Skip to Content
   አማርኛ    እንግሊዘኛ    ያግኙን    ሴትች ሊግ    ወጣት ሊግ

ኢህአዴግ

ኢህአዴግ አገር የመምራት ሃላፊነትን ከተረከበ ጊዜ ጀምሮ ከውስጥም ከውጭም የሚነሱ በርካታ ውጣ ውረዶችን ያስተናገደ ድርጅት መሆኑ ይታወቃል፡፡ ከአገራችን ነባራዊ ሁኔታ ጋር የሚጣጣምና የህዝባችንን ሁለንተናዊ መለወጥ ታሳቢ ያደረገ የፖለቲካና ኢኮኖሚ ስርዓት በማራመድ በውጭ ሃይል ተፅእኖ የሚጠመዘዝ ድርጅት አለመሆኑን ገና በጠዋቱ በተግባር ያሳየ ድርጅት ነው፡፡

ከደርግ ውድቀት ማግስት አገራችን የመበታተን ስጋት ውስጥ የነበረችበት ሁኔታ ቢኖርም መላ የሃገሪቱን ህዝቦች በማስተባበርና በብስለት በመምራት ዴሞክራሲያዊ አንድነቷ በፅኑ መሰረት ላይ እየተገነባ እንዲዘልቅ አስችሏል። ህገ መንግስታችን የአንድነታችንና የመከባበራችን ማሰሪያ ውል እንዲሆን በሚያስችል መልኩ በህዝብ ሙሉ ተሳትፎ ተቀርፆ በመፅደቁ ያንን የመበታተን ስጋት ተሻግረን በጋራ ለዘላቂ ለውጥ መረባረብ ጀምረናል።

እባክዎን ማንኛውም አስተያየት ካልዎት ክልክ በማድረግ ይፃፉ!

ስለአስተያየትዎ እናመሰግናለን!!!

ዜና ዜና

የብሔረ አማራ ዴሞክራሲያዊ ንቅናቄ(ብአዴን) 37ኛ አመት የምስረታ ተከበረ

‹‹ህዝባዊነትና የዓላማ ፅናት ለዴሞክራሲያዊ አንድነት›› በሚል መሪ ቃል በመከበር ላይ የሚገኘው 37ኛው የኢህዴን/ብአዴን የምስረታ በዓል በህዝብ ተወካዮች ምክር ቤት የመሰብሰብያ አደራሽ በተለያዩ ዝግጅቶች በድምቀት ተከብሯል፡፡ በበዓሉ ላይ የኢህአዴግ ጽህፈት ቤት፣ የዴሞክራሲ ተቋማት፣ የሜጋ፣ ዋልታና ፋና ሰራተኞችና አመራሮች የተገኙ ሲሆን በዓሉም በፓናል ወይይትና በሌሎች ዝግጅቶች ነው የተከበረው፡፡

ተጨማሪ ያንብቡ…

ፓርቲዎቹ በምርጫ ህጉ አዋጅ ላይ ያካሄዱትን ድርድር አጠናቀቁ

አገር አቀፍ ተደራዳሪ የፖለቲካ ፓርቲዎች በምርጫ ህጉ አዋጅ ላይ ሲያካሂዱት የቆየው ድርድር ተጠናቀቀ። የ11ዱ ተዳራዳሪ ፓርቲዎች ጥምረት 'ምርጫ ቦርድ' የሚለው ስያሜ ወደ 'ምርጫ ኮሚሽን' እስካልተቀየረ በሚል ለሁለት ቀናት ምንም ሃሳብ ባለመስጠት ድርድሩን በታዛቢነት ተከታትሏል። ኢህአዴግ፣ ኢራፓ፣ የገዳ ሥርዓት አራማጅ ፓርቲ፣ መኢብንና መኢዴፓ ምርጫ ቦርድ የሚለው ስያሜ ሳይለወጥ በአዋጁ ይዘት፣

ተጨማሪ ያንብቡ…

ኢህአዴግና ሀገር አቀፍ ተቃዋሚ ፓርቲዎች በምርጫ ቦርድ አዋጅ ማሻሻያ ላይ ተደራደሩ

የኢትዮጵያ ህዝቦች አብዮታዊ ዴሞክራሲያዊ ግንባር (ኢህአዴግ) እና አራት ሀገር አቀፍ ተደራዳሪ ፓርቲዎች በምርጫ ቦርድ አዋጅ ዝርዝር ማሻሽያ አንቀፆች ላይ ተደራደሩ። ኢሕአዴግ፣ ኢራፓ፣ የገዳ ሥርዓት አራማጅ ፓርቲ፣ መኢብንና መኢዴፓ ህዳር 5 ቀን 2010ዓ.ም በተካሄደው የድርድር መድረክ የምርጫ ቦርዱ አዋጅ 532/99 ከ1 እስከ 61 ያሉት አንቀፆች ላይ የተደራደሩ ሲሆን፤ በቀጣይ ከ62 እስከ 111 ባሉት አንቀፆች ላይ ለመደራደር ዕቅድ ይዘዋል።

