Skip to Content
   አማርኛ    እንግሊዘኛ    ያግኙን    ሴትች ሊግ    ወጣት ሊግ

ኢህአዴግ

ኢህአዴግ አገር የመምራት ሃላፊነትን ከተረከበ ጊዜ ጀምሮ ከውስጥም ከውጭም የሚነሱ በርካታ ውጣ ውረዶችን ያስተናገደ ድርጅት መሆኑ ይታወቃል፡፡ ከአገራችን ነባራዊ ሁኔታ ጋር የሚጣጣምና የህዝባችንን ሁለንተናዊ መለወጥ ታሳቢ ያደረገ የፖለቲካና ኢኮኖሚ ስርዓት በማራመድ በውጭ ሃይል ተፅእኖ የሚጠመዘዝ ድርጅት አለመሆኑን ገና በጠዋቱ በተግባር ያሳየ ድርጅት ነው፡፡

ከደርግ ውድቀት ማግስት አገራችን የመበታተን ስጋት ውስጥ የነበረችበት ሁኔታ ቢኖርም መላ የሃገሪቱን ህዝቦች በማስተባበርና በብስለት በመምራት ዴሞክራሲያዊ አንድነቷ በፅኑ መሰረት ላይ እየተገነባ እንዲዘልቅ አስችሏል። ህገ መንግስታችን የአንድነታችንና የመከባበራችን ማሰሪያ ውል እንዲሆን በሚያስችል መልኩ በህዝብ ሙሉ ተሳትፎ ተቀርፆ በመፅደቁ ያንን የመበታተን ስጋት ተሻግረን በጋራ ለዘላቂ ለውጥ መረባረብ ጀምረናል።

እባክዎን ማንኛውም አስተያየት ካልዎት ክልክ በማድረግ ይፃፉ!

ስለአስተያየትዎ እናመሰግናለን!!!

ዜና ዜና

የኢህአዴግ ስራ አስፈጻሚ ኮሚቴ በብሄራዊ ደህንነት ጉዳዮች ላይ በመወያየት ቀጣይ አቅጣጫዎችን አስቀመጠ

የኢህአዴግ ስራ አስፈጻሚ ኮሚቴ ዛሬ ግንቦት 8 ቀን 2011 ዓም ባካሄደው ስብሰባ ባለፈው አንድ ዓመት የለውጥ ጉዞ ውስጥ የተከናወኑ የብሔራዊ ደህነንት ስኬታማ ስራዎችን እንዲሁም እያጋጠሙ ያሉትን ተግዳሮቶች የገመገመ ሲሆን የመፍትሄ አቅጣጫዎችንም አስቀምጧል፡፡ ኮሚቴው የሀገራችንን ብሔራዊ ደህንነት ለማረጋገጥ የተከናወኑ ስራዎችን በጥልቀት የተመለከተ ሲሆን ለአብነትም በውጭ ሀገራት የነበሩ የታጠቁ ሃይሎች ትጥቃቸውን ፈትተው ወደ ሃገር ውስጥ እንዲገቡ መደረጉ እንዲሁም ከኤርትራ ጋር የነበረው ሰላምም ጦርነትም ያልሆነ ግንኙነት መስተካከሉ ከለውጡ በኋላ የተገኙ ስኬቶች መሆናቸውን ግምግሟል፡፡

ተጨማሪ ያንብቡ…

የኢህአዴግ ሥራ አስፈጻሚ ኮሚቴ ስብሰባውን ማካሄድ ጀምሯል

የኢትዮጵያ ህዝቦች አብዮታዊ ዴሞክራሲያዊ ግንባር(ኢህአዴግ) ዛሬ ግንቦት 8ቀን 2011 ዓም ስብሰባውን ማካሄድ የጀመረ ሲሆን በብሄራዊ ደህንነትና ሌሎች ወቅታዊ እየተወያየ መሆን የኢህአዴግ ም/ቤት ጽ/ቤት አስታውቋል፡፡ ስራ አስፈፃሚ ኮሚቴው በቅርቡ ባካሄደው ስብሰባ በአጭር ጊዜዎች ውስጥ በተከታታይ እየተገናኘ ስራዎችን በጋራ እንዲገመግምና አቅጣጫዎችን እንዲያስቀምጥ መግባባት ላይ እንደደረሰ መግለጻችን ይታወሳል፡፡

ተጨማሪ ያንብቡ…

የኢህአዴግ ስራ አስፈፃሚ ኮሚቴ የኢኮኖሚ ማሻሻያ ሪፎርሞችን በጥልቀት በመገምገም ቀጣይ የኢኮኖሚ አቅጣጫዎችን አስቀመጠ።

የኢህአዴግ ስራ አስፈፃሚ ኮሚቴ ሚያዚያ 28/2011 ዓም ባካሄደው ስብሰባ ያለፉት ዓመታትን የኢኮኖሚ ዘርፍ አፈፃፀም በዝርዝር ከገመገመ በኋላ የኢኮኖሚ ማሻሻያ ሪፎርሞችን በማስቀመጥ ስብሰባውን አጠናቋል። ስራ አስፈፃሚ ኮሚቴው ከ2003 እስከ 2010 ዓም በአገሪቱ የተመዘገበውን የኢኮኖሚ አፈፃፀም የገመገመ ሲሆን በእነዚህ ዓመታት ውስጥ አጠቃላይ የአገር ውስጥ ምርት በአማካይ የ9.6 እድገት ማሳየቱን በዚህም የግብርና ዘርፍ የ5.7 በመቶ፣ የኢንዱስትሪ ዘርፍ ደግሞ የ19.1 በመቶ እንዲሁም የአገልግሎት ዘርፍ 10.3 በመቶ እድገት ማስመዝገቡን ተመልክቷል።

