ዜና ዜና

የገዳ ስርዓት የህግ የበላይነትን ለማረጋገጥ የላቀ ፋይዳ እንዳለው ተገለጸ

የኦሮሞ ህዝብ ከጥንት ጀምሮ ሲተዳደርበት የነበረው የገዳ ስርዓት የህዝቡን ማህበራዊና ኢኮኖሚያዊ ትስስር ከማጠናከሩም ባሻገር የመከባበር ባህል እንድጎለብትና ህብረተሰቡ በሁለንተናዊ መልኩ መለወጥ እንዲችል መሰረት የሆነ ስርዓት መሆኑ ተገለፀ፡፡ በመጪው እሁድ የሚከበረውን የኢሬቻ በዓልን አስመልክቶ ዛሬ በቢሾፍቱ ከተማ የፓናል ውይይትና የህፃናት ሩጫ ተካሂዷል፡፡ በፓናል ውይይቱ የገዳ ስርዓትና የገዳ ስርዓትን በተባበሩት መንግስታት ድርጅት የትምህርትና ባህል ተቋም/ዩኔስኮ/ ለማስዝገብ እየተደረገ ያለውን አጠቃላይ እንቅስቃሴ የሚመለከት የመወያያ ፅሁፍ ቀርቦ ውይይት ተደርጎበታል፡፡

ተጨማሪ ያንብቡ…

በኢህአዴግ እንደገና በመታደስ ዙሪያ በፌዴራል መስሪያ ቤቶች የሚገኙ የድርጅቱ የመካከለኛ አመራር አካላት የሁለት ቀናት ግምገማዊ ስልጠና መድረክ ተካሄደ

በጠቅላይ ሚኒስትር ጽ/ቤት የመስብሰቢያ አዳራሽ ከሁሉም የፌዴራል ተቋማት የተውጣጡ የኢህአዴግ አባል ድርጅቶች የመካከለኛ አመራር አካላት የኢህአዴግ ምክር ቤት የሀገሪቱን ወቅታዊ ነባራዊ ሁኔታዎችንና ድርጅቱ አሁን ላይ ያለበትን ነባራዊ ሁኔታ በመገምገም የለያቸውን ስኬቶችንና ውስንነቶችን መሰረት በማድረግ የተላለፈውን እንደገና በጥልቀት የመታደስ ድተርጅታዊ ውሳኔ የተመለከተ የሁለት ቀናት ውይይት አካሄደዋል፡፡

ተጨማሪ ያንብቡ…

የኢፌዴሪ ጠቅላይ ሚንስትር ኃይለማርያም ደሳለኝ በወቅታዊ ጉዳዮች ላይ ጋዜጣዊ መግለጫ ሰጥተዋል

የኢፌዴሪ ጠቅላይ ሚንስትር ኃይለማርያም ደሳለኝ በወቅታዊ ጉዳዮች ላይ ትናንት በሰጡት ጋዜጣዊ መግለጫ ላይ በአሁኑ ወቅት በሀገራችን አንዳንድ አከባቢዎች እየታዩ ያሉ ግጭቶች መንስኤዎች በዝርዝር ያስቀመጡ ሲሆን ኢትዮጵያን አደጋ ላይ የሚጥል ስጋት አለመኖሩንና እዚህም እዚያም በሚታዩ ግጭቶች አገሪቱ ትፈራርሳለች የሚለው ስጋት መሰረተ ቢስ መሆኑን አስገንዝበዋል፡፡ እንደ ጠቅላይ ሚንስትሩ ገለፃ ለእነዚህ ግጭቶች እንደ ዋነኛ ምክንያት የሚጠቀሱ አራት መነሻዎች እንዳሉ አመላክተዋል፡፡

ተጨማሪ ያንብቡ…

ህብረተሰቡ ያሚያነሳውን ጥያቄ መርህን በተከተለ አግባብ ለመፍታት ጥረት እንደሚደረግ ተገለፀ

አቶ ገዱ በአሁኑ ወቅት በተለይ በጎንደርና አካባቢው የተከሰተው አለመረጋጋት በነዋሪዎቹ ማህበራዊና ኢኮኖሚያዊ እንቅስቃሴ ላይ ከፍተኛ ችግር አስከትሏል ብለዋል፡፡ በብዙ መልኩ አርዓያና የቱሪስቶች መዳረሻ የሆነችው ጎንደር ከተማ የንግድና ሌሎች ማህበራዊና ኢኮኖሚያዊ እንቅስቃሴዎች መዳከማቸውን ገልጸዋል፡፡ ህዝቡም በሰላም ወጥቶ በሰላም የመግባቱ ሁኔታ ስጋት ውስጥ ከቶታል ነው ያሉት። ደረጃው ቢለያይም በሌሎች የክልሉ አካባቢዎችም ችግሩ እንዳለ ገልፀው መንግስትና ህዝቡ ይህን መሰል ችግር ከዚህ በላይ ተሸክመው የሚቆዩበት ሁኔታ ላይ አይደሉም ብለዋል። በመሆኑም በክልሉ በጎንደርና በሌሎች አንዳንድ አካባቢዎች የተከሰተውን አለመረጋጋት ወደ መደበኛ ሁኔታ ለመመለስ የሰላሙ ባለቤት የሆነው ህዝብ ከመንግስት ጋር አብሮ እንዲሰራ ርዕሰ መስተዳድሩ አሳስበዋል።

ተጨማሪ ያንብቡ…