ተጨማሪ ያንብቡ…

ሀገር አቀፍ ተደራዳሪ የፖለቲካ ፓርቲዎች በምርጫ ስርዓት ላይ ተስማሙ

ላለፉት ዙሮች በምርጫ ስርዓት እንዲሁም በምርጫ ቦርድ ስያሜና አወቃቀር ዙሪያ ሲደራደሩ የቆዩት ኢህአዴግና አብዛኞቹ ሀገር አቀፍ ተቃዋሚ የፖለቲካ ፓርቲዎች የምርጫ ስርዓቱ ቅይጥ ትይዩ እንዲሆን ተስማምተዋል፡፡ የምርጫ ስርዓቱ 20/80 ቅይጥ ትይዩ መሆኑ የሀገራችንን ነበራዊ ሁኔታ ግምት ውስጥ ያማስገባ ስርዓትና ሳይንሳዊ መሰረት ያለው ሲሆን የባከኑ ድምጾች የሚሰበሰቡበት እንዲሁም የተለያዩ ማህበራዊ መሰረቶች የሚወከሉበት መሆኑን አብዛኞቹ ፓርቲዎች ተስማምተውበታል፡፡

ተጨማሪ ያንብቡ…

መጣጥፎች መጣጥፎች

እንደገና ወደ ኋላ ለማን በጀ?

በአማራ ክልል ሰሜን ሸዋ ዞን አንዳንድ ወረዳዎች ላይ የተፈጠረው ግጭትና አለመረጋጋት የክልሉን ልማት ወደ ኋላ ለመመለስ ብቻ ሳይሆን ለዘመናት በመተሳሰብና በመቻቻል አብሮ ከኖረው ከወንድሙ የኦሮሞ ህዝብ ጋር ያለውን ግንኙነት ለማሻከርና እርስ በእርስ የጥርጣሬ መንፈስ እንዲፈጠር በማድረግ የመተባበርና የመደጋገፍ አቅሙን ለማዳከም ታልሞ የተሰራ ሴራ ነው፡፡ በአራቱም የሀገሪቱ ማዕዘናት የተጀማመሩና የኢኮኖሚ ምህዋሩን አንድ ደረጃ ማሳደግ የሚያስችሉ ልማቶችን ከመደገፍና ደጀን ከመሆን ይልቅ ኢ-ምክንያታዊ በሆኑ ነገሮች ሰበቦችን በመፍጠር ብሔርን መሰረት አድርገው ሁከትና አለመረጋጋት እንዲፈጠር በማድረግ አንዳንድ አፍራሽ ኃይሎች መንግስትን የማዳከም ስራ ላይ ተጠመደዋል፡፡ የሰው ህይወት እንዲጠፋ፣ የህዝብና መንግስት ንብረቶችን ማውደም፣ እንዲሁም ይህንኑ ግርግር መነሻ በማድረግ በዝርፊያና ስርቆት ወንጀሎች ላይ በመሰማራት በህገ ወጥ መንገድ የግል ሀብታቸውን ለማፍራት የሚኳትኑ ጥቂት እፉኝቶች የሌት ተቀን ስራቸው አድርገውታል፡፡

ለሚወረወርልን እሳት ጭድ እየመገብነው ነው ወይስ ውሃ እየቸለስንበት?

በዚህ ይህ የኔ አካባቢ ነው፣ አንተ መጤ ነህ፣ ውጣልኝ/ውጭልኝ እስከ መባባል ተደርሶ፤ የሰው ህይወት እየጠፋና በርካቶች ለዘመናት ከኖሩበት የትውልድ ቀዬአቸው እየተፈናቀሉ ነው፡፡ ይህ ግጭት እውነትም በህዝቦች መካከል እየተፈጠረ ያለ ግጭት ነው ወይ? ሲባል ሁሉም አፉን ሞልቶ በጭራሽ፤ እንዴት ተደርጎ፤ በተድላ ጊዜ በደቦ አመርተን ለአገር የምንተርፍ፣ በችግራችን ጊዜ ደግሞ አንድ ቂጣ ተካፍለን በልተን አድረን ክፉ ደጉን አብረን ያሳለፍን፤ አንድ እናት ገቢያ ስትሄድ የአንዷን እናት ጡት ለሁለት ጠብተን ያደግን ሰዎች ምን ቆርጦን ጦር እንማዘዛለን? እንላለን፡፡ ከግጭት መልስ በየአካባቢው የሚደረዱ ህዝባዊ ውይይቶች ላይም አዘውትረን የምንሰማው ይህንኑ ነው፡፡ ደግሞም ሀቅ ነው፡፡ ታዲያ ምንድነው የሚያጋጨን? ሲባል መልሱ ግልጽ ነው፡፡ ያንን አብሮነታችንን አፍርሶ እርስ በእርስ አባልቶ ሊያጣፋን የሚሻ የጋራ ጠላታችን ወይም በግጭት ውስጥ ጥቅም የሚፈልግ ቁንጽል ፖለቲከኛ ወይም ብሄሩን መደበቂያ አድርጎ ከተጠያቂነት ለመሸሽ ላይ ታች የሚል ሌባ/ሙሰኛ ነው፡፡ ሲጠቃለል ግን የኛም ሆነ ከውጭ የመጣ ወገንን ደም በማቃባት ትርፍ የሚፈለግ ወይም የሚደሰት ያው ጠላታችን ነው፡፡

አብሮነታችንን ማን አየብን?