ተጨማሪ ያንብቡ…

የኢህአዴግ ስራ አስፈጻሚ ኮሚቴ ስብሰባውን ማካሄድ ጀመረ

የኢትዮጵያ ህዝቦች አብዮታዊ ዴሞክራሲያዊ ግንባር(ኢህአዴግ) ስራ አስፈጻሚ ኮሚቴ ከዛሬ ሚያዝያ 28ቀን 2011 ዓም ጀምሮ ስብሰባውን ማካሄድ ጀምሯል፡፡ ስራ አስፈጻሚ ኮሚቴው በድርጅታዊና ወቅታዊ ሃገራዊ ጉዳዮች ላይ ጥልቅ ውይይት በማካሄድ ውሳኔዎችንና ቀጣይ አቅጣጫዎችን ያስቀምጣል ተብሎ ይጠበቃል፡፡

ተጨማሪ ያንብቡ…

መጣጥፎች መጣጥፎች

Back

አንድ ቤት የሚገነቡ….

በአቡ

አንዳንዴ አባቶቻችን በተረትና በምሳሌያዊ አነጋገር ያወረሱን አባባሎች በጣም የልብ አድርስ ናቸው፡፡ አሁን እየሆነ ያለውን ነገር ሳስበው ከነዚህ ተረቶች መካከል ‘'አንድ ቤት የሚገነባ ሳር አይሰራረቅም'' የሚለው በህሊናዬ አቃጫለ፡፡ ሃቅ ነው፡፡ አንዲት ጎጆ ቤት በጋራ እየገነቡ ያሉ ሰዎች እንዴት ብሎ ለጣሪያ ክዳን የሚሆናቸውን ሳር ይሰራረቃሉ፡፡ ባይሆን ተባብረው ቆንጆና ጠንካራ ሳር ካለበት ፈላልገው ያመጣሉ እንጂ፡፡ ይህን እንዳነሳ ምክንያት የሆነኝ በአገራችን የሚስተዋለው የመጓተትና በተለያየ ጎራ የመፈራረጅ አባዜ የተጠናወተው መብዛቱ ነው፡፡ አንዱ የአንዱን ቡድን ወይም ወገን ስም እየጠራ ያወግዛል፣ አንዱ የሌላኛውን አካባቢ ሰው እየጠራ ጠላትህ ነው እያለ ባገኘው አጋጣሚ ሁሉ በቀልና ጥላቻን ይሰብካል፡፡ ማህበራዊ ሚዲያ ደግሞ ይህንን መርዝ ለመርጨት የሚጠቀሙበት ሰፊ ምህዳር እየሆነ መጥቷል፡፡

የአንድ አገር ያውም የአንድ እናት ልጆች፤ እጣ ፋንታችን ሁሉ የተሳሰረ መሆኑ ስለምን ተረሳ? አገር እኮ የጋራ ናት፣ ከክልል ክልል ከከተማ ከተማ ያለው አካፋይ ወሰኖችም እኮ ለአስተዳደር አመቺነት ተብለው የተሰመሩ እንጂ የኔ የአንተ አገር የሚንባባልበት ድንበሮች መሆን አልነበረባቸውም፡፡

ጠቅላይ ሚንስትር ዶክተር አብይ አህመድ በቀደሙት ጊዜያት የተሰሩ ስህተቶች በይቅርታና በምህረት ታልፈው ታሪኮቻችንንም መማሪያ ብቻ አድርገን ለአገራዊ አንድነት በጋራ አዲስ ታሪክ ለመስራት መነሳት እንደሚገባ በመግለፅ ይህንን የሚያጠናክሩ በርካታ ርምጃዎች ተወስደዋል፡፡ በዚህ የለውጥ ሂደትም ዴሞክራሲ የሰፈነባት፣ የትልቅ ኢኮኖሚ ባለቤት፣ የህዝቦቿ አንድነት የተጠበቀና ፍትሃዊነት የተረጋገጠባት አገር ለመገንባት ራዕይ በመሰነቅ አዲስ መንገድ ጀምረናል፡፡

ባለፉት ወራቶች የሰዎች ሰብዓዊና ዴሞክራሲያዊ መብቶች ሳይሸራረፉ መከበር አለባቸው ከሚል መነሻ የታሰሩት ተፈተዋል፡፡ በአገራቸው አኩርፈው የራቁትም እንዲቀርቡ ተደርጓል፡፡ መከፋፈላችን፤ መጠላለፋችን እንዲያበቃ የእንደመር ጥሪ በማቅረብ ሁሉም ከምንም ነገር በፊት አገሩን እንዲያስቀድም ጥረት ተደርጓል፡፡ ይህ ደግሞ በርካታ ኢትዮጵያውያንን እፎይ ያስባለ እርምጃ ነው፡፡

በአገራችን የተጀመረው ለውጥ ዓላማ በአንድ ላይ ሆኖ ታላቅ የሆነች አገር መገንባት ነው፡፡ አገራችን ተባብረው እንደሚገነቧት አንድ ጎጆ ናት፡፡ ስለዚህ ይህችን የጋራ ቤታችንን ለመገንባት የጀመርነውን የለውጥ ሂደት አጠናክረን በማስቀጠል በውጤቱ የምንረካበትን ጊዜ ልናፋጥነው ይገባል፡፡  

 

 

 

 

 


ራዕይ ራዕይ

ተልዕኮ ተልዕኮ

እሴቶች እሴቶች

© 2019 (ኢህአዴግ) የኢትዮጵያ ህዝቦች አብዮታዊ ዴሞክራሲያዊ ግንባር.