ሲችሉ ነው ፌዴራሊዝም ግቡን የሚመታው፡፡ ፕሮፌሰር ተሰማ የፌዴራሊዝም ስርዓት በሚገባ በስራ ሲተረጎም ነው የኢትዮጵያን ችግር በትክክልመፍታት የሚቻለው በማለት ሀሳባቸው ያብራራሉ፡፡

እንደ ፕሮፌሰር ተሰማ ገለጻ፤ የፌዴራሊዝም ስርዓት ለኢትዮጵያ መፍትሄ ነው፡፡ ስርዓቱ የእያንዳንዱን ባህል፣ ቋንቋ ጠብቆ የሚያስኬድ በመሆኑ መልካም ነው፡፡ ኢትዮጵያ ፌዴራሊዝምን ተቀብላ መተግበር ከጀመረች በርካታ ዓመታትን አስቆጥራለች፡፡ ይህ የስርዓት አይነት በሀገሪቱ እንዳይተገበርና ዕውን እንዳይሆን የሚሟገቱ በርካቶች ነበሩ፡፡ ምክንያታቸው ደግሞ ፌዴራሊዝም ሀገርን የሚበታትንና አንድነትን የሚያጠፋ ነው ብለው ያስቡ ስለነበር ነው፡፡ ፌዴራሊዝም እንደተባለው ሀገርን የሚበታትን ቢሆን ኖሮ ከኢትዮጵያ በፊት ፌዴራሊዝምን ቀድመው የጀመሩት ሀገራት አንድነታቸውን ጠብቀው በልማትም በሰለም ወደፊት ከመሻገር ይልቅ ህልውናቸው እስከ ዛሬ አክትሞ ነበር።

እነአሜሪካና ስዊዘርላንድ ፌዴራላዊ ስርዓትን ተቀብለው መተግበር ከጀመሩ ምዕተ አመት አስቆጥረዋል። እንደተባለው ስርዓቱ ሀገርን አደጋ ውስጥ የሚጥልና አንድነትን የሚያጠፋ ቢሆን ኖሮ ዛሬ አሜሪካም ሆነ ስዊዘርላንድ የሚባሉ አገራትን ላናይ እንችል ነበር። አሜሪካ እ.ኤ.አ. በ1789 በህገመንግስት የተረጋገጠ ፌደራላዊ ስርዓትን በሀገሯ ላይ እውን አድርጋለች። ስዊዘርላንድ ደግሞ እ.ኤ.አ በ1848 ስርዓቱን በህገመንግስቷ እውቅና ሰጥታ ዘርግታለች። ጀርመንም እ.ኤ.አ.በ1871 ፌዴራላዊ መንግስትን ይፋ አድርጋለች። በመቀጠልም ካናዳ፣ ቤልጂየም፣ ህንድ፣ ደቡብ አፍሪካ፣ ናይጄሪያ፣ ሱዳን፣ አርጀንቲና፣ ብራዚል፣ ሜክሲኮ፣ የቀድሞዋ ዩጎዝላቪያ የተለያዩ ግዛቶች፣ ቼኮስሎቫኪያ፣ ከኮሚኒዝም መፈራረስ በኋላ የቀድሞዋ ሶቪየት ህብረት ወደ ፌዴራል ስርዓት በሂደት እንደተቀላቀሉ የዘርፉ ምሁራን ከጻፏቸው ሰነዶች መረዳት ይቻላል።

የኢትዮጵያ ፌዴራላዊና ዴሞክራሲያዊ ሥርዓትን ለመመስረት የኢትዮጵያ ብሄሮች ብሄረሰቦችና ህዝቦች ከባድ መስዋዕትነት ከፍለዋል፡፡ በአገራችን የፌዴራሊዝም ስርዓት ከተመሰረት በኋላ በርካታ ውጣ ውረዶች ታልፈዋል፡፡ ፌዴራላዊና ዴሞክራሲያዊው ሥርዓትን ዕውን ለማድረግ ከተከፈለው መስዕዋትነት አንፃር ሲታይ አሁን የተፈጠሩት ተግዳሮቶች የማይፈቱ አይደሉም፡፡ ሥርዓቱ ተግዳሮቶቹን ለመፍታት የሚያስችል ህገመንግስታዊ መሰረት ያለው ነውና፡፡

ታሪካችንን ወደ ኋላ ስንመለከት ያለፉት ሥርዓቶች አምባገነናዊ ገዥዎችን ተጠቃሚ ማድረጋቸው ብቻ ሳይሆን ሀገራችንን የኋልዮሽ የጎተቱ ናቸው፡፡ የሀገሪቱን ኢኮኖሚ ከፍ ከማድረግ ይልቅ ቁልቁል እንዲወርድ አድርገዋል፤ ዜጎች ለልዩ ልዩ ማህበራዊ ችግሮች አጋልጠዋል፡፡ በዚህ የተነሳ የበርካታ ሀገሮች መጠቋቆሚያ ልንሆን ችለናል፡፡ ይህ የታሪካችን አንድ አካል መሆኑ ጨርሶ የሚካድ ጉዳይ አይመስለኝም፡፡ ታዲያ ያ ሁሉ ችግርና ቸነፈርን ያለፈች በህዝቦቿ ሁለንተናዊ ጥረት የተረጋጋች እና ዜጎቿም ተፈቃቅደውና አንድ የጋራ ፖለቲካዊ ኢኮኖሚያዊ ሥርዓት መስርተው የሚኖሩባት አገር ናት፡፡ እርስ በርስ እየተከባበሩ በፈጠሩት ፌዴራላዊ ሥርዓት የፈጣንና ተከታታይ ልማት ተቋዳሽ ሀገር ባለቤት ለመሆን በቅተዋል፡፡