ኢትዮጵያ ሰላም ያለባት ሀገር እየመሰለች፤ ነገር ግን በሀገር ውስጥ ተፈናቃዮች ቁጥር በዓለም አቀፍ ደረጃ የመጀመሪያውን ቁጥር ከመያዝ ባሻገር በዚህ በኩል በእርስ በእርስ ጦርነት እየታመሱ ካሉት ሶርያ፣ ሶማሊያ፣ የመንና ደቡብ ሱዳን ጋር አብሮ ስሟ መጠራቱ ለኢትዮጵያዊ ማንነት የማይመጥን የአብሮነትየመደጋገፍ ባህላችንን የሚያጠለሽና በሁላችንም ዘንድ በእጅጉ ሀዘኔታን የሚፈጥር ነው፡፡

ከ‹‹እኔ ብቻ›› ስሜት መሻገር ይገባል!!

በመደመር እሳቤ የጀመርነው ሁሉን አቀፍ አገራዊ ለውጥ እንደ ንብ ታታሪ ሆኖ በመስራት ለውጡን ዳር ማድረስ ከሁሉም ዜጋ የሚጠበቅ ሀላፊነት ነው፡፡ በእኛነት ስሜት በመደራጀት በአገራችን ይስተዋሉ የነበሩ ችግሮችን በጋራ በመታገል ዛሬ የደረስንበት ለውጥ እንዲመጣ ማድረግ ተችሏል፡፡ በተባበረ አንድነታችን ያቀነቀንለት የለውጥ ዝማሬ አልፎ አልፎ አንዳንድ መሰናክሎች እያስተናገደ ይገኛል፡፡ በቁልቁለት መንገድ ለማስገባት ከኋላ የሚገፉ ከፊት የሚስቡ የራሳቸውን ጥቅም ለማስጠበቅ የሚሯራጡ ሃይሎች እዚም እዚያም ይስተዋላሉ፡፡ የተጀመረውን የለውጥ ጉዞ ወደ ኋላ ለመመለስ በርካታ ወጥመዶች እየዘረጉ ይገኛሉ፡፡ በብሄሮች መካከል ያለውን ልዩነት በማጉላት በሕዝቦች መካከል ጭቅጭቅና ንትርክ ለመፍጠር የተለያዩ ሙከራዎችን ሲያደርጉ ይስተዋላሉ፡፡ በበርካታ ውጣውረድ ታልፎ የተገኘውን የለውጥ ጉዞ ለማስቀጠል አልፎ አልፎ የሚፈጠሩ ችግሮችን በሠለጠነ እና በሰከነ መንገድ በመፍታት የዴሞክራሲ ባህላችንንም ማሳደግ ወሳኝ ጉዳይ ነው፡፡

የፌዴራል ስርዓቱ ሁሉንም ፍላጎቶች ማስተናገድ የሚችል ነው!

እነአሜሪካና ስዊዘርላንድ ፌዴራላዊ ስርዓትን ተቀብለው መተግበር ከጀመሩ ምዕተ አመት አስቆጥረዋል። እንደተባለው ስርዓቱ ሀገርን አደጋ ውስጥ የሚጥልና አንድነትን የሚያጠፋ ቢሆን ኖሮ ዛሬ አሜሪካም ሆነ ስዊዘርላንድ የሚባሉ አገራትን ላናይ እንችል ነበር። አሜሪካ እ.ኤ.አ. በ1789 በህገመንግስት የተረጋገጠ ፌደራላዊ ስርዓትን በሀገሯ ላይ እውን አድርጋለች። ስዊዘርላንድ ደግሞ እ.ኤ.አ በ1848 ስርዓቱን በህገመንግስቷ እውቅና ሰጥታ ዘርግታለች። ጀርመንም እ.ኤ.አ.በ1871 ፌዴራላዊ መንግስትን ይፋ አድርጋለች። በመቀጠልም ካናዳ፣ ቤልጂየም፣ ህንድ፣ ደቡብ አፍሪካ፣ ናይጄሪያ፣ ሱዳን፣ አርጀንቲና፣ ብራዚል፣ ሜክሲኮ፣ የቀድሞዋ ዩጎዝላቪያ የተለያዩ ግዛቶች፣ ቼኮስሎቫኪያ፣ ከኮሚኒዝም መፈራረስ በኋላ የቀድሞዋ ሶቪየት ህብረት ወደ ፌዴራል ስርዓት በሂደት እንደተቀላቀሉ የዘርፉ ምሁራን ከጻፏቸው ሰነዶች መረዳት ይቻላል።

ራዕይ ራዕይ

ተልዕኮ ተልዕኮ

እሴቶች እሴቶች

© 2019 (ኢህአዴግ) የኢትዮጵያ ህዝቦች አብዮታዊ ዴሞክራሲያዊ ግንባር.