ኢህአዴግ የሚመራው ልማታዊና ዴሞክራሲያዊ መንግስታችን ህዝቡ በአስተሳሰብ ደረጃ በድህነት ላይ ድል እንዲቀዳጅ የማድረግ ኃላፊነትን በሚገባ ለመወጣት ከመቼውም ጊዜ በላይ በቁርጠኝነት ወደ ትግበራ ገብቷል፡፡ የሀገራችን ብሔሮች፣ ብሔረሰቦችና ህዝቦች በመንግሥት በተነደፉ ፖሊሲዎችና ስትራቴጂዎች እየተመሩ መስካሪ የማያሻው ዕድገት ማስመዝገብ የጀመሩበት ወቅት ላይ እንገኛለን፡፡ ዜጎች ከድህነት አዙሪት ተላቀው ወደ ፈጣን ልማትና ፍትሃዊ ተጠቃሚነት ውስጥ ገብተዋል፡፡ በሀገሪቱ የፌዴራል ሥርዓት እውን ከሆነ ወዲህ የሠላም፣ የልማትና የዴሞክራሲ ጉዳዮች ምላሽ እያገኙ መጥተዋል፤ምንም እንኳ አልፎ አልፎ የሚስተዋሉ የአፈፃፀም ክፍተቶች ቢያጋጥሙትም፡፡ እርግጥ ነው የኢትዮጵያ ብሔር ብሔረሰቦችና ህዝቦች ለዘመናት ተቻችለው፣ተከባብረውና ተዋህደው በኖሩባት ምድር የተለያዩ ሰበቦችን በመደርደር ይህንኑ በአንድነታቸው የገነቡትን የጋራ ቤታቸውን ሊንድ የሚፈልግ አንዳች ሀይል በኢትዮጵያ ሰማይ ስር ማንዣበቡ ከቅርብ ጊዜ ወዲህ ማየት የጀመርነው እውነታ ነው፡፡ የፌደራል ስርዓቱ ደግሞ በሰከነ አዕምሮ ላስተዋለው ሰው ለሁሉም ጥያቄዎች መልስ አለው፡፡

የፌደራል ሥርዓቱ በማህበራዊ መስተጋብሮች ምክንያት የሚፈጠሩ ልዩነቶችን ለማቻቻል አብሮ ለመጓዝና የማንነት ልዩነቶችን መሠረት ያደረጉ ግጭቶችን ለማስተንፈስ የሚያስችል ፍቱን መሣሪያ መሆኑ ሊሰመርበት ይገባል፡፡ አሁን አሁን እያጋጠሙ ያሉ ውጣ ውረዶችን አልፎ ሰላሟ የተረጋገጠና በህዝቦቿ ሁለንተናዊ ርብርብ የበለፀገችና ያደገች ሀገርን የመገንባት ህልማችንን ዕውን ማድረግ የቻለ ስርዓት ነው። በሀገራችን አንዳንድ አካባቢዎች የተከሰቱት ተግዳሮቶችን መፍታት የሚቻለውም ህገመንግስታዊ የሆነውን ስርዓት በመጠበቅና በመተግበር ብቻ ነው። እርግጥ ሀገራችን ውስጥ እየተተገበረ ያለው ፌዴራላዊ ዴሞክራሲያዊ ሥርዓት በርካታ ውጣ ውረዶችን እየፈታና ችግሮችን እያረመ የመጣ በመሆኑ እነዚህን ተግዳሮቶች በብቃት የመፍታት አቅም አለው፡፡ ሥርዓቱን የሚፈታተኑ ተግዳሮቶች ቢኖሩም፤ ይህንኑ ችግር መፍታት የሚቻለው የሀገራችን ብሔሮች፣ ብሔረሰቦችና ህዝቦች የፌዴራል ስርዓቱን አክብረውና ከመንግስት ጋር እጅና ጓንት ሆነው ተግዳሮቶቹን ለመፍታት ሲተጉ ብቻ መሆኑን ኢህአዴግ ከፍ ያለ እምነት አለው፡፡


Visitorcounter Visitorcounter

Today       

312

       የዛሬ ጎብኚ

Yesterday       

1270

       የትናንት ጎብኚ

This Month       

23320

       የዚህ ወር ጎብኚ

This Year       

266768

       የዚህ ዓመት ጎብኚ

Total        

522581

       አጠቃላይ ጎብኚ